La primera.

Fai un tiempu entré a trabayar a una ludoteca que tenía una piscina de boles bien grande. El sitiu tenía munchos xuguetes y unos monitores bastente preparaos pa tener a los guah.es entretenidos (ún dellos yera yo, asina que-vos lo digo por esperiencia personal). Ensin embargu, los nenos tirábense de cabeza a la piscina na más diben llegando, ensin detenese a calcular los posibles daños medulares que-yos pudieren causar daquelles temibles boles marielles y coloraes, más dures que la mollera'l monitor que los trataba. Pa encima o, meyor dicho, pa debaxo, el fondu la piscina nun taba acolcháu y nun yera más que una lona del mesmu azul que los bordes. Vamos, una piscina traicionaera onde les hubiera.
Yo vivo nun sitiu del mundiu que se llama Asturies y que nun dexa de ser un enorme tanque similar al de la ludoteca, enllenu de boles de tolos colores que la xente que lu habita ta tirándose los unos a los otros tolos díes, a toles hores... y présta-yos. Yo nun diba ser menos y, por daquellos mesmos díes, decidíme a imitar a un compañeru que tenía un fotolog. Púnxeme manes a la obra pa tener yo ún. Nomelu, "La piscina de boles". Pero duróme el enfotu una entrada. Cansé.
Bueno, pos esti añu toi llaboriosu y voi comprometeme conmigo mesmu a escribir equí. A ver si asina dexo contentos a más d'ún y d'una que nun me callen con que escriba.

Y esta entrada, ye la primera.