tag:blogger.com,1999:blog-88669495842714052042024-03-19T05:16:08.260+01:00La piscina de boleselCuenteristahttp://www.blogger.com/profile/01649976022172502019noreply@blogger.comBlogger142125tag:blogger.com,1999:blog-8866949584271405204.post-31302632356286727492016-04-15T00:53:00.001+02:002016-04-15T00:57:47.485+02:0015 d'abril de 1980: l'otru Crimen de Cuenca<div class="" data-block="true" data-editor="esekq" data-offset-key="atorq-0-0" style="background-color: white; color: #141823; font-size: 14px; line-height: 18px; white-space: pre-wrap;">
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEjylj-LkFbSHnglYpuLr0J0uKUgkky3nzdrpHkG9Mxz6deP6O9x1RUhiqaqQ0zVomWGLN2C7-4UoYfAOfyOc3LtOEfV8acbvcWII_Oa4T3uXpyIf3oqRvMbDjif7JfEgByfa7E9EKpSRaY/s1600/crimen_cuenca.jpg" imageanchor="1" style="margin-left: 1em; margin-right: 1em;"><img border="0" height="320" src="https://blogger.googleusercontent.com/img/b/R29vZ2xl/AVvXsEjylj-LkFbSHnglYpuLr0J0uKUgkky3nzdrpHkG9Mxz6deP6O9x1RUhiqaqQ0zVomWGLN2C7-4UoYfAOfyOc3LtOEfV8acbvcWII_Oa4T3uXpyIf3oqRvMbDjif7JfEgByfa7E9EKpSRaY/s320/crimen_cuenca.jpg" width="229" /></a></div>
<div class="_1mf _1mj" data-offset-key="atorq-0-0" style="direction: ltr; position: relative; text-align: justify;">
<span data-offset-key="atorq-0-0"><span style="font-family: inherit;">Efeméride: </span></span><br />
<blockquote class="tr_bq">
<i><span style="font-family: inherit;">"15 d'abril de 1980: Xuzguen a Pilar Miró pola xurisdicción militar, al reconocese autora de la película El crimen de Cuenca."</span></i></blockquote>
</div>
</div>
<div class="" data-block="true" data-editor="esekq" data-offset-key="7i05t-0-0" style="background-color: white; color: #141823; font-size: 14px; line-height: 18px; white-space: pre-wrap;">
<div class="_1mf _1mj" data-offset-key="7i05t-0-0" style="direction: ltr; position: relative; text-align: justify;">
<span data-offset-key="7i05t-0-0"><span style="font-family: inherit;">Fechos: </span></span></div>
</div>
<div class="" data-block="true" data-editor="esekq" data-offset-key="c8enh-0-0" style="background-color: white;">
<div class="_1mf _1mj" data-offset-key="c8enh-0-0" style="direction: ltr; position: relative; text-align: justify;">
<ul style="color: #141823; font-size: 14px; line-height: 18px; white-space: pre-wrap;">
<li><span style="font-family: inherit;">En 1910, desapaez José María Grimaldos, "El Cepa", un pastor d'Osa de la Vega, un pueblín de Cuenca, y so madre acusa a dos vecinos, Gregorio Valero y León Sánchez, de que lu mataren pa robá-y lo que consiguiera por una venta d'oveyes, pero'l xuez de Belmonte archiva la causa. </span></li>
<li><span style="font-family: inherit;">En 1913, llega a Belmonte un xuez nuevu, que reabre'l casu y manda que se detenga a los dos acusaos. La Guardia Civil tortúralos durante seis meses y confiesen l'asesinatu. Les pesquises siguen durante años y nun son quien p'atopar el cuerpu de Grimaldos. Ensin importa-y tal fechu, el fiscal de la Audiencia de Cuenca pide pa ellos la pena de muerte. </span></li>
<li><span style="font-family: inherit;">En 1918, el xuráu popular del xuiciu alcuéntralos culpables y el xuez condénalos a 18 años de cárcel.</span></li>
<li><span style="font-family: inherit;">En 1924, Valero y Sánchez van ser indultaos, momentu cuando consiguen una llibertá condicional.</span></li>
<li><span style="font-family: inherit;">En 1926, el cura de Tresjuncos recibe una carta del cura de Mira, a 200 quilómetros de distancia, pa que-y mandara la partía de nacimientu de José María Grimaldos. Necisátabala porque "El Cepa" tenía intención de casase.</span></li>
<li><span style="font-family: inherit;">En 1939, Ramón J. Sender, espubliza la obra "El lugar del hombre", que cuenta los fechos, denunciando'l caciquismu que se viviera na España de primeros de sieglu. Ha de faelo en Méxicu, porque l'autor hubo fuxir de la dictatura franquista.</span></li>
<li><span style="font-family: inherit;">En 1968, "El lugar de un hombre" (títulu remozáu de la obra de Sender) edítase per vez primera n'España. La editorial barcelonesa Destino gana'l puxu a la censura del réximen.</span></li>
<li><span style="font-family: inherit;">En 1969, Ramón J. Sender pue regresar a España a recoyer el Premiu Planeta pola obra "En la vida de Ignacio Morell". Vuelta y galardón puen dase pol decretu d'Amnistía que Franco promulga pa "los criminales de la Guerra Civil".</span></li>
<li><span style="font-family: inherit;">En 1977, cola instauración de la Democracia española, desapaez la censura civil de les publicaciones.</span></li>
<li><span style="font-family: inherit;">En 1979, la direutora Pilar Miró, firma la película "Los crímenes de Cuenca", con guión de Lola Salvador, narrando con pelos y señales les tortures de la Guardia Civil y los abusos de poder del xuez Emilio Isasa. Estes crítiques xabaces faen que'l ministru del gobiernu d'Adolfo Suárez, Ricardo de la Cierva, ponga la película en manes de la autoridá militar competente, que secuestra la película y abre dilixencies escontra la direutora.</span></li>
<li><span style="font-family: inherit;">En 1981, Pilar Miró queda llibre de cargos y la película estrénase n'agostu, pero calificada como "S". Algama 461.037.195 pesetes, cuando s'esperaben poco más de 2'5M.</span></li>
</ul>
</div>
</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-32273966038972260462016-03-22T17:07:00.004+01:002016-03-22T17:07:54.263+01:00De llibertaes y privilexos<div style="text-align: center;">
<img height="253" src="https://marisolroman.files.wordpress.com/2015/01/1137px-eugc3a8ne_delacroix_-_la_libertc3a9_guidant_le_peuple.jpg" width="320" /></div>
<div style="text-align: center;">
<br /></div>
<div style="text-align: justify;">
Dempués de que los argumentos d'índole social, llingüísticu, políticu y cultural contra la oficialidá del idioma asturianu quedaren francíos pola lóxica aplastante de que los Drechos han respetase en sociedá, atalántase un nuevu requexu pa caltener el paradigma del privilexu: "los drechos amenacen la nuestra llibertá". </div>
<div style="text-align: justify;">
<br /></div>
<div style="text-align: justify;">
Yá nun son los drechos los garantes de la llibertá del individuu dientro de la sociedá, como reza'l Preámbulu de la Declaración Universal de los Drechos Humanos:</div>
<blockquote class="tr_bq" style="text-align: justify;">
"<span style="background-color: white; color: #333333; line-height: 20px;"><span style="font-family: inherit;"><i>Considerando que la llibertad, la xusticia y la paz nel mundo tienen por base'l reconocimientu de la dignidá intrínseca y de los drechos iguales e inalienables de tolos miembros de la familia humana...</i></span></span></blockquote>
<blockquote class="tr_bq" style="text-align: justify;">
<i style="color: #333333; line-height: 20px;"><span style="font-family: inherit;">"Considerando esencial que los drechos humanos seyan protexíos por un réximen de Derecho, a fin de que l'homre nun se vea emburriáu al recursu supremu de la rebelión contra la tiranía y la opresión..<span style="font-family: inherit;">.</span></span></i><span style="color: #333333; font-family: inherit; line-height: 20px;"><i>"</i></span></blockquote>
Non. Agora los drechos francen les llibertaes, como defiende un abogáu, Javier Jové. Y como espeya "El Comercio". <br />
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEifswEOwqx7i8aC_gQNM6F0HoqKwmZVQHBbtdmdN7RwP-ODtVyAcTXHUt6Gje6xdMVtK3nXxeVTop65zHIJMdbPtM71f5yLgyDQ8Ca-adb08VG2Y309-ef3JGRsXYqxtDJ9iZdk7FuQerQ/s1600/jjove.jpg" imageanchor="1" style="margin-left: 1em; margin-right: 1em;"><img border="0" height="320" src="https://blogger.googleusercontent.com/img/b/R29vZ2xl/AVvXsEifswEOwqx7i8aC_gQNM6F0HoqKwmZVQHBbtdmdN7RwP-ODtVyAcTXHUt6Gje6xdMVtK3nXxeVTop65zHIJMdbPtM71f5yLgyDQ8Ca-adb08VG2Y309-ef3JGRsXYqxtDJ9iZdk7FuQerQ/s320/jjove.jpg" width="320" /></a></div>
<div class="separator" style="clear: both; text-align: center;">
<br /></div>
<div class="separator" style="clear: both; text-align: justify;">
Bien ye cierto qu'esti adalid de les llibertaes nun dulda en insultar impunemente a quien defiende los sos drechos fundamentales y pon en tela xuiciu los privilexos qu'él considera indespensables. Un exemplu: dende la so élfica posición, afila tovía más les sos oreyines y denomina "orcos bablistas" a quienes lluchen pola igualdá de drechos llingüísticos; dende la so morcillesca, por repetitiva, postura, noma "butifarros" a los catalanes...</div>
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEgHGgaP4Sayigd46FOts8l9pcUOsESVDzixI6MsnB5zAHnchO0BdNBfRxB_0lzC9opLd93uZgWt4n-S7_8Cyle_6hEVw5ZsfFnTyBoRizqN8hbl07jXntPbzvrxivHfv5evfoiFxVQqNFc/s1600/Untitled+4.jpg" imageanchor="1" style="margin-left: 1em; margin-right: 1em;"><img border="0" height="199" src="https://blogger.googleusercontent.com/img/b/R29vZ2xl/AVvXsEgHGgaP4Sayigd46FOts8l9pcUOsESVDzixI6MsnB5zAHnchO0BdNBfRxB_0lzC9opLd93uZgWt4n-S7_8Cyle_6hEVw5ZsfFnTyBoRizqN8hbl07jXntPbzvrxivHfv5evfoiFxVQqNFc/s320/Untitled+4.jpg" width="320" /></a></div>
<div class="separator" style="clear: both; text-align: center;">
<br /></div>
<div class="separator" style="clear: both; text-align: justify;">
Eso sí, que quede claro que los fanáticos son los demás, que nun lu lleguen a entender polos sos prexuicios ideolóxicos (los d'ellos, claro, que nun permiten entender los de so):</div>
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEhfhg0LFWEH5OcUcyOVxeXR1AfgLp7l9zC5t8jzwEfUdpw_iHWIUy8FsTyL1zPJfXuBJ5_7iGUIG-eUljQdaAdojblaRV93n6mKxbIzX5uB5ImTbG7chdN_mO36XsH5bN8eJZWg76tr884/s1600/Untitled+5.jpg" imageanchor="1" style="margin-left: 1em; margin-right: 1em;"><img border="0" height="99" src="https://blogger.googleusercontent.com/img/b/R29vZ2xl/AVvXsEhfhg0LFWEH5OcUcyOVxeXR1AfgLp7l9zC5t8jzwEfUdpw_iHWIUy8FsTyL1zPJfXuBJ5_7iGUIG-eUljQdaAdojblaRV93n6mKxbIzX5uB5ImTbG7chdN_mO36XsH5bN8eJZWg76tr884/s320/Untitled+5.jpg" width="320" /></a></div>
<div class="separator" style="clear: both; text-align: center;">
<br /></div>
<div class="separator" style="clear: both; text-align: justify;">
Bueno. L'artículu en sí ye cenciellu d'entender: trátase de la defensa d'una serie de privilexos elitistes, qu'entiende peligrar ente'l fechu de que tolos prexuicios que los sofiten, como toles mentes bienpensantes de la sociedá asturiana que los prumalgaren (véase Alarcos, Mercedes Fernández, Lastra, Bueno...) van siendo derrotaos por un argumentariu sólidu sofitáu na Declaración de los Drechos Humanos. Entós, hai que dir escontra los Drechos y en favor d'una supuesta llibertá individual, anque más bien había ser entendida como particular, porque namái cuenta la de so: que'l restu nun seya llibre nun va con él, porque la desigualdá social ye'l fundamentu del artículu. Recordemos que Javier Jové ye lliberal, non llibertariu, asina que la másima ácrata de que "toos somos diferentes, toos somos equivalentes" queda obsoleta pol conceutu jovianu "si pienses como yo, sedrás llibre y, sinón, un orcu prexuiciosu".</div>
<div class="separator" style="clear: both; text-align: justify;">
<br /></div>
<div class="separator" style="clear: both; text-align: justify;">
Evidentemente, voi a respondé-y encerrizándome na Declaración Universal de los Drechos Humanos, códigu que siento de mayor autoridá que cualisquier otru. Pa que quede claru que'l drechu de los asturianos, de cualisquier persona, a espresase n'asturianu nun ye un inventu nuevu, sinón un drechu humanu básicu y una llibertá fundamental.</div>
<blockquote class="tr_bq" style="clear: both; text-align: justify;">
<i>Artículu 1.- Tolos seres humanos nacen llibres e iguales en dignidá y drechos y, dotaos como tan de razón y conciencia, han comportase fraternalmente los unos colos otros.</i></blockquote>
<span style="text-align: justify;">Si los drechos francen la nuestra llibertá, sedrá porque esa llibertá ye particular, non universal; esto ye, un privilexu. Nun permitir que delles persones desendolquen en llibertá los sos drechos, argumentando qu'estos van a la contra de los sos intereses personales, ye too menos fraternal.</span><br />
<blockquote class="tr_bq">
<span style="text-align: justify;"><i>Artículu 2.- Toa persona tien tolos drechos y llibertaes proclamaos nesta Declaración, ensin distinción de raza, color, sexu, idioma, relixón, opinión política o de cualaquier otra índole, orixen nacional o social, posición económica, nacimientu o culaquier otra condición. Amás, nun se va faer distinción dalguna fundada na condición política, xurídica o internacional del país o territoriu d'onde dependa xurisdiccionalmente una persona, tanto si ye un país independiente, como si ye un territoriu baxo l'aministración fiudiciara, non autónomu o sometíu a calaquier otra llimitación de soberanía.</i></span></blockquote>
<div style="text-align: justify;">
Los Drechos sirvan pal esfrute de toos, lo que quier dicir que cualaquier persona ta na llibertá de faer usu o non d'ellos. Un Drechu Humanu ye'l fundamentu pa la convivencia en llibertá dientro de la sociedá. De la mesma forma que se tien drechu al votu y votase o non ensin inxerencia y coerción dalguna. l'individuu ha poder escoyer espresase n'asturianu, si asina lo deseya, en cualisquier ámbitu de la so vida, tanto particular como social, ensin dengún tipu d'inxerencia o coerción social. </div>
<blockquote class="tr_bq" style="text-align: justify;">
<i>Artículu 3.- Tou individuu tien drechu a la vida, a la llibertá y a la seguridá de la so persona.</i></blockquote>
<div style="text-align: justify;">
Lo que nun ye un fechu de llibertá ye que se vea obligáu a espresase nuna llingua que nun quier. Anguaño, n'Asturies, la llexislación obliga a conocer el casteyán y, como les alministraciones nun apurren calces pa que s'espresen n'asturianu, los asturfalantes sufren amenorgamientu al recibir los servicios públicos. Esto ye, incúmplensen l'artículu 2, porque sí hai distinción en cuantes al idioma esfrutar de tolos drechos y llibertaes y l'artículu 3, porque, como individuu, nun pue espresase en tolos ámbitos de la vida como quier.</div>
<blockquote class="tr_bq" style="text-align: justify;">
<i>Artículu 5.- Naide nun va ser sometíu a tortures, nin a penes o tratos crueles, inhumanos o degradantes.</i></blockquote>
Yo nun soi un orcu. Déxolo claro nesti puntu.<br />
<blockquote class="tr_bq" style="text-align: justify;">
<i>Artículu 7.- Toos son iguales énte la Llei y tienen, ensin distinción, drechu a igual proteición de la Llei. Toos tienen drechu a igual proteición contra toa discriminación qu'infrinxa esta Declaración y contra toa provocación a tal discriminación.</i></blockquote>
<div style="text-align: justify;">
Los asturfalantes, pol fechu d'escoyer un idioma pa vivir, alcontrámonos somorguiaos por una Alministración que nun reconoz como válidos los nuestros drechos. Esa Alministración nun fai lo suficiente pa que los nuestros Drechos Humanos seyan reconocíos y pa que podamos vivir en llibertá xunto con aquellos qu'escoyeron otru idioma amparáu pol Estáu. Y tampoco nun mos defiende de les provocaciones que se nos faen dende'l grupu social privilexáu. (Vuelvo a repetir que yo no soi un orcu) Esto avérase al siguiente artículu a analizar:</div>
<div style="text-align: justify;">
</div>
<blockquote class="tr_bq">
<i>Artículu 12.- Naide nun va ser oxetu d'inxerencies na so vida privada, la so familia, el so domiciliu o la so correspondencia, nin d'ataques a la so honra o la so reputación. Toa persona tien el drechu a la proteición de la llei contra tales inxerencies o ataques.</i></blockquote>
(Tamién ye inxerencia que los nomes de les llocalidaes tengan un topónimu non tradicional y que l'usu del tradicional nun seya xeneralizáu)<br />
<br />
<blockquote class="tr_bq" style="text-align: justify;">
<i>Artículu 19.- Tou individuu tien drechu a la llibertá d'opinión y d'espresión; esti drechu inclúi el de nun ser molestáu a causa de les sos opiniones, el d'investigar y recibir informaciones y opiniones, y el de difundiles, ensin llimitación de fronteres, por cualisquier mediu d'espresión.</i></blockquote>
<div style="text-align: justify;">
Los asturfalantes tenemos el drechu pa espresanos n'asturianu, too aquello que queramos dicir; y el drechu a espardelo n'asturianu; y al d'investigar n'asturianu; y al de recibir información n'asturianu. Porque l'asturianu ye la llingua de Cultura pa los asturfalantes.<br /><br />Esti artículu préstame especialmente, porque da na llinia de flotación al argumentu aquel de que l'asturianu ye una llingua d'andar per casa, que nun ye de cultura. (Siempre me fizo gracia la ignorancia supina de la elite cultural asturiana cuando defendía que la "Vía Láctea" castellana, tan cultista ella, había ser tornada al bable como "Camín de Llechi", dalgo que-yos causaba una risa granible, al esacaecer que la fórmula inglesa ye "Milky Way")</div>
<blockquote class="tr_bq" style="text-align: justify;">
<i>Artículu 21.2.- Toa persona tien el drechu d'accesu, en condiciones d'igualdá, a les funciones públiques del so país.</i></blockquote>
<div style="text-align: justify;">
P'acceder a un puestu funcionaral n'Asturies (y n'España), l'asturfalante ha de desprendese del so idioma. Y nun me gustararía qu'entendieren que'l fechu d'usar l'idioma casteyán ye un fechu d'igualdá, porque ye un fechu d'uniformación aculturizadora. La igualdá de condiciones sedría que se permitieren usar toles llingües estatales (y en cualisquier llugar). Lo que s'esperimenta agora ye una situación de privilexu.</div>
<blockquote class="tr_bq" style="text-align: justify;">
<i>Artículu 22.- Toa persona, como miembru de la sociedá, tien drechu a la seguridá social, y a obtener, mediante l'esfuerciu nacional y la cooperación internacional, habida cuenta de la organización y los recursos de cada Está, la satisfaición de los drechos económicos, sociales y culturales, indispensables a la so dignidá y al llibre desendolcu de la so personalidá.</i></blockquote>
<div style="text-align: justify;">
Paez mentira, viendo l'argumentación de Jové, qu'un drechu mire pal "llibre desendolcu de la so personalidá". Pero asina ye. El problema atópalu al tener qu'almitar qu'atiende pal desendolcu de la so personalidá y tamién de la del restu. Evidentemente, un rasgu bien bultable de la personalidá del individuu ye l'idioma escoyíu pa vivir. Poro, nun ye de recibu cualaquier torga al asturianu n'Asturies, en virtú de drechos humanos y llibertaes individuales.</div>
<blockquote class="tr_bq" style="text-align: justify;">
<i>Artículu 26. 1. Toa persona tien drechu a la educación. La educación ha ser gratuita, al menos no concerniente a la instrucción elemental y fundamental. La instrucción elemental va ser obligatoria. La instrucción téunica y profesional habrá ser xeneralizada; l'accesu a los estudios superiores va ser igual pa toos, en función de los méritos respeutivos.</i></blockquote>
<blockquote class="tr_bq" style="text-align: justify;">
<i>Artículu 26. 2. La educación va tener por oxetu el plenu desendolcu de la personalidá humana y el fortalencimientu del respetu a los drechos humanos y les llibertaes fundamentales; va favorecer la comprensión, la tolerancia y la amistá ente toles naciones y los grupos étnicos y relixosos, y va promover el desendolcu de les actividaes de les Naciones Xuníes pal caltenimientu de la paz.</i></blockquote>
N'ocasiones, escaezse pa que val la educación: pal plenu desendolcu de la personalidá humana y pal fortalecimientu del respetu a los drechos humanos y les llibertaes fundamentales.<br />
<br />
<div style="text-align: justify;">
¿Quién nun sintió dalguna vez, al falar del asturianu nes escueles, la frase esa de "el bable nun ye útil"? Y dízse ensin que se-y caiga la cara de vergoña al locutor pola ignorancia qu'amosen eses palabres. El deprendimeintu de l'asturianu val pa escoyer qué tipu de persona asturiana se quier ser. Y esa ye una llibertá fundamental que se ve torgada nuna asignatura optativa y maría d'una hora selmanal.</div>
<div style="text-align: justify;">
<br /></div>
<div style="text-align: justify;">
Si dalgo tengo claro ye que la educación actual nun favorez la comprensión a los otros, la tolerancia pa colo diferente y l'amistá pa con quienes son distintos, polos motivos que seyan. Preferimos trabayadores de cualificación media-baxa que se conviertan en mano d'obra barato, a persones capaces de decidir qué quieren ser. </div>
<blockquote class="tr_bq" style="text-align: justify;">
<i>Artículu 26. 3. Los padres van tener drechu preferente a escoyer el tipu d'educación qu'habrá dase a los sos fíos.</i></blockquote>
<div style="text-align: justify;">
Esto tamién se refier al idioma vehicular col que han ser escolarizaos. Asina, los asturfalantes, y tolos padres qu'asina lo quieran, habríen vese correspondíos nel so deseyu d'escolarizar a la so reciella n'asturianu como llingua vehicular de la instrucción elemental y fundamental. Y esta correspondencia habría ser gratuita, como se diz nel artículu 26.1. Por contra, tolos años vemos cómo la Conseyería d'Educación pon torgues pa establecer clases de l'asignatura d'asturianu, disculpándose na baxa ratio. </div>
<blockquote class="tr_bq" style="text-align: justify;">
<i>Artículu 28. Toa persona tien drechu a que s'establezca un orden social y internacional onde los drechos y les llibertaes proclamaos nesta Declaración se faigan plenamente efeutivos.</i></blockquote>
<div style="text-align: justify;">
Y equí entra en xuegu la implantación d'una llei d'oficialidá, onde s'estipulen les articulaciones alministratives necesaries pa que cuide pola equivalencia de les persones n'Asturies, llibrándoles de les torgues llingüístiques. La oficialidá sedría parte d'esi orden social onde los asturianos algamaríen la llibertá de poder espresase nel so idioma llariegu en tolos ámbitos de la vida pública; llibertá de la qu'anguaño carecen al nun poder comunicase n'asturianu cola alministración en toles estayes de la mesma, al tener que soportar les inxerencies de funcionarios y emplegaos públicos que puen negase a atendelos por dirixise a ellos nun idioma pal que nun tan capacitaos a ufrir el serviciu, al nun poder escolarizar n'asturianu a la so reciella oal tener qu'aguantar, como ciudadanos de segunda categoría que son, cualquier tipu d'humillación, insultu, calumnia o vexación pol meru fechu d'usar un idioma minorizáu.</div>
<blockquote class="tr_bq" style="text-align: justify;">
<i>Artículu 29. 1. Toa persona tien deberes respeutu a la comunidá, puesto que namái nella pue desendolcar llibre y plenamente la so personalidá. </i></blockquote>
<blockquote class="tr_bq" style="text-align: justify;">
<i>Artículu </i><i>29. 2. Nel exerciciu de los drechos y nel esfrute de les sos llibertaes, toa persona tará suxeta, namáis, a les llimitaciones establecíes pola llei col únicu fin d'asegurar el reconocimientu y el respetu de los drechos y llibertaes de los demás, y de satisfaer les xustes desexencies de la moral, del orden públicu y del bienestar xeneral nuna sociedá democrática.</i></blockquote>
<div style="text-align: justify;">
Que quede con esto claro que los drechos nun son llímite a denguna llibertá indivudal. Los drechos son los garantes de les llibertaes fundamentales, los instrumentos onde s'articulen y onde puen atopase cuando l'individuu vive en sociedá. Diferente ye entender, nuna interpretación tendenciosa y interesada, que les llibertaes vayan más p'allá del respetu a los drechos y les llibertaes de los demás. A eso conocémoslo como privilexu. Y por más que la antigua <i>Prima Nocte</i>, fuera conocía como "Drechu de pernada", yera un privilexu que somorguiaba a buena parte de la población, non un drechu universal. Y la so abolición valió pa faer una sociedá d'individuos más llibres.</div>
<blockquote class="tr_bq" style="text-align: justify;">
<i>Artículu 30. Ná nesta Declaración va poder interpretase nel sintíu de que confiere drechu dalgún al Estáu, a un grupu o a una persona, pa emprender o desendolcar actividaes o realizar actos tendentes a la supresión de cualaquier de los drechos y llibertaes proclamaos nesta Declaración.</i></blockquote>
<div style="text-align: justify;">
Porque dengún drechu universal torga otru drechu universal, de la mesma forma qu'una llibertá fundamental nun torga denguna llibertá fundamental, sinón que toes se complementen pa establecer una sociedá ensin somorguiamientos d'individuos o coleutivos. </div>
<div style="text-align: justify;">
<br /></div>
<div style="text-align: justify;">
Y porque nin l'Estáu español, nin el Principáu d'Asturies, nin "El comercio", nin el señor Jové tienen drechu dengún pa torgame los míos drechos humanos nin les míes llibertaes fundamentales, nun pienso callar énte dengún tipu d'argumentación falaz, como la que toi denunciando nesti artículu. Colos míos drechos nun almito xuegos. Yá ta bien.</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-34797568862873604162016-02-27T01:05:00.001+01:002016-02-27T01:05:29.081+01:00Xeometría polisentimental d'un cuadráu antisistema<div style="text-align: justify;">
<span style="font-family: inherit;">Ún, que tien lleío y sintío dalguna cosuca y, a veces, alcuérdase d'ello, asocia ciertes idegues. Tengo metía na cabeza la nueva canción de Fangoria, "Geometría sentimental". (La verdá ye que suena como les canciones de los pegamoides que más se recuerden d'Alaska y préstame)</span><br />
<div class="separator" style="clear: both; text-align: center;">
<iframe width="320" height="266" class="YOUTUBE-iframe-video" data-thumbnail-src="https://i.ytimg.com/vi/CnyuKIV8J_M/0.jpg" src="https://www.youtube.com/embed/CnyuKIV8J_M?feature=player_embedded" frameborder="0" allowfullscreen></iframe></div>
<span style="font-family: inherit;"><br /></span>
<span style="font-family: inherit;">Y alcordéme d'un novela que lleera va veinte años, una de les primeres noveles de ciencia ficción, titulada "Flatland, romance of many dimensions" (Yo atopela en casteyán como "Planilandia: Una novela de muchas dimensiones"), del matemáticu y teolólogu británicu Edwin Abbott Abbott, publicada en 1884</span><span style="font-family: inherit;">.</span><br />
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEi_76uY9IixOF4rBMrw_-AImY4gv1IT2DzdRB3afCqakppGhxcuzwdFRKvUDnZr1vnOpvEF31cnmrnp64TunxKDU7DISZxPR4WtOVOqLXN2HNKUDZGLT9eCm9jIYZzh6zeAYSd_mdtJIbA/s1600/Flatland_cover.jpg" imageanchor="1" style="margin-left: 1em; margin-right: 1em;"><img border="0" height="320" src="https://blogger.googleusercontent.com/img/b/R29vZ2xl/AVvXsEi_76uY9IixOF4rBMrw_-AImY4gv1IT2DzdRB3afCqakppGhxcuzwdFRKvUDnZr1vnOpvEF31cnmrnp64TunxKDU7DISZxPR4WtOVOqLXN2HNKUDZGLT9eCm9jIYZzh6zeAYSd_mdtJIbA/s320/Flatland_cover.jpg" width="242" /></a></div>
<br />
<span style="font-family: inherit;"><br /></span>
<span style="font-family: inherit;">Claro, con dieciséis años, aquello yera una fricada másima: un cuadráu de la bidimensional Planilandia, visita la unidimensional Llinialandia ensin conseguir que'l so rei crea qu'esisten más dimensiones, recibe la visita d'una tridimensional esfera (que nun compende hasta que nun visita'l so mundu) y suaña cola vida autocomplaciente del puntu, únicu habitante de Puntilandia.</span><br />
<span style="font-family: inherit;"><br /></span></div>
<div style="text-align: justify;">
<span style="font-family: inherit;">Pero, col pasu los años, ún dase cuenta de que la novela yera una crítica plasmante de la sociedá victoriana. Y, si nun mos quedamos nun puntillosu análisis, podemos estrapolala a la sociedá actual.</span><br />
<span style="font-family: inherit;"><br /></span></div>
<div style="text-align: justify;">
<span style="font-family: inherit;">Y, asina, podemos atopar na estaya inferior a les muyeres de Planilandia, que son simples llinies, ensin otru cometíu que'l de xenerar nuevos seres xeométricos, como los triángulos isósceles, les figueres más numberoses, que representen el estatus más baxu, el proletariu y la carne de cañón bélica, que son más xabaces cuanto más apuntaos seyan los ángulos y que tienen poca cohesión interna, gracies a que les elites sofiten les puxes internes. Perriba tan los artesanos y comerciantes triángulos equiláteros y los cuadraos y pentágonos, que representen les profesiones lliberales. Finalmente, los polígonos son aquelles figures con tantos o más llaos que los hexágonos, y que formen les clases dominantes, siendo más influyentes cuantos más llaos tengan. Hasta llegar al gran jefe supremu: el círculu, perfeutu na so perfeición insuperable.</span><br />
<span style="font-family: inherit;"><br /></span></div>
<div style="text-align: justify;">
<span style="font-family: inherit;">Nun se puen negar los paralelismos ente esta sociedá imaxinaria y la realidá social del sieglu XXI. Más tovía cuando tanto una como la otra refuguen de les irregularidaes, d'aquellos individuos que nun puen ser clasificaos dientro d'una estaya social concreta y que, por ello, escápense al sistema: son los polígonos irregulares en Planilandia y los antisistema del Capitalismu. A ellos, enciérraselos, sepártaselos de la sociedá pa que nun lluchen a la so contra, son entendíos como seres problemáticos y, por supuesto, como peligros sociales.</span><br />
<span style="font-family: inherit;"><br /></span></div>
<div style="text-align: justify;">
<span style="font-family: inherit;">Pero son ellos quienes consiguieron llevar p'alantre la Revolución Cromática nel país imaxináu por Abbott, faciendo que les figures xeométriques acolumbraren los colores y quisieren usalos pa guetar una igualdá social, más p'allá de les aristes y los llaos, ente homes y muyeres. Pero un triángulu isósceles que violó a una muyer-llinia fue asociáu pola prensa del réximen al llíder revolucionariu cromatísticu, un círculu irregular a quien se-y permitiere la vida tres el nacimientu, y perdió'l favor del granible y decisivu coleutivu femenín. La masa dexó domase.</span><br />
<span style="font-family: inherit;"><br /></span></div>
<div style="text-align: justify;">
<span style="font-family: inherit;">Inevitablemente, Cuadráu acabará la so vida nuna prisión por corromper los cimientos de la sociedá fonderamente estratificada de Planilandia. Cual titireru. Paez sinu de cualisquier sociedá, hasta de les ficticies, que'l perfeutu d'enriba quede nel so sitiu énte la incapacidá del irregular por motivar una revoluciónque camude la plácida inmovilidá del polígonu regular, que prefier quedase en casa sintiendo a cuatro pentágonos contar cómo se relaiciones ente sí un dodecaedru folclóricu y un deportista de quince llaos.</span><br />
<span style="font-family: inherit;"><br /></span></div>
<div style="text-align: justify;">
<span style="font-family: inherit;">Ná que nun sepamos yá, nin que nos cante Alaska nel so nuevu cenciellu.</span></div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-32208751553005587402016-02-24T20:08:00.005+01:002016-02-24T22:06:45.515+01:00El paradigma de los monos y los asturfalantes<div class="separator" style="clear: both; text-align: center;">
<iframe allowfullscreen="" class="YOUTUBE-iframe-video" data-thumbnail-src="https://i.ytimg.com/vi/IHYTYAWOWRE/0.jpg" frameborder="0" height="266" src="https://www.youtube.com/embed/IHYTYAWOWRE?feature=player_embedded" width="320"></iframe></div>
<br />
<div style="background-color: white; color: #141823; font-family: helvetica, arial, sans-serif; font-size: 14px; line-height: 19.32px; margin-bottom: 6px; text-align: justify;">
<span style="line-height: 19.32px;">El términu "paradigma" naz de la Gramática, pa refirise a les conseyes de les fábules y paráboles, treslladándose a la Llingüística, pa significar una clase d'elementos paecíos que van formar una unidá. Nel mundu científicu, esos paradigmes son puestos continuamente a prueba y namái aquellos que se manifiesten como braeros, caltienen vixencia. </span><br />
<span style="line-height: 19.32px;"><br /></span>
<span style="line-height: 19.32px;">Pero </span><span style="line-height: 19.32px;">pal restu de campos, los paradigmes nun vuelven ser desaminaos, polo que'l términu llega a la Socioloxía como'l conceutu articuláu comúnmente anguaño: los paradigmes son idegues, pensamientos y creencies aceutaes como braeres o falses ensin poneles a prueba por un análisis nuevu dempués de ser asimilaes. Superen el conceutu de prexuiciu, que ye daqué personal, pa trescalar dafechu na sociedá.</span><br />
<span style="line-height: 19.32px;"><br /></span>
<span style="line-height: 19.32px;">Atopé esti vidiu na rede, bien afayaízu pa desplicar cómo se crea un paradigma.</span><br />
<span style="line-height: 19.32px;"><br /></span>
<span style="line-height: 19.32px;">Unos investigadores ponén-yos a unos moninos una riestra bananes enriba d'una escalera. Cuando sube ún a pola comida, los investigadores échen-yos al restu agua frío. Dempués de repetíes vegaes, los monos que queden embaxo van calándose hasta los güesos, polo que, llegáu un momentu, impiden qu'ún d'ellos suba la escalera. Dan-y una cuera pa nun acabar ellos moyaos. El casu ye que, al final, dengún de los monos s'atreve a subir poles bananes, por miéu a la tumiza. Los investigadores cambien a un monu por otru nuevu, que, como nun sabe del castigu pa los que queden embaxu, sube a la escalera a pol alimentu; pero, enantes de que llegue arriba, el restu los monos échense enriba d'él y péguen-y. Nun volverá a intentalo. Nun sabe por qué-y pegaron, pero nun va volver faelo. Repiten los cambios hasta que yá nun queda dengún de los monos primeros y son toos nuevos. Gracies a les palices, dengún va subir a la escalera. Y eso que dengún recibió'l bañu con agua frío. Y eso, anque les bananes son el so alimentu natural.</span><br />
<br />
Paezme qu'esti paradigma ye bien estensible al casu del idioma asturianu n'Asturies. Camudemos monos por asturfalantes qu'abandonen l'idioma pol casteyán y cabronazos que-yos echen chorretazos d'agua frío y consienten tumices a los monos, por cabronazos qu'imponen dende'l poder el casteyán y consienten tumices a los asturfalantes... y el resultáu ye l'autoodiu, el despreciu pola toponimia tradicional y la validez social de los prexuicios y les violaciones de drechos humanos.<br />
<br />
Son sieglos d'adoctrinamientu dende un Poder impuestu dende afuera:<br />
<br />
<ul>
<li><span style="line-height: 19.32px;">redaición de partides de bautismu nun idioma que nun ye'l del pueblu, que fai que los nomes que los pas ponen a los críos queden en nomatos énte la llei; </span></li>
<li><span style="line-height: 19.32px;">camudamientos nos rexistros oficiales de los vezos consuetudinarios y de los nomes de llugar tradicionales por otros, direutamente inventaos pol escribanu de turnu, que s'adauten meyor a la so forma d'espresase, pesie a que nun coincidan colos usaos na vida diaria, pero que val pa que los llariegos nun puean recurrir a la Llei, porque nun s'entiende; </span></li>
<li><span style="line-height: 19.32px;">rectificación (de toles formes posibles pa rectificar) de los vocablos falaos polos escolinos nes escueles hasta que coincidan con una llingua que nun falen, pero que ye la usada pa ufri-yos una educación de mínimos que los caltenga obedientes y cristianaos; </span></li>
<li><span style="line-height: 19.32px;">caltenimientu d'un distanciamientu interesáu ente la llingua de les clases privilexaes qu'ostenten el poder, la tierra, la Llei y la Cultura del so llau y el farfullu/forma particular d'espresase de la comunidá nativa que val pa comunicase col vecín más prósimu, pa creyar dalguna forma d'espresión floclórica y, malamente, pa falar con Dios; </span></li>
<li><span style="line-height: 19.32px;">espardimientu de la diglosia ente la llingua culta del Poder y la fala dialeutal y multidixebrada dún pueblu llanu qu'ha de camudar a la primera llingua pa dirixise a los privilexaos y a les alministraciones que los controlen;</span></li>
<li><span style="line-height: 19.32px;">creyación de tou un repertoriu de prexuicios destinaos a avergoñar a los asturfalantes y almitíos na sociedá como válidos y incontestables;</span></li>
<li><span style="line-height: 19.32px;">sublimación d'una política real de separtación llingüística nes instituciones alministratives del territoriu, sofitada polos partíos políticos mayoritarios, que son centraliegos. y por dellos grupos de poder y destináu al amenorgamientu social de quienes quieran falar asturianu en cualisquier ámbitu social.</span></li>
</ul>
</div>
<div style="background-color: white; color: #141823; display: inline; font-family: helvetica, arial, sans-serif; font-size: 14px; line-height: 19.32px; margin-top: 6px;">
<div style="text-align: justify;">
Son puntos básicos en tou procesu colonizador, véase n'El Cabu holandés, la Nueva España casteyana, el Canadá británicu o l'África Occidental francesa. Tamién pasó n'España, n'aquellos territorios onde la llingua l'imperiu tuvo qu'acarase a un idioma llariegu. Pero la baxa intensidá de la presencia casteyana n'Asturies, sofitáu nel escasu beneficiu que podía ufrir el Principáu pa los intereses de la Corona, más p'allá de la madera de Somiedu, fizo que'l procesu caltuviérase hasta agora.</div>
<div style="text-align: justify;">
<br /></div>
<div style="text-align: justify;">
Los asturianos de bien, escandalícense porque haya xente que quiera vivir n'asturianu, defendiendo un Poder que desconocen, pero que los desprecia tanto como a la minoría a la que desprecien y aisllen ellos. Nun s'alcuerden de los chorrazos d'agua frío nin de les tumices, porque tán aculturizaos nuna sociedá, la española, a la qu'intenten comprender y abrazar, pero que nun repara nellos nin cinco minutos a la selmana nos telediarios. </div>
<div style="text-align: justify;">
<br /></div>
<div style="text-align: justify;">
Pero tampoco van dexar qu'esa minoría despreciable algame una banana qu'ellos nun tienen intención de garrar, por miéu a perder nun saben bien qué. Non. Pa eso tán ellos, con Javier Fernández, Mercedes Fernández y Lastra a la tiesta, p<span style="line-height: 19.32px;">a garrar a cualisquier monu que se quiera subir a una escalera y da-y una tumiza </span><span style="line-height: 19.32px;">con una banderina d'España, que tienen preparada pa cuando'l Príncipe d'Asturies (que yá ye Rei) venga n'ochobre a pasase per Uviéu pa comprobar que la cuna d'España, y el so paradigma, siguen n'orden.</span></div>
<div style="text-align: justify;">
<br /></div>
<div style="text-align: justify;">
¿O equivócome?</div>
</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-81354575729612875662016-02-03T19:49:00.001+01:002016-02-03T20:08:42.442+01:00Arbeyinos perversos<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEgQXawrwACLlzWYWRAI-daAhT0AW2oWOCky33ASWlU9aPD24ebhHtC1XJc6pvj7AqOW0a-yTcxqEuIt8HepNvBMrkrXXXYp0vtSBT-LMflzio_yURlGRIAyNbWobhPy-__539xzDpmUJMs/s1600/alplatutv.jpg" imageanchor="1" style="margin-left: 1em; margin-right: 1em;"><img border="0" height="182" src="https://blogger.googleusercontent.com/img/b/R29vZ2xl/AVvXsEgQXawrwACLlzWYWRAI-daAhT0AW2oWOCky33ASWlU9aPD24ebhHtC1XJc6pvj7AqOW0a-yTcxqEuIt8HepNvBMrkrXXXYp0vtSBT-LMflzio_yURlGRIAyNbWobhPy-__539xzDpmUJMs/s320/alplatutv.jpg" width="320" /></a></div>
<div style="text-align: justify;">
<br /></div>
<div style="text-align: justify;">
Cuando diba al colexu, yera difícil alcontrar un compañeru que nun tuviere un rol definíu que toos esperábemos que desendolcase. Anque la mayor parte díbemos pasando d'un rol a otru, siempre podíemos atopar un empollón, un gallu, un pringáu, ún que llevaba les hosties y un bufón. A toos nos daba ascu l'empollón, a toos nos prestaba les salíes de tonu del gallu pa col profesor, toos nos riiamos del pringáu, toos puñábemos al que llevaba les hosties y toos nos escoyonábemos coles chancies del bufón. Eso sí: tou dios quería faer los trabayos col empollón, pa sacar buena nota; dir pela calle col gallu, porque te subía'l caché; cambiar cromos col pringáu pa garrar los más difíciles de conseguir, que siempre tenía él; y hasta xugar al fútbol col que les llevaba, nel mesmu equipu, pa llibrase de los hachazos. </div>
<div style="text-align: justify;">
<br /></div>
<div style="text-align: justify;">
Pero al bufón nun lu tragaba nin el tato. Quiciás porque yera tán deslleal que, pa llibrase de dalgún peligru, l'oxetu de les burlles podíes ser tu. Y eso nun prestaba, claro. Solía ser tamién un gorrón que te pidía un mordiscu de la palmera, llevábate la metá y, pa enriba, facía que los demás s'entareren y se rieren de ti. Pero lo pior yera la so cabardía: fuera cual fuera'l motivu de chancia, acababa siempre metiéndose col más débil: l'empollón podía dexalu n'evidencia y el gallu, solmená-y una hostia; incluso'l pringáu podía mosquease y dexar de confiar los sos cromos. El bufón acababa dándo-y una hostia verbal al que les llevaba siempre. Y eso, anque los demás-y riéremos les gracies, convertíalu nun ser despreciable. El bufón yera l'instrumentu pa sacar tolo malo que llevábemos dientro, ensin sentimos culpables por protagonizar l'abusu.</div>
<div style="text-align: justify;">
<br /></div>
<div style="text-align: justify;">
Porque, nun mos engañemos: el bufón vivía de les zunes, de los prexuicios y de los mieos de los más. Mayoría que'l bufón usaba pa vivir el so papel ensin censura, nesa cotidiana llibertá que permitía que se dixera de too cuando se facía con humor. Pero esa mayoría, nun quería como parte de so al bufón. Yera dalgo ayeno, que s'aceutaba como ferramienta pal descoyone, pero namái. </div>
<div style="text-align: justify;">
<br /></div>
<div style="text-align: justify;">
Y podía cayer en desgracia si dalguien tenía más interés. Por eso, pa provocar una risotada de la clase, el bufón escolar acababa dándo-y siempre al más débil, consiguiendo volver a ser el centru d'atención nuna fácil estrataxema: el grupu taba dispuestu a da-y lo que fuere al que les llevaba, de forma incansable y de manera inagotable, pal so desfuegu. </div>
<div style="text-align: justify;">
<br /></div>
<div style="text-align: justify;">
Esta realidá que se daba y da nes escueles, que yera negada y sigue negándose agora, dase por espeyu de la sociedá. Nos colexos, namái se repiten actitúes socialmente aceutaes. </div>
<div style="text-align: justify;">
<br /></div>
<div style="text-align: justify;">
Pero, anque l'exemplu seya del comportamientu nun colexu, nun voi falar d'acosu escolar. Sinón d'acosu, en xeneral. Porque los bufones del colexu, poques veces son quienes a madurar y falar con respetu al restu. Siguen siendo despreciables anque cuiden les formes, non pa quedar n'evidencia o por llevar un moquetazu (por suerte pa ellos, la sociedá respéta-yos la so llibertá d'espresión muncho más qu'ellos la de los demás). Sinón porque la escusa de la risotada fácil choca na madurez de la realidá actual col conceutu "políticamente correuto". Y metese muncho colos actores de la sociedá, distrái l'atención, por sobao. Asina que, de xemes en cuando, dan una hostia al más débil. Ye una forma de caltener les postures de poder faciendo chancia de coleutivos amenorgaos y de recuperar l'atención de la mayoría. </div>
<div style="text-align: justify;">
<br /></div>
<div style="text-align: justify;">
Dalgo que-yos vien xenial, porque la sociedá mayoritaria, tan políticamente correuta pa la mayor parte de los casos, necesita una válvula d'escape pa la so sórdida realidá y baxa'l nivel del respetu a los demás a niveles que faen aceptables les referencies de los bufones. Porque esa minoría, de la que nun se forma parte, conozse namái si vien recubierta de zunes, prexuicios y mieos. Ta claro que, ensin esi envoltoriu, cuando se ruempe col tópicu y la xeneralización, les minoríes vuélvense grupos de persones y caltener el nivel de chancia rompería lo políticamente correuto. Pero pa eso tán los bufones. Pa que sigan vixentes. </div>
<div style="text-align: justify;">
<br /></div>
<div style="text-align: justify;">
Y na so vixencia, y solo nella, los bufones tienen vida. Porque, nesta sociedá onde vivimos, eses minoríes prexuzgaes nun tienen almitía la capacidá de réplica. Puen espresase, faltaría más. Pero esa rempuesta pue ser manipulada la cantidá de veces que se quiera, entiéndose como imposición al bufón, cuando non censura o violanción de les sos llibertaes. Porque, claro, el bufón pue dicir lo que quiera respeuto al coleutivu; pero'l coleutivu nun pue responder más que nunes formes socialmente aceutaes y de les que se val el bufón pa victimizase. Ye entós cuando la sociedá defiende al so instrumentu d'escape énte'l débil con sentencies del tipu "hai llibertá d'espresión", "nun tienen sintíu del humor" o "nun saben aceutar sarcasmos".</div>
<div style="text-align: justify;">
<br /></div>
<div style="text-align: justify;">
Esti procesu de retroalimentación despreciable ente'l bufón y la sociedá, dase n'Asturies constantemente cola tema l'asturianu. Faer chistes sobre aquelles persones que quieren vivir n'asturianu ta al orden del día en tolos estratos sociales. Y, evidentemente, los bufones d'Asturies nun queden al marxen. Asina que, dacuando, saquen a la lluz dalgún prexuiciu al respeutu porque ye una forma fácil de llamar l'atención: estos prexuicios son xeneralizaciones que nun necesiten muncha elaboración, tópicos que nun piden razonamientu dengún, y zunes que s'esparden rápido y calen na mayoría pa faer comuña al rodiu. "Que si imponen el bable a quien nun quier falalu"; "que si se quexen por ná cuando lu puen usar cuando quieran"; "que si viven de sovenciones"... Afirmaciones que nun pasen razonamientu dengún, pero que, como son contra'l débil, valen. Amás, como los argumentos d'esi coleutivu nunca nun son aprobaos socialmente, tienen más vigor, porque cualisquiera que salga desmontando esos prexuicios, nun solo tá dándo-yos validez, sinón que lo fai d'una forma non-correuta polítcamente, imponiendo, obligando, censurando y franciendo llibertaes. Too por nun saber riise d'ellos mesmos.</div>
<div style="text-align: justify;">
<br /></div>
<div style="text-align: justify;">
Unos d'estos bufones asturianos son los creadores d'"Al platu vendrás" (APV). (Nun porque lo diga yo, sinón porque asina se definen ellos nesti reportax d'"<a href="http://www.asturias24.es/secciones/vivir/noticias/asturias-da-risa/1394826467">Asturias24</a>") El proyeutu nació cuando dos guionistes asturianos, <span style="background-color: white; color: #333333; line-height: 24px;"><span style="font-family: inherit;"><a href="https://twitter.com/tenajorge">Jorge Escudero Tena</a> y <a href="https://es.linkedin.com/in/marco-imargues-tora%C3%B1o-b6aa652a">Marco Imargues Toraño</a>, quedaron ensin trabayu al ser retiráu de la pantalla de la TPA'l programa d'humor "Terapia de grupo". Dende una páxina dixital y les rees sociales, escomenzaron a faer sátira política y social, con tremendu ésitu de públicu, que los siguía y tovía los sigue. Gracies a esa popularidá, la propia TPA xeneró un programa nuevu col mesmu nome: "<a href="http://www.rtpa.es/tpa-programa:Al%20platu%20vendr%C3%A1s_1398108016.html">Al platu vendrás</a>". Nél, creáronse dellos personaxes y colaboraron bien de profesionales del sector actoral asturianu. </span></span></div>
<div style="text-align: justify;">
<span style="background-color: white; color: #333333; line-height: 24px;"><span style="font-family: inherit;"><br /></span></span></div>
<div style="text-align: justify;">
<span style="background-color: white; color: #333333; line-height: 24px;"><span style="font-family: inherit;">El problema, pa la sociedá, non pa ellos, yera l'usu diglósicu del asturianu: pa faer "les gracies", los personaxes usaben del asturianu, amestáu o non; pero pal discursu habitual, la llingua vehicular yera siempre l'español. Nes rees sociales, recibieron crítiques abondes, siempre respondiendo coles frases qu'atribuyía más p'arriba a cualisquier bufón, fuere escolar, fuere adultu y asturianu. Siempre quitando importancia, como si nun hubiere un problema de diglosia n'Asturies, como si nun hubiere una sola persona amenorgada nos sos enfotos de vivir los sos drechos plenamente y ensin torga social dala. Y hubo xente (recordemos que son instrumentu de la mayoría) que los apoyó, reforzándo-yos la conducta.</span></span></div>
<div style="text-align: justify;">
<span style="background-color: white; color: #333333; line-height: 24px;"><span style="font-family: inherit;"><br /></span></span></div>
<div style="text-align: justify;">
<span style="background-color: white; color: #333333; line-height: 24px;"><span style="font-family: inherit;">Esti día veo que vuelven a la carga en Twitter con esti tuit:</span></span></div>
<div class="separator" style="clear: both; text-align: center;">
<span style="font-family: inherit;"><a href="https://blogger.googleusercontent.com/img/b/R29vZ2xl/AVvXsEgD7qvbYNMYnbYQZNAue2ykWKnW-5RQkyCCRK81jhg0sjOhVhoHaQ_QrM0dnqymuDPR0AhNMGOJOlYYbXMwgmawcPUMSPjVMz7vki2NmC_nIROKeDTjGJKlr5NE_ZC5dGKcVLYImUuTisg/s1600/alplatu.jpg" imageanchor="1" style="margin-left: 1em; margin-right: 1em;"><img border="0" height="181" src="https://blogger.googleusercontent.com/img/b/R29vZ2xl/AVvXsEgD7qvbYNMYnbYQZNAue2ykWKnW-5RQkyCCRK81jhg0sjOhVhoHaQ_QrM0dnqymuDPR0AhNMGOJOlYYbXMwgmawcPUMSPjVMz7vki2NmC_nIROKeDTjGJKlr5NE_ZC5dGKcVLYImUuTisg/s320/alplatu.jpg" width="320" /></a></span></div>
<br />
<div style="text-align: justify;">
<span style="background-color: white; color: #333333; line-height: 24px;"><span style="font-family: inherit;"><br /></span></span></div>
<div style="text-align: justify;">
<span style="background-color: white; color: #333333; line-height: 24px;"><span style="font-family: inherit;">Sigue la estructura normal d'un ataque a una minoría: victimismu inicial, sarcasmu posterior, prexuiciu insultante final. <br /><br />Victimismu porque, al paecer d'@ALPLATU, son atacaos por falar n'amestáu; la realidá ye distinta y bien desplicada anteriormente pal programa televisivu: usen los idiomes d'una forma diglósica: l'asturianu pa la chancia, l'español pa los discursos serios (como les sos respuestes a les crítiques). De secute, un exemplu (por ciertu, nun se faía ironía, sinón que s'usaba la noble figura retórica del sarcasmu):</span></span></div>
<div class="separator" style="clear: both; text-align: center;">
<span style="font-family: inherit;"><a href="https://blogger.googleusercontent.com/img/b/R29vZ2xl/AVvXsEj7VFVBmro93gNGO2yGbFgHSLWcDhiELqoKi8HFvBCs2gfnw4K9tPyofucsVGBVFp9XXxMzEWmrlo67eb00StwqbsXxXyqVU4M6vCf-WPtOg6jia3ad66pibd0_Y4LUz4le3cyGS2s7Qio/s1600/alplatu2.jpg" imageanchor="1" style="margin-left: 1em; margin-right: 1em;"><img border="0" height="181" src="https://blogger.googleusercontent.com/img/b/R29vZ2xl/AVvXsEj7VFVBmro93gNGO2yGbFgHSLWcDhiELqoKi8HFvBCs2gfnw4K9tPyofucsVGBVFp9XXxMzEWmrlo67eb00StwqbsXxXyqVU4M6vCf-WPtOg6jia3ad66pibd0_Y4LUz4le3cyGS2s7Qio/s320/alplatu2.jpg" width="320" /></a></span></div>
<span style="font-family: inherit;"><br /></span>
<br />
<div style="text-align: justify;">
<span style="font-family: inherit;"><span style="font-family: inherit;">Sarcasmu, bien formuláu, desde llueu. Y efeutivu. Pero firiente, al faelu pa con un coleutivu amenorgáu. Cualisquier sarcasmu d'esti tipu con el coleutivu LGTB, les muyeres, los inmigrantes illegales o los refuxaos bélicos, sedría mal vistu pola mayoría. Nun pasó n'otros momentos. Recuerden cómo los chistes de maricas d'Arévalo o de Martes y Trece yeren mui celebraos y tamién s'escusaben en que nun yeren firientes y que, de sintise molestos los maricas, ye porque nun teníen sintíu del humor. Anguaño, a APV nun se-y ocurriría dicir sarcásticamente que "Ser machu ye de ser mala persona. Ser muyer maltratada date superpoderes y, con suerte, una ayuda #YeLoQueHay #PuestinosYPerres". Si APV llega habese creyao nos 50, nun tendría problemes pa roblalo.</span></span></div>
<br />
<div style="text-align: justify;">
<span style="background-color: white; color: #333333; line-height: 24px;"><span style="font-family: inherit;">Y prexuiciu insultante porque repite'l mantra de que les persones que defienden los sos drechos llingüísticos fáenlo por interéses crematísticos. Mantra, como toos, que nun necesita argumentación: el fechu ye que'l Gobiernu del Principado ufre sovenciones a la llingua y qu'hai quien les cobra. Da igual quién les cobre (nun acusa a "La Nueva España" de cobrales), nin cual seya la so utilización (l'esporpolle d'una llinia editorial n'asturianu, por exemplu), nin cual ye la comparativa pa con otres espresiones culturales (pue ponése-yos</span></span><span style="background-color: white; color: #333333; line-height: 24px;"> </span><span style="background-color: white; color: #333333; line-height: 24px;">una tabla col dineru públicu recibíu pola Fundación Princesa, la Fundación Gustavo Bueno o la Cátedra Alarcos y el recibíu pola ALLA, por exemplu </span><span style="background-color: white; color: #333333; font-family: inherit; line-height: 24px;">y nun atalantarán qué significa). Dan igual los argumentos.</span></div>
<div style="text-align: justify;">
<span style="background-color: white; color: #333333; font-family: inherit; line-height: 24px;"><br /></span></div>
<div style="text-align: justify;">
<span style="background-color: white; color: #333333; font-family: inherit; line-height: 24px;">Pero'l problema nun ta nestos bufones de xera patética. Caún fai lo que sabe, lo qu'entiende y lo que pue. Hai humoristes capaces de faer gracia ensin metese con terceros, pero non son d'"humor fatu". L'humor intelixente necesita intelixencia detrás y los bufones nun han ser intelixentes: han ser ferramientes pa riise y punto. Y APV, consíguelo. Norabona por ellos. </span></div>
<div style="text-align: justify;">
<span style="background-color: white; color: #333333; font-family: inherit; line-height: 24px;"><br /></span></div>
<div style="text-align: justify;">
<span style="background-color: white; color: #333333; font-family: inherit; line-height: 24px;">Agora, por favor, que naide me diga que-yos he respetar el trabayu, o lo que dicen, o cómo lo que faen, porque la forma de faer el so trabayu, les coses que dicen y les argucies qu'intriguen, paécenme denigrantes. Pa ellos (dalgo que nun me preocupa, porque caún ye llibre de faer cola so vida lo que quiera) y pa munches persones que merecen respetu y son motivu de chiste, ensin merecelo. Eso sí, respeto fonderamente que lo faigan, que ye bastante, y respeto que nun seyan quien pa ver que puen causar dañu cola so obcecación. Y tampoco nun los responsabilizo del resultáu. </span></div>
<div style="text-align: justify;">
<span style="background-color: white; color: #333333; font-family: inherit; line-height: 24px;"><br /></span></div>
<div style="text-align: justify;">
<span style="background-color: white; color: #333333; font-family: inherit; line-height: 24px;">El problema ta na rempuesta qu'esti tipu "d'humor" tien na sociedá asturiana. Riise d'un cachopu ye de fatos; pero ser un fatu nun fai mal a naide y quien nun se rió dalguna vez colos gritinos de Chiquito de La Calzada. Pero riise d'otres persones, más cuando cobardemente nun se va de frente (cuando la sátira ye política, con nomes y apeyíos, l'humor ye valiente), más cuando se xeneraliza (cuando la ironía ataca un fechu en concretu ha ser midía pa que la rempuesta posible quede albuertada), más cuando va contra'l débil (contra un coleutivu amenorgáu socialmente ye más cenciello)... riise d'otres persones neses circunstancies ye perverso. </span></div>
<div style="text-align: justify;">
<span style="background-color: white; color: #333333; font-family: inherit; line-height: 24px;"><br /></span></div>
<div style="text-align: justify;">
<span style="background-color: white; color: #333333; font-family: inherit; line-height: 24px;">Y da igual que los perversos seyan unos "arbeyinos" o unos críos nel colexu acosando a quien les llevaba siempre.</span></div>
<div style="text-align: justify;">
<span style="background-color: white; color: #333333; font-family: inherit; line-height: 24px;"><br /></span></div>
<div style="text-align: justify;">
<span style="background-color: white; color: #333333; font-family: inherit; line-height: 24px;">D'ascu.</span></div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-46066823437921190502016-02-01T19:17:00.000+01:002016-02-01T19:17:48.487+01:00Caciquismu del sieglu XXI<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEj0dnu1vEyu41EtfoeWA5j7DmdkCZrfT4NlFXnYTpeAyoxJwI1K4JE8mjNT9N_dra0C2cmk5LGBZWawEZPvznw1Eu_Q6uDvbsevtm8l-dbkWD647YkOIoAidUqWNjVI1urmzRHCQduHkQY/s1600/don+cacique.jpg" imageanchor="1" style="margin-left: 1em; margin-right: 1em;"><img border="0" height="320" src="https://blogger.googleusercontent.com/img/b/R29vZ2xl/AVvXsEj0dnu1vEyu41EtfoeWA5j7DmdkCZrfT4NlFXnYTpeAyoxJwI1K4JE8mjNT9N_dra0C2cmk5LGBZWawEZPvznw1Eu_Q6uDvbsevtm8l-dbkWD647YkOIoAidUqWNjVI1urmzRHCQduHkQY/s320/don+cacique.jpg" width="227" /></a></div>
<blockquote class="tr_bq" style="background-color: white; border: 0px; box-sizing: border-box; font-family: 'Arial Unicode MS', 'Lucida Sans Unicode', 'Liberation Sans', 'DejaVu Sans', 'TITUS Cyberbit Basic', Verdana, Arial, Helvetica, sans-serif; font-stretch: inherit; letter-spacing: 0.015em; line-height: 26px; padding: 0px; vertical-align: baseline;">
<span style="font-size: x-small;">cacique, ca</span><span style="font-size: x-small;"><abbr style="border: 0px; box-sizing: border-box; color: inherit; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: initial; margin: 0px; padding: 0px; vertical-align: baseline;" title="De origen">De or.</abbr> caribe.</span><span style="font-size: x-small;"><abbr style="border: 0px; box-sizing: border-box; color: #0070c0; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: initial; margin: 0px; padding: 0px; vertical-align: baseline;" title="Para el femenino">Para el f.,</abbr> <abbr style="border: 0px; box-sizing: border-box; color: #0070c0; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: initial; margin: 0px; padding: 0px; vertical-align: baseline;" title="usada también la forma">u. t. la forma</abbr> <em style="border: 0px; box-sizing: border-box; font-family: inherit; font-stretch: inherit; font-variant: inherit; font-weight: inherit; letter-spacing: 0.015em; line-height: initial; margin: 0px; padding: 0px; vertical-align: baseline;">cacique</em> en <abbr style="border: 0px; box-sizing: border-box; color: #0070c0; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: initial; margin: 0px; padding: 0px; vertical-align: baseline;" title="acepciones">aceps.</abbr> 1-3.</span><span style="font-size: x-small;"><span class="n_acep" style="border: 0px; box-sizing: border-box; font-family: inherit; font-stretch: inherit; font-style: inherit; font-variant: inherit; font-weight: bold; letter-spacing: 0.015em; line-height: inherit; margin: 0px; padding: 0px; vertical-align: baseline;">1. </span><abbr class="d" style="border: 0px; box-sizing: border-box; color: #0070c0; cursor: pointer; font-family: inherit; font-stretch: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;" title="nombre masculino y femenino">m. y f.</abbr> <mark data-id="JHOmUfg" style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">Gobernante</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">o</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">jefe</mark> <mark data-id="BtDkacL|BtFYznp" style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">de</mark> <mark data-id="b67JJSq|b6hEWeB|b6iKApr" style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">una</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">comunidad</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">o</mark> <mark style="background-color: white; border: 0px; box-sizing: border-box; color: inherit !important; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">pueblo</mark> <mark data-id="BtDkacL|BtFYznp" style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">de</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">indios</mark>.</span><span style="font-size: x-small;"><span class="n_acep" style="border: 0px; box-sizing: border-box; font-family: inherit; font-stretch: inherit; font-style: inherit; font-variant: inherit; font-weight: bold; letter-spacing: 0.015em; line-height: inherit; margin: 0px; padding: 0px; vertical-align: baseline;">2. </span><abbr class="g" style="border: 0px; box-sizing: border-box; color: #a6a6a6; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;" title="nombre masculino y femenino">m. y f.</abbr> <mark data-id="SjUIL8Z|SjwafWr" style="background-color: white; border: 0px; box-sizing: border-box; color: inherit !important; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">Persona</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">que</mark> <mark data-id="EuPaWdO" style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">en</mark> <mark data-id="b67JJSq|b6hEWeB|b6iKApr" style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">una</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">colectividad</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">o</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">grupo</mark> <mark style="background-color: white; border: 0px; box-sizing: border-box; color: inherit !important; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">ejerce</mark> <mark data-id="b6hEWeB|b6iKApr" style="background-color: white; border: 0px; box-sizing: border-box; color: inherit !important; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">un</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">poder</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">abusivo</mark>.</span><span style="font-size: x-small;"><span class="n_acep" style="border: 0px; box-sizing: border-box; font-family: inherit; font-stretch: inherit; font-style: inherit; font-variant: inherit; font-weight: bold; letter-spacing: 0.015em; line-height: inherit; margin: 0px; padding: 0px; vertical-align: baseline;">3. </span><abbr class="g" style="border: 0px; box-sizing: border-box; color: #a6a6a6; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;" title="nombre masculino y femenino">m. y f.</abbr> <mark data-id="SjUIL8Z|SjwafWr" style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">Persona</mark> <mark style="background-color: white; border: 0px; box-sizing: border-box; color: inherit !important; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">que</mark> <mark data-id="EuPaWdO" style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">en</mark> <mark data-id="b6hEWeB|b6iKApr" style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">un</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">pueblo</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">o</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">comarca</mark> <mark style="background-color: white; border: 0px; box-sizing: border-box; color: inherit !important; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">ejerce</mark> <mark style="background-color: white; border: 0px; box-sizing: border-box; color: inherit !important; cursor: pointer; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">excesiva</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">influencia</mark> <mark data-id="EuPaWdO" style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">en</mark> <mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">asuntos </mark><mark style="background-color: white; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">políticos</mark>.</span><span style="font-size: x-small;"><span class="n_acep" style="border: 0px; box-sizing: border-box; font-family: inherit; font-stretch: inherit; font-style: inherit; font-variant: inherit; font-weight: bold; letter-spacing: 0.015em; line-height: inherit; margin: 0px; padding: 0px; vertical-align: baseline;">4. </span><abbr class="d" style="border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: #0070c0; cursor: pointer; font-family: inherit; font-stretch: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;" title="nombre femenino coloquial">f. coloq.</abbr> <abbr class="d" style="border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: #0070c0; cursor: pointer; font-family: inherit; font-stretch: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;" title="poco usado">p. us.</abbr> <mark data-id="Q1vMnRp" style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">Mujer</mark> <mark style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-family: inherit; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; vertical-align: baseline;">del</mark> <span class="u" style="border: 0px; box-sizing: border-box; color: red; font-family: inherit; font-stretch: inherit; font-style: inherit; font-variant: inherit; font-weight: bold; letter-spacing: 0.015em; line-height: inherit; margin: 0px; padding: 0px; vertical-align: baseline;">cacique.</span></span></blockquote>
<div style="text-align: justify;">
Buena parte del sistema eleutoral de la Restauración Borbónica, a finales del XIX y entamos del XX, sofitábase nel caciquismu: el sufraxu censitariu enmarcáu nunos distritos pequeños, taba controláu por unes relaciones clientelares ente la población con drechu a votu y los grandes señores territoriales. Mediante l'<i>encasilláu</i>, el Ministeriu de la Gobernación escoyía quiénes habíen ser "los representantes del pueblu", los gobernadores civiles de cada provincia trabayaben negociando la decisión del gobiernu central colos homes fuertes del distritu y estos caciques terminaben la xera, dictando qué había de votase en cada casu, a cambiu de trabayu, beneficios y favores o cualisquier tipu de coerción, pa quienes nun daben el brazu a torcer. (Y si esto nun funcionaba, había tou tipu de mecanismos de fraude eleutoral pa que l'alternancia política ente conservadores y lliberales caltuviera l'orden y la Llei)</div>
<div style="text-align: justify;">
<br /></div>
<div style="text-align: justify;">
Anguaño, salvo dellos casos escuros de secuestru de papeletes, de votu ignorante o de validación a posteriori de votos d'emigrantes en principiu non válidos, pue asegurase que nun esiste fraude eleutoral n'Asturies. Pero'l caciquismu y el clientelismu, esiste.</div>
<div style="text-align: justify;">
<br /></div>
<div style="text-align: justify;">
Naide se pue llevar una sorpresa al sintir a xente dicir en público que va votar a tal o cual partíu porque-yos ta agradecío por tener trabayu, una pensión o porque, ensin más, tien familia dientro. Tampoco naide se pue llevar a sorpresa si dalguien, en determinaos lluagres d'Asturies, mande baxar la voz porque se tea criticando a una personalidá o una política concreta d'un partíu (tamién d'un sindicatu me val). La primera realidá, el votu interesáu, ye bien entendible: toos sabemos que, pa munchos, la política ye una forma d'arrequecimientu y emponderamientu personal y esta decisión d'escoyeta ye'l nivel más baxu; la segunda realidá, muncho más coercitiva, pue llevar al votu por miéu. (Y como'l votu ye secretu, nun voi dicir qu'esista, anque tenga sospeches más que fundaes y fundamentaes) Pero les presiones caciquiles, poro, esisten.</div>
<div style="text-align: justify;">
<br /></div>
<div style="text-align: justify;">
Y les actitúes caciquiles salen a la lluz a la primera de cambiu. Pongo un exemplu:</div>
<div style="text-align: justify;">
<br /></div>
<div style="text-align: justify;">
Ayer, en Madrid, reunióse'l Comité Federal del PSOE p'aldericar sobre les negociaciones pa entamar un posible gobiernu socialista nesta llexislatura. Taben presentes toles personalidaes fuertes del partíu: los nomaos "barones territoriales". Y ún de los más influyentes ye'l Presidente d'esta comunidá autónoma: Javier Fernández. </div>
<div style="text-align: justify;">
<br /></div>
<div style="text-align: justify;">
Gracies a una infiltración, la <a href="http://cadenaser.com/ser/2016/02/01/politica/1454299050_367049.html">Cadena SER</a> pudo acceder a los comentarios, les crítiques y les diferentes postures de los más destacaos. Nun voi entrar en comentar les intervenciones de caún porque los asuntos internos d'un partíu fuxendo p'hacia alantre nun m'interesen muncho. Pero sí ye pa destacar esta intervención de Javier Fernández sobre Podemos:</div>
<blockquote class="tr_bq" style="text-align: justify;">
<i style="border: 0px; color: #333333; font-size: 16px; line-height: 28.8px; margin: 0px; outline: none; padding: 0px; text-align: start; vertical-align: baseline;"><span style="font-family: inherit;">“Está diciendo claramente que quiere ocupar nuestro espacio político. Alguien que dice que los socialistas son muy buena gente gobernados por una hueste de mandarines. Alguien que está propiciando un motín, un motín de las bases contra sus dirigentes. Alguien que no nos ataca por lo que hacemos, nos ataca por lo que somos"</span></i></blockquote>
<div style="text-align: justify;">
Suel pasa-y a quien s'enfota n'atacar al enemigu, que dexa la retraguardia al descubiertu. O, cenciellamente, qu'en dellos ambientes la xente quita la mázcara y déxase ver tal cual ye. El casu ye que Javier Fernández, conocíu como "el mudu" pola so parquedá de palabres en too aquello que nun seya la tema catalana, faló. Y dexóse ver como un cacique. </div>
<div style="text-align: justify;">
<br /></div>
<div style="text-align: justify;">
Porque, al amosase intrasixente pa pactar con un partíu que los quier arrequexar, dexó claro que'l so malestar vien porque quier arrequexar a los "gobernantes" de los socialistes. Nun faló d'executives, nin representantes, nin cargos. Non. Usó'l verbu "gobernar". Pa un partíu políticu de calter democráticu, con eleiciones primaries y consultivu, a partir de dientro d'unes selmanes. Pero bueno, tamién ye comprensible nun abanderáu del cambiu positivu que lleva 16 años al frente de la federación asturiana.</div>
<div style="text-align: justify;">
<br /></div>
<div style="text-align: justify;">
Porque, al responder a les aiciones de Podemos, destacó la importancia de que la militancia de base pensare por si mesma: "un motín de les bases contra los sos dirixentes". Poniendo de manifiestu'l francimientu ente dambes estayes del partíu. Nun se plantegó que'l problema del socialismu asturianu (y español) seya la falta d'autocrítica de los encorsetaos cuadros dirixentes, de los sos xuegos dialéuticos, de la so intransixencia pa con too que non ye lo qu'establecen. Nótase que Javier Fernández nun se sentó a ver la xenial interpretación de Marlon Brando en <i>Rebelión a bordo</i>, porque ta remando solu nuna barca en medio'l Pacíficu, a lo Trevor Howard como'l capitán Bligh, mientres maldiz a los amotinaos. Y de xuru que, Javier Fernández, algamará xusticia, porque l'imperiu la Llei nun se para a considerar los condicionantes, sinón los fechos. Entós, el problema pa Javier Fernández, ye que dalguien d'afuera abra los güeyos a les bases.</div>
<div style="text-align: justify;">
<br /></div>
<div style="text-align: justify;">
Y porque, p'acabar la cita, personaliza l'ataque. Siéntese agraváu na so esencia. Considera, cayendo na so falta d'autocrítica redundante, que nun los ataquen por lo que faen. Sinón por lo que son: "una güeste de mandarines" que gobiernen a los socialistes, "que son xente mui bono". Y eso, nun pue consentise.</div>
<div style="text-align: justify;">
<br /></div>
<div style="text-align: justify;">
Javier Fernández en dengún casu fala nun tonu irónicu. Quiciás, sarcástica na espresión "Güeste de mandarines". Pero dizlo too en serio. Ye lo que piensa. Y la so forma d'actuar políticamente n'Asturies namái se pue comprender conforme a esi pensamientu.<br />
<br />
La pena ye que denguna socialista asturiana se manifestó a estes hores censurando esti tipu de comentarios. Sí de que se ficieren públicos. Pero non de que Javier Fernández considere a les sos bases un redil qu'ha siguir incondicionalmente a los sos gobernantes de partíu. A naide-y molesta que Javier Fernández se comporte como un cacique. Y tampoco que faiga gala d'ello ente los sos iguales. Namái que se sepa.<br />
<br />
De toes formes, que naide s'enfade nin se moleste con esti comentariu. Al entamu l'artículu punxe la definición que la RAE ufre del términu "cacique". Si bien yo puea considerar que Javier Fernández ye un cacique de la segunda entrada ("<span style="font-family: inherit;"><mark data-id="SjUIL8Z|SjwafWr" style="background-color: white; border: 0px; box-sizing: border-box; color: inherit !important; cursor: pointer; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">Persona</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">que</mark><span style="background-color: white; letter-spacing: 0.24px; line-height: 26px; text-align: start;"> n</span><mark data-id="b67JJSq|b6hEWeB|b6iKApr" style="background-color: white; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">una</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">colectividá</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">o</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">grupu</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border: 0px; box-sizing: border-box; color: inherit !important; cursor: pointer; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">exerce</mark><span style="background-color: white; letter-spacing: 0.24px; line-height: 26px; text-align: start;"> </span><mark data-id="b6hEWeB|b6iKApr" style="background-color: white; border: 0px; box-sizing: border-box; color: inherit !important; cursor: pointer; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">un</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">poder</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">abusivu"), naide nun me va poder negar que ye un plenu cacique de la tercera categoría <span style="font-family: inherit;">("</span></mark><mark data-id="SjUIL8Z|SjwafWr" style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">Persona</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; cursor: pointer; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">que</mark><span style="background-color: white; letter-spacing: 0.24px; line-height: 26px; text-align: start;"> n</span><mark data-id="b6hEWeB|b6iKApr" style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">un</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">pueblu</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">o</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">comarca</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; cursor: pointer; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">exerce</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; cursor: pointer; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">escesiva</mark><span style="background-color: white; letter-spacing: 0.24px; line-height: 26px; text-align: start;"> </span><mark style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">influencia</mark><span style="background-color: white; letter-spacing: 0.24px; line-height: 26px; text-align: start;"> </span><mark data-id="EuPaWdO" style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">n</mark><mark data-id="EuPaWdO" style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: 26px; margin: 0px; padding: 0px; text-align: start; vertical-align: baseline;">'</mark><mark style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">asuntos </mark><mark style="background-color: white; border-image-outset: initial; border-image-repeat: initial; border-image-slice: initial; border-image-source: initial; border-image-width: initial; border: 0px; box-sizing: border-box; color: inherit !important; font-stretch: inherit; font-style: inherit; font-variant: inherit; font-weight: inherit; letter-spacing: 0.015em; line-height: inherit; margin: 0px; padding: 0px; text-align: start; vertical-align: baseline;">políticos").</mark></span></div>
<span style="font-size: x-small;"><span style="background-color: white; font-family: "arial unicode ms" , "lucida sans unicode" , "liberation sans" , "dejavu sans" , "titus cyberbit basic" , "verdana" , "arial" , "helvetica" , sans-serif; letter-spacing: -0.26px; line-height: 26px;"></span></span>elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-30307902301994161292016-01-26T20:50:00.000+01:002016-01-26T20:50:16.415+01:00L'Asturies bien pensante y la "Cultura", ente comines<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEgc1OFRRvKMtbv31dNu077m4nxo4GyRfvg0wRuKrWLqa_aZiQQWdUje2dFJkIBowT2oBioEAYOsg_0BTISUmoQEFappPQQekQRiaZ5O8ADYI2Yv0VSnal4xFdJEsKJEchyIoC3ssG5N1tc/s1600/gijoncreativo.jpg" imageanchor="1" style="margin-left: 1em; margin-right: 1em;"><img border="0" height="320" src="https://blogger.googleusercontent.com/img/b/R29vZ2xl/AVvXsEgc1OFRRvKMtbv31dNu077m4nxo4GyRfvg0wRuKrWLqa_aZiQQWdUje2dFJkIBowT2oBioEAYOsg_0BTISUmoQEFappPQQekQRiaZ5O8ADYI2Yv0VSnal4xFdJEsKJEchyIoC3ssG5N1tc/s320/gijoncreativo.jpg" width="202" /></a></div>
<div style="text-align: justify;">
<br /></div>
<div style="text-align: justify;">
Falaben en Ser Gijón del programa "Gijón Creativo", una iniciativa del ayuntamientu xixonés pa impulsar la industria cultural y creativa de la ciudá. A parte de les polémiques pola so implantación y el so retardu o non, préstame abondo lo que diba sintiendo porque pémeque l'impautu económicu que xenera l'actividá cultural nuna ciudá, nuna sociedá, tá poco valorao n'Asturies.</div>
<div style="text-align: justify;">
<br /></div>
<div style="text-align: justify;">
Y tien el so porqué: n'Asturies, la "Cultura" vese como un énte abstrautu propiu d'unes clases erudites, que lu "comparten" col restu pa que nun caiga na vulgaridá. Pero esa forma de compartir "Cultura", amuesa y caltién un desaveramientu interesáu, que procura un estatus bultable: la "Cultura" comunícase de forma vertical y unidireicionalmente. Atopamos, poro, qu'hai un "clase culta" y una "clase non culta". D'esta miente, la xera política d'averar a les clases populares a la "Cultura" valió p'asentar el privilexu y p'acabar d'asitiar el focu xenerador. La "Democratización de la Cultura" fracasó, faciendo que creciera'l "Despotismu Illustráu" hasta faelu impresacindible. </div>
<div style="text-align: justify;">
<br /></div>
<div style="text-align: justify;">
Porque la "Cultura", n'Asturies, establécenla delles persones bien determinaes dientro una elite cultural. Esa elite cultural (endogámica y autoalimentada) ye quien pa marcar el bien faer y el bien pensar (y hasta'l bien ser). Y esta situación acéutase ciegamente pol restu la sociedá asturiana: son la fonte del Saber y, el restu, un recipiente vacíu qu'ha enllenase col so conocimientu. El problema ye qu'esta fórmula sirve, más que pa esparder la Cultura ente la xente, pa caltener el poder en dellos apellíos interesaos. </div>
<div style="text-align: justify;">
<br /></div>
<div style="text-align: justify;">
Esta situación desplica la impunidá de dellos miembros d'esta <i>inteligentsia </i>dientro de ciertes instituciones culturales públiques, como la Universidá d'Uviéu. Asina, nun ye difícil atopar caderalgos universitarios calificando de "paletos" a quienes nun actúen como ellos entienden que ye de razón y que nun solo nun reciban reprenda dala por parte'l rectoráu, sinón que s'escuden en la llibertá d'espresión y aición que protesten de los otros. </div>
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEh2PijJrAGwFflqnfoMweCenngd9FDM3wYCwZ81uuJNDevYGnonl-zySHY_xY4dVa217cwPF7aKtklEHKpA2h6BW_0ooU042adPkUQ-ktebS8k8UYIASb8JRGw1qlsZPE3BUCHYMXUuEbI/s1600/tuit001.jpg" imageanchor="1" style="margin-left: 1em; margin-right: 1em;"><img border="0" height="247" src="https://blogger.googleusercontent.com/img/b/R29vZ2xl/AVvXsEh2PijJrAGwFflqnfoMweCenngd9FDM3wYCwZ81uuJNDevYGnonl-zySHY_xY4dVa217cwPF7aKtklEHKpA2h6BW_0ooU042adPkUQ-ktebS8k8UYIASb8JRGw1qlsZPE3BUCHYMXUuEbI/s320/tuit001.jpg" width="320" /></a></div>
<div style="text-align: justify;">
Y nun ye dificil atopalo porque les instituciones (polítiques, sociales, culturales) asturianes tán cómodes nesti <i>apartheid</i> cultural. Pesie a que, inevitablemente, tea comunicáu con otres estayes de la realidá y sofite una tapecía desigualdá social, daquella que france la másima llibertaria "naide ye igual a otru; pero toos valimos lo mesmo". N'Asturies, toos somos iguales, pero nun toos valemos lo mesmo.</div>
<div style="text-align: justify;">
<br /></div>
<div style="text-align: justify;">
Ye esti'l motivu pol que llevo tou esti camientu entecominando'l términu <i>"Cultura". </i>Si la Cultura nun sirve pa permitir la espresión y el crecimientu del alma individual y coleutiva (tirando del conceutu "<i>cultura animi</i>" de Cicerón), sinón que ta empobinada al sofitu de los privilexos d'una elite direutora, dexa de selo. N'Asturies, la "Cultura" ta caciquilmente entecominada.</div>
<div style="text-align: justify;">
<br /></div>
<div style="text-align: justify;">
Quiciabes, l'esporpolle d'una visión económica de la Cultura, almitiría nueves formes nel tratu social a la mesma. Paez mentira que, nuna época tán materialista, nun esista n'Asturies una conciencia de les Artes, y la so divulgación, como industria xeneradora de riqueza. Si esistiere, nun s'entenderíen munches polítiques fiscales, llaborales, turístiques, culturales, educatives, audiovisuales y empresariales, tanto autonómiques como llocales, que dan la espalda a esti seutor económicu. L'oxetivu sedría faer de la Cultura un factor y un mediu d'arrequecimientu económicu de tola sociedá.</div>
<div style="text-align: justify;">
<br /></div>
<div style="text-align: justify;">
D'esta manera, pol bolsiyu (que favorez en munchos l'aceutación a la trágala de delles coses aberrantes), la Cultura abriríase al enfotu de más xente, atrayío, nun solo poles sos condiciones intrínsiques animistes, tamién poles crematístiques, pero dambes diendo garraes de la mano. Asina, diben emponderase a bien de persones qu'anguaño viven les espresiones culturales que-yos son propies como un folklorismu aculturizáu y avergoñante.</div>
<div style="text-align: justify;">
<br /></div>
<div style="text-align: justify;">
Porque, seyamos sinceros: ¿quién diba ser el guapu de tar a la contra de la oficialidá del asturianu, si fuere de dominiu públicu qu'una industria cultural alrodiu diba dar perres y puestos de trabayu?</div>
<div style="text-align: justify;">
<br /></div>
<div style="text-align: justify;">
Siempre se fala de que toles estayes de la vida dependen de les perres pa ser o non ser; que los mercaos marquen l'actualidá política; que too se vende y se merca. Pues bien, faigamos posibilismu de la situación y usemos les perres como atractivu pa un oxetivu mayor: la braera democratización de la Cultura. Que la Cultura seya fecha por tola sociedá y esfrutada por tola sociedá. "Gijón Creativo" ye un empiezu.</div>
<div style="text-align: justify;">
<br /></div>
<div style="text-align: justify;">
(Que la Cultura llegue a ser democrática poles perres. Qué tristes estos medios y estos camientos. Pero qué triste ye, tamién, esta realidá que vivimos.)</div>
elCuenteristahttp://www.blogger.com/profile/01649976022172502019noreply@blogger.com2tag:blogger.com,1999:blog-8866949584271405204.post-12626933224034149942016-01-26T20:01:00.000+01:002016-01-26T21:03:08.707+01:00Golvamos a entamar<div style="text-align: justify;">
El día 31 d'avientu del 2015, publicaba nel Facebook esti vidiu con estes palabres:</div>
<blockquote class="tr_bq" style="margin-bottom: 6px;">
<div style="text-align: justify;">
"<i>El mi propósitu pa esti añu qu'escomienza mañana ye guardar una migayina tiempu pa caún de vosotros que me la pida.</i></div>
</blockquote>
<blockquote class="tr_bq" style="margin-bottom: 6px;">
<br />
<div style="text-align: justify;">
<i>Porque, como dexara escrito Manuel Asur,</i></div>
<i><div style="text-align: justify;">
<i>"Yo a toos vos quiero,</i></div>
<div style="text-align: justify;">
<i>y anque tenga priesa,</i></div>
<span class="text_exposed_show" style="display: inline;"><div style="text-align: justify;">
<i><span class="text_exposed_show" style="display: inline;">tomemos un vasu en cualquier llugar".</span></i></div>
</span></i></blockquote>
<blockquote class="tr_bq" style="margin-bottom: 6px;">
<div style="text-align: justify;">
<i>Feliz añu 2016</i>."</div>
</blockquote>
<br />
<br />
<iframe allowfullscreen="" frameborder="0" height="270" src="https://www.youtube.com/embed/JeA_Fbo8Ko8" width="480"></iframe><br />
<br />
<div style="text-align: justify;">
Son munchos los proyeutos que tengo en mente. Pero, siempre que puea, voi subir los míos camientos a esta piscina de boles que lleva conmigo (a flor de piel o latente) tanto años.</div>
<div style="text-align: justify;">
<br /></div>
Asina que, golvamos a entamar.elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-19322168599331562912014-03-24T18:26:00.001+01:002014-03-24T18:26:20.142+01:00Imponiendo nomes (2)<div style="text-align: justify;">
He faer un par de puntualizaciones al artículu qu'espublicé'l mes pasáu alrodiu la tema'l refugu al nome tradicional de Bual pol ayuntamientu del conceyu, dempués de que s'aprobare la oficialidá de la propuesta apurrida pola Xunta Asesora de la Toponimia.</div>
<div style="text-align: justify;">
<br /></div>
<div style="text-align: justify;">
La primera, ye qu'el grupu de facebook "<span itemprop="articleBody">Queremos que Boal siga llamándose Boal y no Bual", nun se desanició, sinón que se caltién de forma oculta pa daquellos que nun formen parte del mesmu, aceutaren o non la invitación. Les sospeches sobre intereses ocultos que vayan más p'allá de la zuna llingüística son abondes, atalatándose como un grupu de presión al conceyu y en favor de la esplotación d'oru que lleva años plantegándose y refugándose polos organismos oficiales de la comarca. </span></div>
<div style="text-align: justify;">
<span itemprop="articleBody"><br /></span></div>
<div style="text-align: justify;">
<span itemprop="articleBody">La segunda, muncho más importante, ye una aclaración sobre la figura del filólogu Xosé Miguel Suárez Fernández, que diera la cara pola Xunta Asesora de la Toponimia. Yo dicía que yera el "direutor de los estudios" de la toponimia tradicional bualesa, cuando elli nun lo yera. Les fontes nun son siempre de fíar, y menos cuando esta ye "La Nueva España". Mis disculpes.</span></div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-45235451258541448842014-02-28T01:05:00.000+01:002014-02-28T01:06:57.078+01:00Imponiendo nomes<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEiDYkTL5JmS03y1g0x-CliS-bi7r-m_wY1m8tlK4oXiu6_Ja3TS-ATEaSoH1oFIaL-Kzh2fbsCtOB5gdarBFGn6-obh3vOUt1KxWf46Kq_bOPT01aXJSsMSbmT9mgDNIps33UEX_0ZWWyE/s1600/bualboal.jpg" imageanchor="1" style="margin-left: auto; margin-right: auto;"><img border="0" src="https://blogger.googleusercontent.com/img/b/R29vZ2xl/AVvXsEiDYkTL5JmS03y1g0x-CliS-bi7r-m_wY1m8tlK4oXiu6_Ja3TS-ATEaSoH1oFIaL-Kzh2fbsCtOB5gdarBFGn6-obh3vOUt1KxWf46Kq_bOPT01aXJSsMSbmT9mgDNIps33UEX_0ZWWyE/s1600/bualboal.jpg" height="153" width="400" /></a></td></tr>
<tr><td class="tr-caption" style="text-align: center;">Cartelu colos dos términos. Non, nun ye un fotomontaxe </td></tr>
</tbody></table>
<div style="text-align: justify;">
Va un tiempu, entamé un artículu na Uquipedia n'asturianu sobre la <a href="http://ast.wikipedia.org/wiki/Xunta_Asesora_de_Toponimia_del_Princip%C3%A1u_d%27Asturies">Xunta Asesora de Toponimia del Principáu d'Asturies</a>, órganu colexáu consultivu y asesor, como rescampla'l so nome, de l'alministración autonómica pal cumplimientu de la Llei 1/1998, de 23 de marzu, d'Usu y Promoción del Bable/Asturianu. Prestaríame falar d'ella nesta entrada, faciendo d'abogáu d'una institución de tolos asturianos qu'alcuentra munches torgues al so trabayu, precisamente, por una prensa que, encabezada por "La Nueva España", fuxe de criterios racionales, históricos y culturales pa ufiertar argumentaciones prexuicioses y zunes que vayan a la contra de la normalización llingüística n'Asturies, procesu qu'ha finase pa ufrir una igualdá de drechos, qu'anguaño nun puen esfrutase, y col enfotu, amás, de caltener y respetar una cultura asturiana que se desavere del folklorismu amenorgador y se presente como finxu de xunión de los asturianos, ensin necesidá d'amiestos foriatos.</div>
<br />
<div style="text-align: justify;">
<br /></div>
<div style="text-align: justify;">
<b>L'ataque</b> <br />
<br />
La polémica d'esta selmana vieno pola espublicacion nel BOPA del <a href="http://www.queyeho.com/images/archivos/toponimia/toponimia-bual.pdf">Decretu 27/2014, de 12 de febreru</a>, qu'oficializaba la toponimia tradicional del conceyu de Bual, previa validación del dictamen apurríu pola Xunta Asesora, tanto pol Gobiernu del Principáu d'Asturies, como pol propiu conceyu de Bual, istitución que robló la propuesta por unanimidá de los cuatro grupos políticos con representación (PSOE, PP, FAC y IU). El Decretu aprobáu pola Conseyería de Cultura y robláu pol conceyu suponía'l camudamientu de dellos topónimos del territoriu, ente los que destacaba'l de la villa capital (que non del conceyu, porque la Xunta Asesora nun tien llexitimidá pa ello): Boal pasaba a ser Bual.</div>
<div style="text-align: justify;">
<br /></div>
<div style="text-align: justify;">
Españó entós la polémica, emburriada por "La Nueva España", crecida dempués de ganar na so puxa por camudar los nomes oficiales de delles entidaes de población del conceyu de Carreño, dando p'atrás al <a href="http://www.asturias.es/Asturias/descargas/toponimia/CARRENO.pdf">Decretu 30/2005 del 21 d'abril</a>, primeru aprobáu nel sen d'oficializar los topónimos tradicionales de los sitios: a la contra de los vecinos de les parroquies de Quimarán y El Pieloro, estes pasaron a nomase tamién Guimarán y Piedeloro, términos qu'hasta 2005 yeren los oficiales y que tienen el so orixen na mala interpretación d'escribanos non asturianos, porque nin tan siquiera puen definise como "casteyanos".<br />
<br />
El casu ye que buena parte de la población bualesa llevantóse escontra la midía, acarándose al trabayu de la Xunta Asesora y del direutor de los estudios, el filólogu y escritor n'eonaviegu <a href="http://ast.wikipedia.org/wiki/Xos%C3%A9_Miguel_Su%C3%A1rez_Fern%C3%A1ndez">Xosé Miguel Suárez Fernández</a>, que salía al pasu nuna entrevista al periódicu uvieín respondiendo a les torgues y los prexuicios con argumentaciones y razonamientos serios. (Prestaríame poder axuntar la entrevista, pero LNE nun la tien colgada na rede mientres toi redactando esta entrada) Solo pueo trescribir el titular de la entrevista: "La toponimia anterior en Bual yera un casu de despreciu a la realidá" y el sotítulu "Falar d'imposiciones nos términos d'agora y non d'anantes resulta una doble vara de midir inalmisible".<br />
<br />
Dientro del argumentariu habitual d'aquellos que tienen por fin esbarrumbar el procesu de normalización llingüística n'Asturies alcuéntrase, nos puestos de privilexu, la falacia de la "imposición" de la llingua asturiana. En cuenta d'almitir que la única llingua impuesta n'Asturies, tanto histórica como llegalmente, ye la española, calteniendo'l prexuiciu atalantáu por Neira, d'almitila como "llingua propia d'Asturies, común a los asturianos y de llibre aceutación polos mesmos". Desta miente, dáse-yos a los asturfalantes un calter dictatorial, por querer "imponer" la llingua a quienes nun la quieren usar, tracamundiando la realidá: los asturfalantes puxen por un drechu que ta amenorgáu embaxo una realidá diglósica, onde'l privilexu (que non drechu o llibertá, sinón privilexu) tiénenlu los hispanofalantes. Yera d'esperar que saliere pa esta tema que LNE falare de la "imposición" de los términos. Y Xosé Miguel Suárez respuende cola lóxica que da la razón.<br />
<br />
Por embargu, la idega garra puxu ente aquellos bualeses que nun ven con buenos güeyos que desapaezca'l términu "Boal" de les sos vides. Y Xosé Miguel Suárez y la Xunta la Toponimia pasen a ser el centru tolos ataques. Nun se dan cuenta de que nin l'ún nin la otra tienen capacidá denguna pa "imponer" ná. La Xunta Asesora de la Toponimia, como se dixo enriba, ye asesora. Trabaya embaxu'l mandatu de la Conseyería de Cultura, dempués de tramitar la pitición del conceyu de turnu pa istitucionalizar la toponimia tradicional del sitiu. Pero nun tien capacidá de decisión.<br />
<br />
<br />
<b>Les funciones de la Xunta Asesora de la Toponimia</b> <br />
<br />
La Xunta Asesora tien como funciones apurrir los dictámenes previos de los topónimos a aplicar, asoleyar esos informes previos, emitir informes toponímicos a petición de la Conseyería y los conceyos y proponer al conseyeru les midíes más afayaíces pal cumplimientu la Llei d'Usu. Nun tien calter executivu y, poro, nun impón ná.<br />
<br />
Los procedimientos d'aición de la Xunta Asesora quedaron estipulaos nel <a class="external text" href="https://sede.asturias.es/portal/site/Asturias/menuitem.1003733838db7342ebc4e191100000f7/?vgnextoid=d7d79d16b61ee010VgnVCM1000000100007fRCRD&fecha=19/04/2002&refArticulo=2002-1419001&i18n.http.lang=es" rel="nofollow">Artículu 1 del Decretu 38/2002, del 4 d'abril</a>, pol que se regula la mesma. En primer llugar, ha validar los topónimos tradicionales o autóctonos siguiendo criterios filolóxicos y rigurosos, siendo'l documentu de trabayu direutor el nomenclátor <i>Nomes de conceyos, parroquies, pueblos y llugares del Principáu d'Asturies, </i>de la Academia de la Llingua Asturiana (Uviéu, 2000), calteniendo como escritura correuta pa los topónimos que tean en gallegu-asturianu, la <i>Proposta de normas ortográficas del ga(l)lego asturiano</i>, de la Conseyería d'Educación y Cultura (Uviéu, 1993). Esta validación de términos fadrase atendiendo a les diferentes variantes autóctones, pero apurriendo solamente ún d'ellos. Pero esti trabayu pue siempre revisase por parte de los conceyos, les entidaes llocales o'l Gobiernu autonómicu, nel momentu qu'estes istituciones lo precisen. Poro, la Xunta Asesora nun impón ná, porque la propuesta pue ser impugnada.<br />
<br />
Nuna segunda fase, la Xunta Asesora encárgase de proponer la oficialidá de los topónimos filolóxicamente aprobaos. Esto ye, el reconocimientu de les istituciones executives (gobiernu autonómicu y municipal) de la terminoloxía propuesta pola Xunta Asesora pa que la forma tradicional aceutada seya aplicada como oficial nos documentos alministrativos, comunicaciones, mapes, finxos de carretera, etc. Pa ello necesítase l'aprobación esplícita del conceyu. Asina que la Xunta nun pue imponer ná; ye'l conceyu quien aprueba y el gobiernu autonómicu quien decreta.<br />
<br />
Por último, la Xunta Asesora tien la xera d'encamentar a les alministraciones que faigan usu d'esa toponimia tradicional oficial, anque sedrá'l Principáu quien llevará p'alantre les dilixencies pertinentes pa favorecer esi usu. Y ye que la Xunta asesora tampoco nun tien competencia pa pruyir al usu de la toponimia oficial a aquellos conceyos que nun lo faen teniéndola aprobada.<br />
<br />
<br />
<b>¿Por qué "Bual" y non "Boal"?</b> <br />
<br />
En Bual, la Xunta Asesora de Toponimia del Principáu d'Asturies entamó un procesu d'estudiu de la realidá toponímica tradicional del conceyu, usando'l nomenclátor propiu del conceyu y el de l'ALLA, calteniéndose dientro de la <i>Proposta de normas ortográficas del galego asturiano</i> y llevando a cabu un trabayu de campu que dio como definitivu'l términu "Bual".<br />
<br />
Esta decisión nun se tomó a lo xole. Si la Xunta Asesora validó esti términu fue por delles razones:<span id="goog_372764670"></span><span id="goog_372764671"></span><br />
<ol>
<li>Apaez recoyida nel documentu de trabayu direutor pala toponimia mayor, el nomenclátor <i>Nomes de conceyos, parroquies, pueblos y llugares del Principáu d'Asturies. </i>(Nel trabayu sobre<a href="http://mas.lne.es/toponimia/index.php?leer=829&palabra=bual"> Toponimia Asturiana de Xosé Lluís García Arias</a>, precisamente asoleyáu por "La Nueva España" na red, úsase yá'l términu "Bual")</li>
<li>Recoyóse nos trabayos de campu pol conceyu Bual, nes encuentes y nes grabaciones.</li>
<li>Caltién les normes ortográfiques requeríes pa los topónimos tradicionales que tean en gallegu-asturianu, sigún la <i>Proposta de normas ortográficas del ga(l)lego asturiano</i>, de la Conseyería d'Educación y Cultura.</li>
<li>Nun esistió propuesta en contra pa que nun fuera consideráu válidu.</li>
<li>La propuesta d'oficialización ha faese solamente respeuto a una forma, anque se consideren delles variantes dialeutales, que nun les hai. (Teniendo en cuenta qu'el términu "Boal" nun ye denguna variante del gallegu-asturianu, sinón una trescripción de la mesma, que se fizo oficial, ensin entruga-y a naide, y que se caltuvo como casteyana, ensin selo)</li>
<li>Ye un términu adautáu ensin problemes al gallegu-asturianu modernu.</li>
<li>Coesistió cola anterior forma oficial durante dellos años, usándose esti términu de forma continua pa los testos y espublizaciones en gallegu-asturianu, en cuenta del otru.</li>
<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: right;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEgmSGjh_gPPq5yS11QOIYoq_ChULhMc4TkBbgy1Ic55s5mtO_yMDi5iqXsM0WFoK6j7rpVexs1xBdlLSqWp9JDWftaqH1fPT2eZZPo7jAtfSaCkF8dFES6RFLUIgTbziK67wjHYhSe8KSE/s1600/outono.jpg" imageanchor="1" style="clear: right; margin-bottom: 1em; margin-left: auto; margin-right: auto;"><img border="0" src="https://blogger.googleusercontent.com/img/b/R29vZ2xl/AVvXsEgmSGjh_gPPq5yS11QOIYoq_ChULhMc4TkBbgy1Ic55s5mtO_yMDi5iqXsM0WFoK6j7rpVexs1xBdlLSqWp9JDWftaqH1fPT2eZZPo7jAtfSaCkF8dFES6RFLUIgTbziK67wjHYhSe8KSE/s1600/outono.jpg" height="240" width="320" /></a></td></tr>
<tr><td class="tr-caption" style="text-align: center;">Cartelu del "VI Outono en Bual", del añu 2013</td></tr>
</tbody></table>
<li>Por último, respeta los criterios llingüísticos pa les impugnaciones: "<i>Vocales átones non finales</i>. Pal casu l'asturianu occidental y del
gallegu-asturianu, la escritura d'«e» - «i» y d'«u» - «o» átones
axustarase a la vocal tónica de les pallabres de les que deriven, o bien
a la vocal etimolóxica, siempre qu'ello nun violente la estructura
silábica del topónimu."</li>
</ol>
La forma adecuada pa la validación nun podía ser otra que "Bual". Asina lo consideró'l consistoriu bualés (anque paez qu'el casu ye que ta compuestu por una reciella d'incompententes que nun lleen lo que roblen). Y asina lo consideró la Conseyería de Cultura al tramitar el Decretu.</div>
<div style="text-align: justify;">
</div>
<div style="text-align: justify;">
<br />
<br />
<b>Entós, ¿qué pasó en Bual?</b><br />
<br />
Pa mín, lo que pasó en Bual ye un claru exemplu del desapegu qu'esti sistema políticu ta xenerando nos individuos, convertíos nunos representantes incompetentes y nunos ciudadanos pasivos y mal informaos o desinformaos o, tamién, manipulaos. Desplícome:<br />
<br />
Quedó claro que la capacidá de comunicación ente l'alministración municipal y el bualés d'a pié nun furruló como había ser. La mayor parte de la xente que se quexaba estos díes pola decisión argumentaba que nun sabía que se taba produciendo'l procesu, nin en qué consistía. Esto nun ye solo un deméritu del conceyu, que tamién; yelo, sobre too, d'un pueblu que nun s'interesa poles midíes que lleven a cabu los sos representantes, hasta que-yos españa na cara: esti procesu llevaba entamáu yá munchu tiempu.<br />
<br />
Entós, na so llinia de crítica sistemática al procesu de camudamientu de la toponimia oficial, "La Nueva España" fízose ecu de les protestes nes sos fueyes. Primero, cola espublización de la entrevista a Xosé Miguel Suárez (inencontrable n'internet, a nun ser pagando). Al día siguiente, d'una iniciativa surdía nes rees sociales: una páxina de Facebook nomada <a href="http://www.lne.es/occidente/2014/02/25/quinientas-personas-piden-facebook-mantenga/1548023.html">"</a><span itemprop="articleBody"><a href="http://www.lne.es/occidente/2014/02/25/quinientas-personas-piden-facebook-mantenga/1548023.html">Queremos que Boal siga llamándose Boal y no Bual", qu'algamó 500 seguidores</a></span>
(y eso nun primer momentu, porque dempués casi llega a los 2.000). Esti grupu, yá desapaecíu, enllenóse d'argumentaciones poco razonaes escontra'l procesu d'oficialización de les formes tradicionales: que yera un gastu inútil, que nun se podía dir a la contra'l casteyanu, que yera l'idioma de toos, que qué facía xente de fuera de Bual opinando sobre Bual, que "Bual" yera una forma que nunca nun se sintiera (cuando llevaba años a la entrada y la salida del pueblu) o que, simplemente, naide sabía de naide que ficiere encuesta dalguna por motivu talu. Anque había xente que sí argumentó la so posición y pidió que se moderaren los términos (llamento mui muncho nun tener apuntao los sos nomes porque yeren opiniones de munchu interés), los ánimos taben bien caldiaos y díbense de los chistes de crítica ramplona ("Deteníos dellos radicales casteyanistes por atacar el Penedo Aballón por nun nomáselu 'Peña que se balancea'" -falo de memoria, pero ye que me recordó tanto a "La Polla Llena" de Gracia Noriega...), hasta l'ataque personal contra Xosé Miguel Suárez, porque s'entendía que atacaba a los bualeses, llamándolos "paletos" (incluso se dicía que, si tanto defendía la fala, por qué nun ficiera la entrevista n'ella; en fin). Eso nun lo recoyó'l periódicu.<br />
<br />
Sí pudo lleese el miércoles 26 de febreru una carta al direutor de "La Nueva España", roblada por <a href="http://mas.lne.es/cartasdeloslectores/carta/15604/broma-toponimia-boal.html">Natalia Jardón</a> (que sí pue alcontrase na rede, curiosamente), onde se quexaba de la dexadez política pa col mundiu rural, que diba quedando despobláu, pero que "Eso sí, la política lingüística que no falte". Argumentaba que la decisión yera "frutu d'una política llingüística voraz", "tomada ensin un debate
previu y ensin tener en cuenta los intereses de los vecinos". Pue que tenga razón, sobre too no que cinca a la despoblación y a la incompetencia de les polítiques de desendolcu económicu sostenible del mediu rural. Pero ye una razón a medies: como yá espuse enantes, los vecinos que se sorprendieron pola decisión del ayuntamientu, nun se cuidaron d'atender pa elli. Y, tratando d'amenorgar el trabayu de la Xunta Asesora (encarnación de la "política llingüística voraz"), ponía como exemplu una anéudota del llibru <i>La boca probe</i>, de Brian O'Nolan, cuando un señoritu dublinés, que trata d'estudiar les fales céltiques pero que nun entiende gaélicu, lu confunde colos gruñíos d'un gochu. Pémeque escoyó mal exemplu. Natalia Jardón tapeció o, quiciás escaeció, qu'esa sátira del escritor irlandés -escrita en gaélicu como <i>An Béal Bocht </i>y embaxo'l nomatu de Myles na gCopaleen-, centrábase en faer sangre de la xente'l pueblu, criticando'l so enfotu en zarrase na so probitú y nel rechazu a cualisquier tipu d'ameyoramientu. O'Nolan trabayó bien gracies a los sos prexuicios de señoritu dublinés que yera. Amás, la espresión "La boca probe" nun quier dicir otra cosa que "contar desgracies pa llograr dalgo en vez de trabayar pa superales por un mesmu". Lo que taba faciendo Natalia Jardón.<br />
<br />
Pero la polémica mayor llegó cuando saltó al Twitter y se produxo un enfrentamientu ente aquellos que defendíen el Decretu y los que queríen el regresu del términu antiguu. #EuSoiDeBual escontra'l #YoSoyDeBoal. Llegaron los insultos, les descalificaciones, les pelees de gallos... llamentable.<br />
<br />
<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEjHjSUkQRXUAysjqAdbBgpyQlBiEJ-q5z1sXVSHF1o-sCol__HKchbaGoW36IGtYTG5zKQ3CUzPHvYU2Sd-1vl4_3-5oOybiJ5hCcWsiHwnjBrRfFYFZCJzr0_ZNgz64o8pYyjySN-jTvw/s1600/bualboal2.jpg" imageanchor="1" style="margin-left: auto; margin-right: auto;"><img border="0" src="https://blogger.googleusercontent.com/img/b/R29vZ2xl/AVvXsEjHjSUkQRXUAysjqAdbBgpyQlBiEJ-q5z1sXVSHF1o-sCol__HKchbaGoW36IGtYTG5zKQ3CUzPHvYU2Sd-1vl4_3-5oOybiJ5hCcWsiHwnjBrRfFYFZCJzr0_ZNgz64o8pYyjySN-jTvw/s1600/bualboal2.jpg" height="320" width="320" /></a></td></tr>
<tr><td class="tr-caption" style="text-align: center;">Imaxenes de perfiles de Facebook, proBual y proBoal</td></tr>
</tbody></table>
<br />
<br />
<b>En conclusión</b><br />
<br />
L'alcalde de Bual, sofitáu pol consistoriu, va enmendar el decretu. Diz que nun sabíen que taben aprobando la desapaición del términu "Boal". Imaxino que pidirá la vuelta al doble términu. Ye curioso qu'una villa de dalgo más de mediu millar d'habitantes tenga dos nomes que se van pronunciar igual y escribir diferente (coses de la metafonía que fai del "oa" d'una palabra bisílaba, casi un "ua" monosílabicu). Pero sedrá lo meyor. La xente va quedar más conforme y eso ye lo qu'importa. Que la xente seya soberana de la so vida y puea decidir por sí.<br />
<br />
La pena ye que llograra los sos oxetivos dende una manipulación argumental como la que se vivió estos díes dende "La Nueva España", que nun duldó n'arroxar el fornu pa llograr los sos intereses. <br />
<br />
Y pienso yo: cuando'l señor Fernando Lastra respondía n'aquella mítica <a href="http://lalenguaasturianaonline.blogspot.com.es/2008/12/psoe-dar-al-asturiano-rango-oficial-no.html">entrevista de Xuan Bello</a>,
aquello de que "la oficialidá acentuaría'l conflictu. Nun tengo nenguna
razón pa ser
optimista nesti tema. Nun creo qu'esti conflictu vaiga resolvese en
términos racionales", pa siguir dempués con "Yo nesti tema nun me muevo
en términos académicos. Tengo una actitú
comprensiva con cualquier explicación que se me dea sobre esti tema. El
mio únicu límite ta nes cuestiones que planeen violencia o atenten
contra la dignidá de les persones", ¿pensaría que "La Nueva España" ye
un factor pa la violencia y contra la dignidá de les persones qu'acentúa
un conflictu enantes de llegar la oficialidá? Non. De xuru que non.
Esti conflictu nun pue "resolvese en términos racionales", ¿verdá?<br />
</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-76584525479678191922014-01-22T17:34:00.002+01:002014-01-22T17:42:51.128+01:00Ciudadanía<div style="text-align: justify;">
</div>
<div style="text-align: justify;">
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEj5XocBroS0T2bIK616K-PeKOfpKSNthDuGFfOcioghFgaKQufUCC7aY16ulgmeO3pNI5PkGhVXteb7-CCeQt6qhhdoZsyT3mYaLHEnrYaVrJyiD3pblwJ8C0Ou4AqyagiFcTg7LOmmdK4/s1600/ciudadano-kane.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEj5XocBroS0T2bIK616K-PeKOfpKSNthDuGFfOcioghFgaKQufUCC7aY16ulgmeO3pNI5PkGhVXteb7-CCeQt6qhhdoZsyT3mYaLHEnrYaVrJyiD3pblwJ8C0Ou4AqyagiFcTg7LOmmdK4/s1600/ciudadano-kane.jpg" height="320" width="223" /></a></div>
</div>
<div style="text-align: justify;">
Jorge Luis Borges, nel añu 1941, entamó una crítica de la película <i>Citizen Kane</i>, de la siguiente forma:<br />
<blockquote class="tr_bq">
"<i>El tema (a la vez metafísico y policial, a la vez psicológico y
alegórico) es la investigación del alma secreta de un hombre, a través
de las obras que ha construido, de las palabras que ha pronunciado, de
los muchos destinos que ha roto.</i>"</blockquote>
Les palabres qu'usamos, igual que los nuestros fechos y la xente que tenemos alrodiu, fáenmos como persones. Tamos viviendo anguaño un procesu de camudamientu de los significaos de
dellos términos que tuvieron, y tovía tienen, ciertu calter social.
Dende los medios oficiales y de comunicación de mases, ta faciéndose una
campaña soterrada por nomar d'una forma simple y concreta dalgunes
realidaes polítiques y sociales que, siendo buenu, sofitase na
aspiración de llegar a un mayor númberu de persones y, siendo mal
pensaos, na voluntá espresa d'uniformar la opinión pública. Esti procesu de camudamientu social, como ye obvio, tamién nos camuda a nós.<br />
<br />
Tengo en casa un llibru, editáu nel 2003 pol colectivu Les otres cares del planeta, nomáu <i>Contra la afonía. Breviario urgente para recuperar el lenguaje robado</i> y coordináu por Carlos Pérez Lera y José Ignacio Fernández del Castro. Apurríen artículos d'opinión, poemes o relatos de dellos términos que fueren camudaos de conteníu pol sistema capitalista dende lo que'l común de los mortales podía entender: comunidá, drechu, futuru, humanidá, utopía... yeren dalgunes d'elles. Pero nun apaecía'l términu "ciudadanía". </div>
<div style="text-align: justify;">
<br /></div>
<div style="text-align: justify;">
¿Qué s'entiende agora por "ciudadanía"? Poca xente sedría quien a definilo y tovía más difícil sedría faer una definición uniforme. Voi intentalo: la ciudadanía ye'l conxuntu de persones que se relaciona coles demás del so entornu nun sistema d'igualdá fundamentáu nos drechos y deberes comunes. Esta definición tien dos connotaciones: una integradotra y otra, segregadora. Fai un conxuntu con toes aquelles persones que compartan drechos y deberes, anque seyan de realidaes sociales diferentes; y los separta de quienes nun los tienen, pesie a compartir realidá social. </div>
<div style="text-align: justify;">
<br /></div>
<div style="text-align: justify;">
Asina que, por un llau, la palabra "ciudadanía", usada nun contestu actual, amiesta diferentes clases sociales (y d'otres consideraciones) que, na mayor parte de los casos, manifiesten sensibilidaes distintes respeuto a temes concretos: el sistema políticu, el sistema económicu, la precariedá llaboral, el sistema educativu, la implantación del albuertu, la presencia de la relixón dientro la vida civil... </div>
<div style="text-align: justify;">
<br /></div>
<div style="text-align: justify;">
Por otru llau, la palabra "ciudadanía" separta a eses persones oxetu de drechu llegal, de les que nun puen faer usu llegal d'esos drechos (como los estranxeros) o los perdieron temporalmente (presos, desahuciaos, manifestantes, miembros de coleutivos illegalizaos...)</div>
<div style="text-align: justify;">
<br /></div>
<div style="text-align: justify;">
Dambes connotaciones tan creyando una comunidá moral, qu'acorta'l radiu d'aición o, direutamente, inmoviliza al individuu, que se siente ciudadanu pa defender les sos llibertaes. Nun pue dir a la contra del estatus de ciudadanía, porque se sal d'ella y dexa de selo. Por exemplu, cuando'l gobiernu apela a la responsabilidá ciudadana énte un disturbiu, naide-y pue rebatir que, n'esti sistema uniformador (que non igualitariu) d'obligaciones, quemar un contenedor ye pior que la Policía use de manera escesiva la violencia na detención d'un manifestante, porque lo primero nun ye llegal y lo segundo, sí. Si se fai, tase fuera de la "ciudadanía", porque se renuncia dafechu a les obligaciones que dan accesu a los drechos.</div>
<div style="text-align: justify;">
<br /></div>
<div style="text-align: justify;">
Esta sensación vese amplificada polos medios de comunicación, qu'usen indiscriminadamente esta palabra como sinónimu de persona, salvo cuando dalguien sal del sistema, que ye un radical, un inmigrante, un desahuciáu, un presu... De tal forma llogren que triunfe la idega, que'l so usu ta establecíu hasta nel discursu de daquelles organizaciones que s'autodeniminen ciudadanes, pesie a que nun lo seyan nin pol orixen de la so militancia, nin polos sos oxetivos de corte antisistémicos.</div>
<div style="text-align: justify;">
<br /></div>
<div style="text-align: justify;">
Yo creo que ye'l momentu de marcar distancies escontra'l discursu oficialista d'un sistema que nun creye na ciudadanía, porque nun permite que los individuos que la formen caltengan les sos llibertaes, xenerando una desigualdá de reaíz económica: los drechos de toos pasen a ser privilexos d'unos pocos, en cuenta de que quien más perres tien, tien más oportunidaes.</div>
<div style="text-align: justify;">
<br /></div>
<div style="text-align: justify;">
Ye'l momentu de volver a apropiase del llinguaxe y reivindicar el usu de palabres concretes como "persona" o "individuo", énte a la maniquea "ciudadanu/a"; o de les comprensibles "pueblu" o "clase" perriba de la ambigua "ciudadanía".</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-51146305199199947182013-12-21T16:58:00.001+01:002013-12-21T16:58:32.972+01:00Albuertu<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEj2QndaYX-K8ymzfZeWQESvfUZn8TgyhA1_XypaXO0Qoj7Wl_ZEREEe3OLm_Gc4MKFB2DYl9Wyzq2T3ZwRyPMGyYsrFCqykcyI7embAj1JZ2xEtChAyX9QjlWdq2cHi-677oxlttxg0-k8/s1600/feto.jpg" imageanchor="1" style="margin-left: 1em; margin-right: 1em;"><img border="0" height="320" src="https://blogger.googleusercontent.com/img/b/R29vZ2xl/AVvXsEj2QndaYX-K8ymzfZeWQESvfUZn8TgyhA1_XypaXO0Qoj7Wl_ZEREEe3OLm_Gc4MKFB2DYl9Wyzq2T3ZwRyPMGyYsrFCqykcyI7embAj1JZ2xEtChAyX9QjlWdq2cHi-677oxlttxg0-k8/s320/feto.jpg" width="230" /></a></div>
<div style="text-align: justify;">
<br /></div>
<div style="text-align: justify;">
Ayer, vienres 20 d'avientu de 2013, el Gobiernu del Estáu decidió aprobar una reforma de la llei del albuertu. A partir d'esti momentu, n'España les muyeres solo van poder interrumpir el so embarazu si cumplen dalguna de les dos premises permitíes: "si ye necesariu por esistir grave peligru pa la vida o la salú física o psíquica de la muyer" o que "l'embarazu seya consecuencia d'un fechu
constitutivu d'un delitu contra la llibertá sesual de la muyer". </div>
<div style="text-align: justify;">
<br /></div>
<div style="text-align: justify;">
Esti plantegamientu fai retroceder la situación al añu 1985, cuando la primer llei del albuertu permitíalu en casu de graves malformaciones del fetu. Y dexala a años lluz de la llei de 2010, cuando s'almitía la interrupción llibre del embarazu hasta les primeres 14 selmanes y hasta les 22, en casu de graves malformaciones del fetu o peligru pa la salú de la muyer.</div>
<div style="text-align: justify;">
<br /></div>
<div style="text-align: justify;">
Precisamente nel añu 2010, cuando salió la última llei en vixencia hasta ayer, púnxeme a redactar una entrada pa esti blogue que, finalmente, nun fui quien a completar. Pesie a que, al andar a la gueta d'argumentación a favor y en contra dende puntos de vista históricos, relixosos (nun solo católicos, evidentemente), morales y filosóficos y toes llevaronme a pensar que l'abortu ye dalgo horrible, indeseyable, espantoso. Tengo que dicir que me quedé cola sensación de ser afortunáu por nunca nun tener que veme nel trance de decidir si albortar o non. Yera tan grave l'asuntu que preferí nun espublizar ná. De toes formes, aquella lleí presumíala xusta pa quien de verdá sí tenía que decidir: la muyer embarazada.</div>
<div style="text-align: justify;">
<br /></div>
<div style="text-align: justify;">
Y solo la muyer embarazada. Porque ye esa muyer la que se pue ver cola vida cambiada nunos meses ensin qu'ella lo tuviere decidío; quien cuerre con tola responsabilidá de la estabilidá física, emocional, económica y familiar respeutu al futurible neñu; y quien va tener que faer frente a una sociedá que nun siempre atiende a razones. Ye ella la única que tien que llevar dientru un ser en formación y decidir pol so futuru. Namái qu'ella.</div>
<div style="text-align: justify;">
<br /></div>
<div style="text-align: justify;">
Porque, cuando surde esti debate, pónense na mesma bañanza los drechos del non-natu y la situación d'una muyer, ensin valorar malpenes que la realidá d'una muyer pasa por plantegase la maternidá y que solo si esa decisión se fai en llibertá ye un drechu. Una muyer qu'ha de vese madre por obligación, paga una conderga. Y eso, ye inxusto. </div>
<div style="text-align: justify;">
<br /></div>
<div style="text-align: justify;">
Anque tamién lo ye que muerra un inocente, tamién. Pueo entender dalgunes postures de los coleutivos pro-vida, que
defienden el drechu a la vida del fetu por enriba del de la madre. Pero
les sos postures han quedar solamente nel ámbitu priváu. Énte una madre
que nun quiera albortar poniéndose en peligru ella mesma, solo pueo
deseya-y que reciba tol sofitu que necesite pa la so empresa y que tenga
ésitu. Pero nun voi poder entender que lo tenga que faer forzada por
naide que nun seya ella mesma. Tovía más, por una llexislación que-y
niega la so llibertá como muyer. Asina que siempre antepondré'l drechu a decidir de la madre sobre'l so cuerpu al drechu a la esistencia d'un non-natu. </div>
<div style="text-align: justify;">
<br /></div>
<div style="text-align: justify;">
Poro,
entiendo como un drechu, (anque nun lu recueya esplícitamente dengún país, espero que pronto lo faiga), la voluntá d'una madre pa
decidir sobre'l so futuru y el de la criatura que lleva dientro, ensin
que naide faiga puxu escontra esa voluntá. Y, en tolos casos d'esa
suposición, habrá tener la madre la mayor proteición por parte la
sociedá, facilitándo-y la toma de decisión y ufriéndo-y les condiciones
necesaries pa que consiga, de la forma más ventayosa, el so propósitu:
tanto si quier continuar col embarazu, apurriéndo-y los medios médicos y
sanitarios, económicos, llaborales y sociales pa qu'el fetu evolucione
con éxitu y ella calténgase saludable; como si quier interrumpilu, pa que nun ponga en peligru la so vida, pa que supere'l trance físicu y psicolóxicu y pa que nun seya xuzgada pola so comunidá.</div>
<div style="text-align: justify;">
</div>
<div style="text-align: justify;">
Anguaño ábrese una situación onde les muyeres acaben de ver amenorgaes les sos llexítimes reivindicaciones d'igualdá (que solo pue ser entendida como equivalencia en'oportunidaes pa esfrutar de los drechos, non que tolos individuos seyan uniformaos): les muyeres son persones de segunda categoría n'España, porque nun tienen la potestá de decidir qué faer col so cuerpu. Toa una violación institucional, qu'obliga a les muyeres a parir. Una situación que bien podía ser recoyía como un fechu
constitutivu d'un delitu contra la llibertá sesual de la muyer.<br /><br />Pero amás, y d'una forma más urxente (ensin quitar un rispiu de la urxencia que tien la pérdida tanxible de drechos), ábrase una situación de peligru sanitariu al tratar de tapar con un marcu d'illegalidá, una realidá social como ye l'abuertu. Solo espero que nun muerra denguna muyer por interrumpir el so embarazu nuna situación antihixenica o por carencia de los medios necesarios. Que quede na conciencia, yá que la llexislación los exonera, d'aquellos que promovieron y aprobaron esta llei.</div>
<div style="text-align: justify;">
<br /></div>
<div style="text-align: justify;">
Mientres, les muyeres tendrán que siguir plantegándose si albortar o non, por temor a les consecuencies penales. Como si esi fechu nun carretara bien de torgues, de penalidaes y d'inxusticies.</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-50780080194599289882013-09-10T17:51:00.003+02:002013-09-10T19:08:05.198+02:00Pola soberanía y el cambiu social: los idus de setiembre<div style="text-align: justify;">
<br />
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEjh6vtVwwrN2Fo2IeRwro2MstVHS7Bf92iSq1zmbg5iHAmYJGPTNHI7znvgJDR0qK_golxgn1c-HPoLQQ3ddIpt7WgI5cMREFWA0G7Z8UevluXt-H9kSQctUm71J2G4do8bPqubUIOW1Ag/s1600/asturiesdecide.png" imageanchor="1" style="margin-left: 1em; margin-right: 1em;"><img border="0" height="220" src="https://blogger.googleusercontent.com/img/b/R29vZ2xl/AVvXsEjh6vtVwwrN2Fo2IeRwro2MstVHS7Bf92iSq1zmbg5iHAmYJGPTNHI7znvgJDR0qK_golxgn1c-HPoLQQ3ddIpt7WgI5cMREFWA0G7Z8UevluXt-H9kSQctUm71J2G4do8bPqubUIOW1Ag/s320/asturiesdecide.png" width="320" /></a></div>
<br />
<blockquote class="tr_bq">
<i>La Roma sobre la cual edificare la mio vida nun esiste en sí mesma, menos como aglomeración d'edificios más o menos grandes, de ciudadanos más o menos industriosos que los d'otra ciudá. La inundación o la necedá, el fueu y la llocura, puen destruyila en cualisquier momentu. Yo mesmu caciplo que toi atáu a ella por herencia y crianza, pero tales llazos nun tienen más significáu que la barba qu'afeito del mi rostru. El Senáu y los cónsules llamáronme a defendela; tamién Vercingétorix defendió les Galies. Non, Roma llegó a ser una ciudá pa min solo en cuantes quise, como munchos lo ficieren enantes que yo, da-y un sintíu, y Roma pue esistir pa min solo hasta onde y diere forma na mi idega. Agora veo que por años creyí puerilmente qu'amaba Roma y que yera'l mio deber amar Roma porque yera romanu..., como si fuera posible o dignu de respetu amar acumulaciones de piedres y multitúes d'homes y muyeres. Nun tamos en relación con ná hasta que nun lo envolvemos nún significáu, nin sabemos de cierto qué ye esi significáu hasta que trabayamos con esfuerciu pa imprimilu so l'oxetu.</i></blockquote>
Esti párrafu apaez na obra "Los idus de marzo" del autor norteamericanu Thornton Wilder, que describe de forma epistolar los últimos meses de la vida y el gobiernu de Xuliu César, y trátase d'una parte del <i>Diariu-carta de César a Luciu Mamiliu Turrinu, na islla de Capri</i>, una de les munches obres apócrifes coles que trabaya l'autor pa dar forma a la so novela.<br />
<br />
Esta fue una de les mios llectures braniegues y, fuera coincidencia o non, esti párrafu llegó a los mios güeyos el día 8 setiembre pela nueche, día de la conmemoración relixosa de la Virxen de Cuadonga y de la fiesta institucional del Día d'Asturies. Pero, tamién, y por primer vez en munchu tiempu, día d'averamientu de los partíos ya organizaciones soberanistes d'izquierda d'Asturies, que cellebraron una manifestación peles cais de Xixón so'l nome de "Asturies decide", xunto con dellos partios y sindicatos anticapitalistes. Esti eventu fue noticiáu de refilón polos medios de comunicación tradicionales d'Asturies, llegando, en dalgunos casos, a tracamundiar el conceutu "soberanismu" col de "nacionalismu". Y si bien, como me dixeron dalgunes persones al rodiu, hasta dientro d'esti movimientu asturianista estos conceutos nun tan suficientemente esclariaos, nun son nin muncho menos lo mesmo. Por eso traigo estes llinies que Wilder pon en manes de César, porque val de referencia p'alcontrar la diferencia ente dambes. <br />
<br />
De la qu'estudiaba, dende esa conceición materialista histórica que lo desplica too dende un reduccionismu ablucante, definíase al nacionalismu dende una vertiente solo entendible dende'l sentimentalismu. Cribando interesadamente les influyencies revolucionaries franceses, desnudábase al nacionalismu del componente racional que-y surdía de la voluntá de los individuos al asociase en pueblos, pa quedar solo nun marafundiu d'artificios románticos, que cualisquier razonamientu lóxicu yera capaz de baltar. El patriotismu, la historia, el padremoñu o la cultura nun yeren finxos suficientes pa caltener la cohesión nacional, dalgo absurdo cuando la oposición nun s'alcuentra entre unos pueblos y otros, sinón ente unes clases y otres.<br />
<br />
Pero a min chocábame, dempués de sintir a los mios profesores (y a otros eruditos, docentes o non, de l'Asturies de finales del sieglu pasáu) falar nestos términos, velos ablucase polos males d'España (fuere del réximen que fuere). Como si aquella nun fuere una artificiosa nación sofitada nos pegoyos del patriotismu, la historia, el padremoñu y la cultura, ensin un intentu dalu de tamizalos nel filtru la razón, que la frañaría. Si'l nacionalismu nun podía furrular pa unes realidaes, tampoco pa les otres. O nun se yera coherente. O, simplemente, nin siquiera se facía por atendeles, por miéu a cayer nel etnocidiu teóricu qu'amosaba Gustavo Bueno na so <i>España frente a Europa</i>, onde unes realidaes "buenes" habían acaparar l'espaciu d'otres realidaes "males". Lo natural yera la nación española y el materialismu históricu de la Universidá d'Uviéu asina lu llexitimaba, dalgo que s'espeyaba nel restu la sociedá asturiana y que llegó hasta los nuestros díes, ufriendo la idega de que nun esiste'l nacionalismu español y que cualisquier otra espresión identitaria ye negativa, impositiva y perxudicial. (Esi criteriu uniformador y aculturizante, fai que nun me choque la identificación ente los conceutos "soberanismu" y "nacionalismu")<br />
<br />
Durante dellos años, traté de confrontar el mio sentimientu asturianista, sofitaáu nos símbolos que me llevaben a ver que la realidá de la mio tierra ye, nun ya diferente, sinón mui estremada, a les realidaes d'al rodiu y a la española, en particular, con esos principios racionalizantes que la esfoyaben de fundamentos (como al restu de les realidaes, anque nun s'aplicaren más que pa dalgunos), p'alcontrar unos finxos que me llevaren a desplicar la mio realidá d'una forma universal. Pero viendo que yo nin vivo en Nueva York, nin en Papúa, nin en Chiclana, llegué a la conclusión de que nin el propiu materialismu históricu se permite la pérdida total d'esti relativismu "nacional" (por nomalu de dalguna forma averada a la mio idega). Y alcontré nel conceutu de "soberanismu" una solución práutica a esa confrontación.<br />
<br />
De forma mui similar a lo que s'espón nel párrafu cabeceru, la mio implicación pa con Asturies nun me la da'l llugar onde nací (la necencia), nin l'apegu pola so cultura propia (la crianza), nin l'amor patrióticu (el deber amar), nin la sensibilidá polos sos símbolos (la herencia), porque'l restu países tamién tienen los mesmos aspeutos onde poder atopase (salvo'l nacimientu, anque siempre pensé qu'esi sucesu ye una imposición y non una suerte); sinón que procede del conocimientu de la so realidá social actual, establecida por causes xeográfiques (situación, orografía, clima, númberu d'habitantes...), que desendolcaron nunes históriques (relaición col poder, relixón, movimientu obreru...) y culturales (llingua, Arte, folclor, poblamientu, vezos...). Una realidá social formada por problemes específicos (esto ye, que inciden d'una mena particular na sociedá asturiana, que nun ta aisllada del restu), qu'alcuentren dificil salida en soluciones que vienen dende afuera (lo que nun significa qu'heban desaniciase pol so orixen).<br />
<br />
La soberanía nun ye otra cosa qu'emponderación del individuu: faese consciente de la realidá onde vive y trabayar por solucionar los sos problemes particulares pola so mano. Lo que diz César "<i>Nun tamos en relación con ná hasta que nun lo envolvemos nún
significáu, nin sabemos de cierto qué ye esi significáu hasta que
trabayamos con esfuerciu pa imprimilu so l'oxetu</i>".<br />
<br />
Dientro d'esta soberanía nun faen falta símbolos históricos qu'espeyen un momentu gloriosu que fue, o culturales o relixosos a onde dirixise si dalgún s'alcuentra perdíu nel camín, porque se cuenta col raigón inmediatu de la realidá onde se vive, sitiu onde estos <i>ítems</i> tienen sintíu por sí mesmos. (Asina, la llingua asturiana nun habría guardase pa que nun s'escaeciera lo que facíen los güelos o como forma d'autoafirmación y bien cultural, sinón qu'habría respetase como drechu llexítimu de quien la quier usar; asina, les parroquies rurales nun han vese protexíes por ser una forma de gobiernu tradicional, sinón enllenes de competencies por tratase de la forma de xestión comunal más averada al individuu) Supérase esi conceutu "sentimental" de la simboloxía grupal de les coses col qu'el materialismu definía'l movimientu nacionalista, pa que l'enfotu recaiga nel grupu social, onde entra, voluntaria y emponderadamente, l'individuu.<br />
<br />
Como consecuencia, el soberanismu nun ye solo algamar una independencia política pa un pueblu, sinón que
tien como oxetivu la creyación d'una sociedá igualitaria, o nun ye
soberanismu. L'emponderamientu ye pal individuu que s'alcuentra dientro
la sociedá y comprometíu cola mesma, non pa un ente abstractu que caltenga desigualdaes
socioeconómiques similares a les esistentes enantes.<br />
<br />
Nun voi estendeme más. Esta idega de mío del soberanismu como emponderamientu del individuu nuna realidá social tien, evidentemente, múltiples estayes, porque afeuta a tol ámbitu social. Nun voi entrar n'elles equí, porque solo quería dar un apunte que permitiere acolumbrar la diferencia ente "nacionalismu" y "soberanismu".<br />
<br />
La xunión del movimientu políticu soberanista asturianu l'8 de setiembre en Xixón col eventu "Asturies decide" fue ún de los primeros pasos na gueta d'esa soberanía. Yo fui al mesmu, a títulu personal y ensin sofitar a dengún convocante, pesie a lo cual vime identificáu nel cartafueyu final. Y fui dándo-y esi significáu d'escomenzar a edificar una Asturies que llegue a ser dalgo más qu'una aglomeración d'edificios más o menos grandes, de ciudadanos más o menos industriosos que los d'otru país. Una Asturies soberana.</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-42023398570836653072013-07-04T18:40:00.000+02:002013-07-04T18:40:02.516+02:00La revolución exipcia<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEiN1hr3Abeq5poi6TshWaQVA75jzZQQjcQspZ8qig6w1Vb_3PbyWS9bn8zVhifOy3qw0hTYL8ae8VNx3ZQLbAxVjnxnMrjS8DaAaOOGdNQLC017Y44z-qApP1PQld56h2txTdQJGkjhqMU/s600/tahrir.jpg" imageanchor="1" style="margin-left: 1em; margin-right: 1em;"><img border="0" height="212" src="https://blogger.googleusercontent.com/img/b/R29vZ2xl/AVvXsEiN1hr3Abeq5poi6TshWaQVA75jzZQQjcQspZ8qig6w1Vb_3PbyWS9bn8zVhifOy3qw0hTYL8ae8VNx3ZQLbAxVjnxnMrjS8DaAaOOGdNQLC017Y44z-qApP1PQld56h2txTdQJGkjhqMU/s320/tahrir.jpg" width="320" /></a></div>
<div style="text-align: justify;">
<br /></div>
<div style="text-align: justify;">
Nel contestu de les nomaes "Primaveres árabes" del añu 2011, Exiptu entamó un procesu remozador del sistema políticu que llevaba imperando dende la so independencia como protectoráu británicu y en sostitución del reinu: una república presidencialista consistente nel gobiernu d'un personaxe laicu toopoderosu sofitáu nel poder militar. Primero Nasser, dempués el-Sadat y, finalmente, Mubarak. Cola fin d'esti réximen, dióse pasu a un procesu democratizador, col oxetivu de qu'el pueblu, que se soblevara, algamara'l poder. El resultáu fue un proyeutu constituyente tuteláu pol exércitu y unes elecciones que dieron el poder a los Hermanos Musulmanes y la presidencia del gobiernu a Mohammed Morsi, el 24 de xunu de 2012. Un añu dempués, la xente volvió a salir a les cais a protestar pola situación social, económica y política pa pidir cambios al gobiernu, que permaneció inmóvil hasta que l'exércitu dio un golpe d'Estáu apoyando al pueblu, destituyendo a Morsi y nomando un nuevu gobiernu transitoriu.</div>
<div style="text-align: justify;">
<br /></div>
<div style="text-align: justify;">
Más o menos, estos son los fechos que tán trescendiendo dende los medios de prensa y que quedarán nos llibros d'Historia. Les interpretaciones van dende aquellos qu'entienden que los güelpes d'Estáu militares son siempre malos, ensin parase a analizar les circunstancies que los motiven nin a quiénes apoyen, a aquellos que ven con buenos güeyos quitar el poder a tou tipu de grupu islamista pol peligru que pue suponer pa Occidente, pasando polos que ven la mano d'Estaos Xuníos detrás o los que tan ateorizaos porque una revolución popular puea finar col <i>status quo</i> democráticu del so estáu. Pero son necesaries delles esclariaciones.</div>
<div style="text-align: justify;">
<br /></div>
<div style="text-align: justify;">
La primera ye que la situación d'Exiptu ye bien diferente a la del restu países de la redolada. Ye'l país árabe más pobláu ya influyente del mundu, controla l'importantísimu pasu estratéxicu del Canal de Suez y ye ún de los más importantes aliaos d'Occidente, siendo'l segundu estáu más financiáu polos Estaos Xuníos y la OTAN, dempués d'Israel, tanto con Mubarak como hasta agora con Morsi. En ná nun se parez a Túnez, nin a Siria.</div>
<div style="text-align: justify;">
<br /></div>
<div style="text-align: justify;">
La segunda ye la importancia del exércitu. Mursi fue'l primer gobernante desvinculáu del exércitu en tola hestoria d'exiptu, dende los faraones. L'exércitu exipciu ye ún de los principales axentes económicos del estáu, llegando los sos negocios dende'l sector industrial al comercial, pasando pol turismu y, sobre too, pol Canal de Suez. Esto vien de la dómina de Nasser, que xeneró una oligarquía propicia pa de so nel exércitu, sostituyendo la foriata d'época colonial que caltenía'l rei Faruk. Pero, amás, ye qu'esti exercitu, a diferencia d'otros de la rexón, ye un cuerpu mui competente, capaz de derrotar al d'Israel y faer frente a los apoyos americanos d'esti. Y, asina, el pueblu exipciu consideró siempre como garante nacional al exércitu y ye l'estamentu más respetáu, por encima del relixosu.</div>
<div style="text-align: justify;">
<br /></div>
<div style="text-align: justify;">
La tercera ye la realidá funcional de la Constitución que s'aprobó l'añu pasáu. A semeyanza de les occidentales, volvía a cayese nel erru de consultar al pueblu solo cada cuatro años. Lo que pue ser visto como un avance respeutu al réximen de Mubarak, que nunca nun consultaba, en realidá dexaba al pueblu indefensu pa col gobiernu, de nuevu presidencialista, con un poder llexislativu mui reducíu y casi ensin capacidá de vetu y un poder xudicial dependiente de les recomendaciones presidenciales. Yera una auténtica oportunidá pa quienes fueren los gobernantes, y estos fueron, lóxicamente, los Hermanos Musulmanes.</div>
<div style="text-align: justify;">
<br /></div>
<div style="text-align: justify;">
Digo lóxicamente y desplícolo nesta cuarta estaya. Los Hermanos Musulmanes son un grupu de presión política de más d'ochenta años (fundaos en 1928), creyaos cuando s'estaba franciendo l'Imperiu Otomanu pa dar una alternativa republicana y popular al reinu/protectoráu. Ye un grupu islamista moderáu, republicanu, económicamente defensor del lliberalismu y, sobre too, socialmente queríu pol so trabayu asociativu y de caridá nos barrios probes del país mientres tou esti tiempu. Cuando españó la "Primavera árabe", fueron los cabezaleros de les protestes nes cais. Y nel momentu de les elecciones yeren la única formación política sólida. Y ganó. Ye verdá que por muncho menos de los que s'esperaba (solo un 35% de los votos). Pero ganó. Y, col apoyu los salafistes (que se desmarcaríen bien llueu), colocaron a Morsi de presidente.</div>
<div style="text-align: justify;">
</div>
<div style="text-align: justify;">
Con estes consideraciones, hai qu'añadir coses nueves al resumen d'enriba. Dicía que Morsi yera escoyíu presidente. Pero'l poder quedaba en manes de Mohamed Badie, el líder supremu de la organización. El Parlamentu perdía les sos prerrogatives y estes pasaben a los cuarteles xenerales rexonales de los Hermanos Musulmanes, que fueron acumulando'l poder civil gracies a los nomamientos del gobiernu central, dirixíu por Badie. Taba pasándose d'un réximen domináu polos homes de Mubarak a talo polos Hermanos Musulmanes. Y l'exércitu viera que diba perder influyencia cuando Morsi trató de sostituyir les gobernaciones (les divisiones territoriales d'Exiptu) militares por otres civiles, contralaes pol gobiernu y, poro, polos Hermanos Musulmanes. </div>
<div style="text-align: justify;">
<br /></div>
<div style="text-align: justify;">
Que naide se lleve a engañu: l'exércitu derrocó'l gobiernu de Morsi por caltener el so <i>lobby</i> económicu y la so influyencia social, non porque esti fuera islamista o porque les sos polítiques económiques y sociales fueren un desastre total. Esperó a tener el sofitu del pueblu pa siguir siendo'l so abanderáu, l'ánima del Exiptu modernu y caltener el so poder na solombra. Pero, polo tanto, tamién ye verdá que tuvo al lláu del pueblu y lu defendió cuando esti lu necesitó. (Esto ye lo que pon los pelos de punta a más d'ún equí: qu'el pueblu se rebele y l'exércitu lu apoye, en vez de tirar pol más fuerte, como casi siempre na Historia d'España. Que non, por cierto, en Portugal)</div>
<div style="text-align: justify;">
<br /></div>
<div style="text-align: justify;">
El pueblu revelóse por otros motivos diferentes a los del exércitu. Fízolo énte un gobiernu llexitimáu poles urnes, sí, pero que nin cumplía les sos promeses electorales nin atendía a la Constitución p'actuar. La situación de drechos sociales calteníase igual a cuando Mubarak, porque la Constitución yera solo un papel moyáu. Pero, a diferencia d'aquella dómina, la situación económica yera tarrecible. Los Hermanos Musulmanes nun podíen caltener les sovenciones a les instituciones de caridá porque estes yeren incompatibles coles ayudes económiques que recibía de los Estaos Xuníos (recordái qu'Exiptu ye'l segundu país que más ayudes recibe d'ellos) pa la macro-economía: el dineru, como siempre, tenía que dir pa los ricos. Pero cola inestabilidá política, la deconfianza de la oligarquía empresarial anterior nel nuevu gobiernu y el recelu de los militares, la economía nun despegaba. El desempléu creció y los probes y les clases medies que sofitaben a los Hermanos Musulmanes aprobecieron índa más. Incluso surdieron voces que pidíen que volviera Mubarak. Que la xente saliere a la cai a pedir polos sos drechos y, nesta ocasión tamién, por trabayu y comida, nun se fizo esperar: un añu.</div>
<div style="text-align: justify;">
<br /></div>
<div style="text-align: justify;">
Pero, quiciabes, el principal error de los Hermanos Musulmanes fue l'afán de notoriedá. Quisieron ser los protagonistes del procesu de cambiu y écharonse a les espaldes tol trabayu, ensin compartir responsabilidaes con dengún otru partíu o sector social. Arrequexaron a los salafistes, amenorgaron a los militares y escaecieron a los poderes llexislativu y xudicial. Cuando escomenzaron les protestes, nun quisieron escuchar al pueblu que yera la so base. Y, testerones, quemáronse nel so fueu. Yo toi seguru que, d'haber abierto la mano Mohamed Badie, taríamos falando d'otros asuntos.</div>
<div style="text-align: justify;">
<br /></div>
<div style="text-align: justify;">
Pa concluyir, prestaríame falar de les reacciones a esti procesu.</div>
<div style="text-align: justify;">
<br /></div>
<div style="text-align: justify;">
La prensa en conxunto falaba de güelpe d'Estáu. <a href="http://www.rtve.es/alacarta/videos/la-noche-en-24-horas/noche-24-horas-03-07-13/1913927/">Ayer vía l'especial fechu pol canal 24 horas de TVE al respeuto</a>. Dos excelentes especialistes (Haizam Amirah Fernández, del Instituto El Cano, y el codirector del Instituto de Estudios de Conflictos y Ayuda Humanitaria, Jesús Núñez) desplicaben la situación fonderamente ya intentaben lidiar con una reciella analistes que nun s'enteraben d'úna, incapaces de camudar el chip. Ún, dempués de que se falare del acaparamientu del poder en manes de los Hermanos Musulmanes dicía: "Si el pueblu los escoyó nes urnes, qu'esperen cuatro años y voten por otros". Miéu, comu dicía enantes, a que se reproduzca equí (dalgo qu'anguaño ye imposible).</div>
<div style="text-align: justify;">
<br /></div>
<div style="text-align: justify;">
Los países occidentales tovía nun tuvieron la osadía de les sos prenses y callen la boca. Piden que s'abra un procesu democráticu cuanto enantes meyor, pero nun xuzguen nin critiquen l'acción militar/popular. Y taben buenos pa falar dempués de lo que ta pasando en Siria, onde, por cierto, l'exércitu sofita al gobiernu y ataca'l pueblu.</div>
<div style="text-align: justify;">
<br /></div>
<div style="text-align: justify;">
Y, por último, falar de la reacción del rei Abdalá d'Arabia Saudí que, dende la so quintana particular de dos millones de kilómetros cuadraos, saludó con allegría al nuevu réximen exipciu. Van dir tolos demás países por esi caleyu porque poco importa'l pueblu mientras haya un collaciu al frente (como'l rei Abdalá), poco importa la democracia (n'Arabia hai casi 30 millones de siervos) mientres el Canal de Suez siga abiertu y poco importa l'islamismu (como'l saudí) mientres haya estabilidá na zona.</div>
<div style="text-align: justify;">
<br /></div>
<div style="text-align: justify;">
Espero qu'a los exipcios-yos salga bien la so revolución.</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-20784946593897051412013-05-31T20:04:00.002+02:002013-05-31T20:10:23.351+02:00Los caballeros<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEhAxVBAiXtb10D6__M-m9_cxImX0QDPuLi3yR9VxXA2LPt8K-ebITX93UtE1kxEmKgwD-ldl2IAQJ-MeiwM4A3qNri64X9COi8hTDQ9IADSPJH7x-xR-2LvmFWofTvXwslsaKu8cHAt7rw/s1600/Aristofanes.jpg" imageanchor="1" style="margin-left: auto; margin-right: auto;"><img border="0" height="192" src="https://blogger.googleusercontent.com/img/b/R29vZ2xl/AVvXsEhAxVBAiXtb10D6__M-m9_cxImX0QDPuLi3yR9VxXA2LPt8K-ebITX93UtE1kxEmKgwD-ldl2IAQJ-MeiwM4A3qNri64X9COi8hTDQ9IADSPJH7x-xR-2LvmFWofTvXwslsaKu8cHAt7rw/s320/Aristofanes.jpg" width="320" /></a></td></tr>
<tr><td class="tr-caption" style="text-align: center;">Aristófanes</td></tr>
</tbody></table>
<div style="text-align: justify;">
Tuviera viendo va un par de selmanes la versión de Teatro Kumen de La Felguera de <i>Les troyanes</i>, d'Eurípides, y dióme por repasar clásicos griegos. En seguidina pasé al mio favoritu Aristófanes, el másimu esponente del xéneru cómicu y satíricu del teatru clásicu. Asina que fui a una biblioteca y garré un volumen, estudiu de Carlos García Grual, con tres de les sos obres: <i>Los acarnienses</i>, <i>Los caballeros</i> y <i>Les xaronques</i>. </div>
<div style="text-align: justify;">
<br /></div>
<div style="text-align: justify;">
La primera ye una sátira pacifista escontra la guerra del Peloponeso; la tercera, mui posterior, la visión personal del autor de les personalidaes d'Eurípides y Sófocles, muertos l'añu anterior, nuna puxa nel infiernu ente dambos (Sófocles representáu pol gran Esquilo). Pero voi quedame cola segunda, n'orden y n'edá.</div>
<div style="text-align: justify;">
<br /></div>
<div style="text-align: justify;">
<i>Los caballeros </i>representóse nes fiestes Leneas del añu 424 a.C. y yera un nuevu ataque escénicu contra los demagogos y los excesos de los qu'usaben el populismu pa monopolizar los altos cargos, dexando nun segundu términu les decisiones del pueblu, col oxetivu d'enriquecese y perpetuase nel poder. <br /><br />
La figura de Cleón, un curtidor veníu a más, que se fizo col poder de la polis ateniense gracies al oportunismu (vendióse como xeneral vencedor énte los lacedemonios, cuando fuera Clistenes quien algamara la victoria) y el nepotismu (subió l'aportación a los asambleístes d'ún óbolu a tres), sufre toa una serie d'ataques d'un vendedor de chorizos, qu'acabará por consiguir l'apreciu del Coru de caballeros (la segunda clase social d'Atenes) y del vieyu Demos (Pueblu) al algamar una tregua que beneficiará a tolos ciudadanos. <br /><br />
La obra gozó de gran ésitu ente'l públicu y demostró, una vuelta más, la valentía d'un Aristófanes que, con un llinguax enllenu zafiedaes y xuegos léxicos, conseguía que los ciudadanos s'identificaren colos sos presupuestos.</div>
<div style="text-align: justify;">
<br /></div>
<div style="text-align: justify;">
Préstame abondo estos dos párrafos del Coru de caballeros. Que quiciás, pa tener 2.438 años, tienen muncha actualidá:</div>
<div style="text-align: justify;">
</div>
<blockquote class="tr_bq">
<div style="text-align: justify;">
"<i>Fiere, fiere a esi canalla enemigu de los caballeros, recaudador ensin conciencia, abilsu de perversidá, mina de lladronicios, y canalla y cien vegaes canalla; y siempre canalla, nunca nun me cansaré de dici-ylo; pues yelo más ca día. Pero solmena-y, síguelu, xíngalu, espulsa a esi bribón; arreniega d'elli como nós y escórrelu glayando. Cuida que nun se t'escabulla; mira que conoz los caminos per onde Éucrates escapóse del salváu.</i>"</div>
<br />
<div style="text-align: justify;">
"<i>Y sóbramos la razón, porque tu apodéreste de los bienes de toos y gástelos enantes de que seyan repartíos; y dempués tantigües y primes a quien han dar les cuentes, como se tantigua un figu pa ver si ta verde o maduru; y cuando ves a dalgún de calter débil y pacíficu, fáeslu vinir del Quersoneso, gárreslu con fuercia de la cintura, éches-y los brazos al gargüelu, faes que zarapique y, dempués de tiralu al suelu, tráguestelo too d'un bocáu namás. Tu siempres tas esperando sollerte a los ciudadanos cenciellos y mansos como oveyes, honraos y enemigos de pleitos.</i>" </div>
</blockquote>
¡2.438 años! Y la democracia sigue colos mesmos vicios.<br />
<br />elCuenteristahttp://www.blogger.com/profile/01649976022172502019noreply@blogger.com1tag:blogger.com,1999:blog-8866949584271405204.post-66590046468454203772013-03-30T18:02:00.003+01:002013-03-30T18:03:25.605+01:00L'escrache<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEinBFJdxTXb3tDGc8c3Vh98NokXEt5VFIC0lz4xm6wbe1spGzWbFaRH_RD2pYb7BPkJuBb1bYjM0p9wW6YY0RMiPRGX9cWgqZY0o512Nz2Y5q3aiRImSVmCCXxqDYYjlWVQfLchjG_0cM0/s1600/450px-La_pita_de_la_xunta.JPG" imageanchor="1" style="margin-left: 1em; margin-right: 1em;"><img border="0" height="320" src="https://blogger.googleusercontent.com/img/b/R29vZ2xl/AVvXsEinBFJdxTXb3tDGc8c3Vh98NokXEt5VFIC0lz4xm6wbe1spGzWbFaRH_RD2pYb7BPkJuBb1bYjM0p9wW6YY0RMiPRGX9cWgqZY0o512Nz2Y5q3aiRImSVmCCXxqDYYjlWVQfLchjG_0cM0/s320/450px-La_pita_de_la_xunta.JPG" width="240" /></a></div>
<br />
<br />
<div style="text-align: justify;">
L'escrache ye una forma de protesta civil pola que activistes pro-drechos humanos denuncien en público a persones o coleutivos que los torguen, averándose a los llares particulares o trabayos de los mesmos. La fórmula aniciárase durante los años 90 del pasáu sieglu n'Arxentina, como rempuesta del grupu "Hijos" a la política d'indultos d'altos cargos de la dictadura militar, executada pol presidente Menem. Ente otres aiciones, entamaron parillaes, representaciones teatrales, pegada de carteles y espliegue de pancartes, tirada de güevos y hasta representaciones teatrales.</div>
<br />
<div style="text-align: justify;">
<br /></div>
<div style="text-align: justify;">
Estes últimes selmanes, l'escrache salió a l'actualidá estatal poles aiciones protagonizaes pola Plataforma d'Afectaos pola Hipoteca (PAH), onde siguíen a cargos públicos del Partido Popular peles cais y los esperaben nos domicilios y nes sedes del partíu a que salieren. La PAH acusa esplícitamente a los políticos d'esti partíu de permitir de facto'l desaniciu del drechu a una vivienda digna, favoreciendo los intereses financieros percima de los drechos humanos. </div>
<div style="text-align: justify;">
<br /></div>
<div style="text-align: justify;">
</div>
<div style="text-align: justify;">
</div>
<div style="text-align: justify;">
Como la meyor forma de defendese nun momentu onde los argumentos nun son de pesu, sinón qu'importen más l'escándalu y la repercusión mediática del comentariu, la estratexa'l PP, en boca de la delegada del Gobiernu en Madrid, Cristina Cifuentes, fue comparar a la PAH al movimientu secesionista vascu, averando los escraches a la <i>kale borroka</i>. Esti posicionamientu ye mui común nel PP y siempre-y diera buenos resultaos, polo menos hasta los atentaos del 11-M. Pero ye una auténtica ensinvergonzonería. (Anque de vergoña nel PP, saben poco). </div>
<div style="text-align: justify;">
<br /></div>
<div style="text-align: justify;">
Una de les denunciantes d'esti tipu d'aiciones escontra la so persona fue Carmen Maniega, una diputada a Cortes por Asturies, que dexó constancia na Policía que fuere acosada, ente otres ocaciones, <a href="http://www.rtpa.es/asturias:Carmen-Maniega-denuncia-el-acoso-de-miembros-de-la-Plataforma-de-Afectados-por-la-Hipoteca_111364207302.html">"a la salida de una reunión de Federación Asturiana de Concejos 'al grito de asesina, criminal y sinvergüenza'"</a>. La Plataforma n'Asturies, negábalo. UPyD, defendía a la diputada, solidarizándose con ella. Puntos de vista que falen de por sí respeto a la tema los drechos.</div>
<div style="text-align: justify;">
<br /></div>
<div style="text-align: justify;">
L'escrache nun almite medies tintes: o se ta a favor o se ta en contra. El casu ye que nun ye illegal. Munchos de los qu'anguaño se rasguen les vistidures pidiendo midíes contundentes pa contra esta aición de denuncia de quien persigue los drechos universales, nunca nun se pararon a pensar qu'el famosu cobrador del frac tien la mesma conducta, anque moralmente bien se diferencia del escrache: esti puxa por cobrar unes perres adeudaes y los otros, polos sos drechos.</div>
<div style="text-align: justify;">
Pela mio parte, siempre me paeció xusto que la xente denunciara públicamente a quien ye un mal xestor y se va dir de rosites y, sobre too, a quien, tando nun puestu de responsabilidá pública fai llabor pol espoxigue de privilexos a la escontra de los drechos universales. A la PAH, con estes aiciones, nun-y falten razones (anque dende'l mio puntu de vista, les aiciones
habríen de compartise con más partíos y sectores sociales): les torgues
d'esti sistema capitalista, onde se prima la rentabilidá particular a
los beneficios xenerales y onde un euro en bolsiyu apropiáu val más
qu'una persona de la cai, tan siendo defendíes a ultranza polos partíos
sistémicos, porque n'ello-yos va'l presente y el futuru, y sofitaos por
unos medios de comunicación y un sector financieru qu'esporpollen recios
onde la xente alcuentra llamuergues.</div>
<div style="text-align: justify;">
<br /></div>
<div style="text-align: justify;">
N'Asturies l'escrache nun ye un modelu d'aición nuevu, porque lleva protagonizándolu años la Xunta pola Defensa de la Llingüa Asturiana mediante'l personaxe de "la Pita". Dempués de que la Delegación del Gobiernu n'Asturies-y prohibiera tayantemente protestar a les puertes de la Xunta Xeneral del Principáu escontra les polítques amenorgadores de los drechos de los asturfalantes protagonizaes polos distintos gobiernos socialistes, la imaxinación creyó esti personaxe, que trayía la pita en persona, pero ensin xiblatos. Canta'l grupu Skama la Rede: "Yá llegó la Pita/col déu acusador/p'apuntar al presidente/presidente represor". Esi presidente nun yera otru que Vicente Álvarez Areces.</div>
<div style="text-align: justify;">
</div>
<div style="text-align: justify;">
</div>
<div style="text-align: justify;">
</div>
<div style="text-align: center;">
<br />
<iframe allowfullscreen="" frameborder="0" height="113" src="http://www.youtube.com/embed/b-H_WsDEqlc" width="200"></iframe>
</div>
<div style="text-align: justify;">
<br /></div>
<div style="text-align: justify;">
</div>
<div style="text-align: justify;">
<br /></div>
<div style="text-align: justify;">
A muncha xente socialista, qu'aplaude l'escrache a políticos del Partíu Popular, abluca-y la Pita, hasta la sientes como una payasada. Por embargu, la Pita cumple cola función social de nun dexar que'l somorgamientu los drechos d'una parte la población ye un fechu tovía güei. Igual que la PAH.</div>
<div style="text-align: justify;">
Espero que dambes lluches se superen pronto y la xente tenga la posibilidá d'acceder a una vivienda digno onde esfrutar de la so identidá ensin torgues.</div>
<div style="text-align: justify;">
<br /></div>
<div style="text-align: justify;">
<br /></div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-32150953647674456372013-02-20T23:52:00.000+01:002013-02-21T00:23:41.136+01:00Ambiente a medies nel paraísu.<div style="text-align: justify;">
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEj4fp1AG3LHgmP1irK_U2JQWuaPP0ayMmLsxKPaKMNjd-CZ5IuG8nxhc2LvaCofeW86TapGb6HUdJ3sdS4lA_qGgVyy1LhAz7mnt4DDznUz3qNQskBQqsDvyjVPj9sbr6m9qJIFCi-9qyA/s1600/paraisu.jpg" imageanchor="1" style="margin-left: 1em; margin-right: 1em;"><img border="0" height="105" src="https://blogger.googleusercontent.com/img/b/R29vZ2xl/AVvXsEj4fp1AG3LHgmP1irK_U2JQWuaPP0ayMmLsxKPaKMNjd-CZ5IuG8nxhc2LvaCofeW86TapGb6HUdJ3sdS4lA_qGgVyy1LhAz7mnt4DDznUz3qNQskBQqsDvyjVPj9sbr6m9qJIFCi-9qyA/s400/paraisu.jpg" width="400" /></a></div>
<br />
<br /></div>
<div style="text-align: justify;">
Mui poques vegaes falé de mediu ambiente nesti blogue. Pero nesti comienzu d'añu, fueron desendolcándose delles propuestes y decisiones polítiques que podríen afeutar bien direutamente a Asturies. Diendo a la gueta d'un ameyoramientu enerxéticu, d'una mayor productividá forestal o d'un sistema de xestión de residuos sólidos urbanos, apaecieron tres llinies de polítiques ambientales que, en virtú d'educador mediuambiental que soi, prestaríame desplicar. </div>
<div style="text-align: justify;">
<br />
<b>Fracking.</b> </div>
<div style="text-align: justify;">
<br /></div>
<div style="text-align: justify;">
Trátase d'una téunica que permite la estracción, o'l so ameyoramientu, de gas y petroliu, consistente n'inyectar materiales non sólidos a presión pa francer el sostratu rocosu y permitir una salida más bayurosa del recursu guetáu. Esta téunica, nomada "fracturación hidráulica", nun ye nueva, y bien siendo prauticada n'Estaos Xuníos dende la década de 1860, usando primero nitroglicerina, que fuera sustituyía por ácidos y, finalmente, agua con arena y productos disolventes, siguiendo la fórmula que la compañía Stanolind Oil diseñara a principios de los 50. </div>
<div style="text-align: justify;">
<br /></div>
<div style="text-align: justify;">
El coste mediuambiental d'esti modelu d'esplotación ye mui altu. El gastu d'agua ye tremendu, amás de que los productos que se disuelven n'ella pa algamar una mayor efeutividá, provoquen, direutamente, la xerenación d'agues residuales que conlleven depósitos donde puen évaporase y filtrase metales pesaos ya, n'ocasiones, radiactivos; y, indireutamente, la contaminación d'acuíferos con metano (que llegara a produz esplosiones en cases) y de cloruru de potasiu (que favorez la salinización del agua potable). Por último, señalar l'alteración d'hábitats, xeneralmente naturales, pa la construcción de carreteres, olioductos y plataformes d'estracción.</div>
<div style="text-align: justify;">
<br /></div>
<div style="text-align: justify;">
Subiendo'l preciu del barril de petróleu, desaniciáu dafechu'l carbón
como combustible fósil altamente contaminante (pesie a dellos avances de
captura de CO2, sigue siéndolo) y siendo España un estáu enerxéticamente
dependiente, munchos políticos vieron n'estes téuniques una buena
salida pal futuru. </div>
<div style="text-align: justify;">
<br /></div>
<div style="text-align: justify;">
N'Asturies, la idega surdió dende les files d'UPyD, siguiendo la postura a favor del partíu a nivel estatal. La rempuesta nun tardó y creyóse la Plataforma Asturiana Anti-Fracking, que puxó col sofitu de Conceyu Abiertu y d'Equo Asturias, hasta algamar la aprobación d'una propuesta non de llei d'Izquierda Unida nel Parlamentu asturianu. 43 votos a favor de que, mientres dure la llexislatura, nun s'autoricen estudios de viabilidá d'esplotaciones de fractura hidráulica nel territoriu. Hubo una abstención, la d'UPyD, qu'alegó la inesistencia d'estudios que sofitaren la mala prensa del fracking.</div>
<div style="text-align: justify;">
<br /></div>
<div style="text-align: justify;">
<b>Ocalitos.</b></div>
<div style="text-align: justify;">
<br /></div>
<div style="text-align: justify;">
La selmana pasada, una nueva propuesta de la formación maxenta, a traviés del so únicu diputáu autonómicu, Ignacio Prendes, volvía a poner de manifiestu'l so desconocimientu de la realidá mediuambiental d'Asturies (y apuntaba la d'otres, como'l tipu de poblamientu ya esplotación del suelu autóctonu o l'ecolóxicu). Pretendía llevar p'alantre una propuesta de creyación d'un nuevu catastru forestal col oxetivu primeru, coherente y plausible, d'evitar incendios, y segundu, de favorecer una esplotación d'especies madereres, creyando aries d'influyencia planificada (a semeyanza, dicía, de Navarra, onde la planificación de la esplotación supera'l 40% pol escasu 2% asturianu), abriendo una ventanilla única pa ayudar a los propietarios de terrenos yá esplotaos o ermos anguaño y promoviendo la plantación d'especies de rápidu crecimientu, "eucaliptos y coníferas". <br />
<br />
Lo pior ye qu'el sábadu asoleyóse la noticia de qu'el partíu nel gobiernu, el PSOE, sofitaba la decisión, lo que nun ye nuevo, pero si preocupante. Yá fai dos llexislatures, el gobiernu d'Álvarez Areces quiso impulsar una llei pa la implantación nel territoriu asturianu del ocalitu blancu, especie más resistente n'altura qu'el ocalitu coloráu, qu'invade Asturies anguaño. </div>
<div style="text-align: justify;">
Sí, digo invasión. La Nueva España del martes 19 de febreru, espublizaba la siguiente noticia: "El eucalipto arrasa en Asturias". Y desplicaba: "La especie invasora se ha expandido en una década hasta el nivel previsto para 2053, mientras que los árboles autóctonos perdieron 18.000 hectáreas". Ná menos que 60.311 hectaries de suelu forestal asturianu tan siendo usaes pa la esplotación d'eucaliptu, d'un total de 434.800 ha, casi'l 14%. Solo'l castañu tien más implantación. Ensin embargu, toes estes hectaries tan por embaxu'l llimite de los 800 metros, tope másimu pa la supervivencia de la especie.<br />
<br />
Yo creo que les cifren falen de por sí. UPyD anda desnortáu per Asturies, tratando d'imponer criterios productivos non apropiaos pal territoriu, de la mano d'una FSA que yá va tiempu que lo vien demostrando.</div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
<b>Incineradora.</b></div>
<div style="text-align: justify;">
<br /></div>
<div style="text-align: justify;">
La xestión de residuos ye ún de los primeros problemes del ser humanu dende qu'esiste como especie. Anguaño, la basura empuerca buena parte del planeta y, concretamente les ciudaes, xeneren un volumen tremendu de desperdicios, nomaos residuos sólidos urbanos. <br />
<br />
Como fundamentu pa evitar que la vida se nos enllene de basoria, en tolos colexos d'Europa s'enseña a los escolinos les "3 erres": Reducir, Reutilizar y Reciclar (esiste una cuarta erre, Reparar, mui mal vista nos sistemas capitalistes que cayó nel escaezu gracies a la obsolescencia programada que domina les nuestres vides). La idega ye que, cuanto menos residuu se produzca, meyor; quien nun ensucia, nun tien que llimpiar. Enantes de desechalo, mirar por dai otru usu, ensin camudar la so estructura; un tarru de cristal bien pue usase delles veces pa guardar coses en vez d'usar fiambreres de plásticu. Por último, enantes que desfaese d'ello, ye preferible camudar la so esencia pa aprovechar los materiales que lu formen, lo que ye reciclar. Reciclar ye la pior solución, porque se gasta enerxía nel procesu, pero ye la que gocia de más puxu, porque da perres (direutamente en cuantes al cartón y al papel y gracies a ayudes públiques, respeuto a otros materiales).<br />
<br />
En 1982, creyóse n'Asturies, por asociación d'ocho conceyos col Principáu, el Consorcio para la Gestión de Residuos Sólidos de Asturias (COGERSA) y, dende 1985, escomenzó la esplotación del vertederu central del valle la Zoreda, que captaba y aprovechaba'l biogás producíu pola descomposición de la basoria. Implementaba un programa de recoyía de residuos plategáu na incorporación de contenedores de distintos colores, asitiaos na cai de forma permanente y a la vista, y horarios zarraos, anque dexaba llibertá nestos últimos a los conceyos, sigún el so tamañu y población. L'oxetivu yera finar cola proliferación de vertederos nos soburbios urbanos y el déficit hixénicu ya ecolóxicu que trayíen consigo y concienciar a la xente de la necesidá de nun enllenar la cai de basura, separando los residuos que nun quedama más remediu que tirar. <br />
<br />
Dio los sos frutos. El sistema de recoyía de basures de Xixón fue modélicu y la ciudá rebaxó la cantidá deresiduos sólidos urbanos producíos, amás de calar ente la xente cómo y cuándo había que tirar la bosaria. COGERSA espardió'l so llabor a nuevos planes de xestión de residuos (animales, vexetales, peligrosos, llixeros...) y solucionó el tratamientu de lixiviados. Yera un vertederu modélicu que tolos neños d'Asturies conocíen, gracies a la apertura que supusieron les aules didáutiques pa escolinos. Pero a primeros del sieglu XXI, la política comunitaria en tratamientu de basories camudó pa priorizar la incineración de residuos. Y les autoridaes asturianes, fueron detrás, como perrín sollerte a la voz del amu.</div>
<div style="text-align: justify;">
<br />
Esti sistema, dende'l puntu de vista mediuambiental, ye pior: la quema de la basoria ye indiscriminada porque, anque caltién el sistema de separación, la xente pierde la conciencia de que ta emporquiando, al non ser visible l'acumulación; por otra parte, los residuos nun desapaecen, porque los fumos espárdense incontrolaos y la ceniza, d'alta tóxicidá y que representa alrodiu'l 30% ha ser almacenada, anque non pue ser a la vista; por último, aprovéchase pa creyar enerxía llétrica, lo que supón un plus pa la xeneración de más basoria al necesitar más combustible pa ser más rentable (porque ye un tratamientu munchu más caru).<br />
<br />
La incineradora yá ye una realidá, gracies al Gobiernu socialista del Principáu y a los sos dos socios, UPyD y IU (que s'opuso al primer proyeutu d'una planta grande n'Asturies, pero que nun dixo ná al respeuto), en connivencia del PP y a les tímides protestes de FAC. L'eufemismu pa nomala va ser "Planta de valorización enerxética". Pero los cielos d'Asturies van resintise otra vuelta.</div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
(Nun voi falar de la tema'l tratu cinexéticu del llobu o de la xestión
nefasta del osu pardu. De la marcha p'atrás de la xestión del parque de
Fuentes del Narcea o la esplotación del yacimientu d'oru de Salave,
tampocu. Dexaré pa prau los accidentes mediuambientales que se
produxeron nos sableros de Carreño trés la fuga de galipote de la térmica d'Aboñu, o cola puesta en marcha del Altu Fornu B d'Arcelor en Veriña o
poles fugues de mercuriu d'Asturiana de Zinc n'Avilés. Temes toes elles
suficientes de por sí pa que, nun país civilizáu y decente, dimitieren
los sos dirixentes mediuambientales. Más tovía si esi país llevara presumiendo décades de ser un paraísu natural)</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-85851772004334677572013-02-15T18:55:00.001+01:002013-02-15T18:58:29.224+01:00La llei del embudu<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEjjoes3VmGSRuL0PXdbJvKImbxXxurt9dYOKfykchNXAUsJq4MPl6jrxUf_QpytBj7-SC-G-yPCGPWYS7Z1eWi_YHrFBu0ikbpvOfemGRR2QUhzBrIOka15x-O8V1XjCwAoi7Yy4AR670g/s1600/caciquismu.jpg" imageanchor="1" style="margin-left: 1em; margin-right: 1em;"><img border="0" height="400" src="https://blogger.googleusercontent.com/img/b/R29vZ2xl/AVvXsEjjoes3VmGSRuL0PXdbJvKImbxXxurt9dYOKfykchNXAUsJq4MPl6jrxUf_QpytBj7-SC-G-yPCGPWYS7Z1eWi_YHrFBu0ikbpvOfemGRR2QUhzBrIOka15x-O8V1XjCwAoi7Yy4AR670g/s400/caciquismu.jpg" width="300" /></a></div>
<div style="text-align: justify;">
<br />
Recién salidino del conseyu ministros, como si d'ún de los meteoritos qu'amenacen con cayer o, direutamente, cayen sobre nos, surde un nuevu recorte de los drechos civiles nel Estáu español. Lo malo ye qu'esti recorte va ser bien recibíu por una plebe ciudadana que, cual ciudadanu llatín de la dómina romana, piensa que tovía tien nes manes el destin del imperiu.</div>
<div style="text-align: justify;">
<br /></div>
<div style="text-align: justify;">
Trátase d'una reforma de les instituciones alministratives municipales onde, por un lláu, se llenden de competencies y, por otru, s'estipula la remuneración de los ediles.</div>
<div style="text-align: justify;">
<br /></div>
<div style="text-align: justify;">
Anque tovía nun conozco con detenimientu'l plan (porque esti puntu concretu pasara de puntiyes pelos informativos), yo nun veo con malos güeyos que les competencies municipales queden puestes de manifiestu. Nun va suponer un retrocesu significativu y sí, pol contrariu, va significar un toque d'atención a les alministraciones superiores que delegaben nos conceyos competencies que yeren de so. Un casu claru sedríen los servicios sociales n'Asturies, y concretamente, la puesta en marcha de la llei de dependencia: derivaos los casos dende los conceyos al Principáu, esti decidía sobre la so aprobación y les condiciones, pa delegar nos conceyos el tratu al dependiente; nel casu d'ayuntamientos pequeños, onde los servicios sociales nun podíen ser del too cubiertos, los dependientes quedaben al debalu, lo que suponía un aforru pa les cuentes principiegues, que se llimpiaba les manes ente la responsabilidá creyada a los ayuntamientos. Espero qu'esta delimitación igüe esti tipu de desigualdaes.</div>
<div style="text-align: justify;">
<br /></div>
<div style="text-align: justify;">
Por embargu, l'otru puntu ye un perclaru retrocesu nos drechos y llibertaes civiles. Ún de munchos, dende que se decidiera acabar colos conceyos abiertos, únicu exemplu de democracia direuta n'esi Estáu. Y esto ye porque se fraya la llibertá d'accesu a les instituciones polítiques más averaes al ciudadanu, les de la toma direuta de decisiones que más se corresponden cola so individualidá. Desplícome.</div>
<div style="text-align: justify;">
<br /></div>
<div style="text-align: justify;">
Ún de los mayores llogros de la socialdemocracia y que ficieron que les democracies europees pudieren nomase "Estaos de drechu" ye, precisamente, la remuneración de los cargos públicos electos. Por un lláu, propiciábase qu'aquelles persones que taben más preparaes non optaren por desempeñar el so papel bayurosu en beneficiu priváu, sinon pol bien de tola sociedá. Por otru, permitía qu'aquelles persones con ingresos baxos pudieren desentendese de la manutención de so y de la so familia pa defender los drechos y les inquietudes de los sos compañeros de clase. Que los cargos públicos cobren ye una necesidá democrática que defiende'l llibre accesu a les instituciones, independientemente del estatus económicu.</div>
<div style="text-align: justify;">
<br /></div>
<div style="text-align: justify;">
Pero ye que, amás, el recorte nun se produz nin en tolos conceyos nin pa tolos puestos de la mesma forma. Los ayuntamientos más grandes ven llendaos los sueldos de los ediles, pero non suprimíos, quedando la remuneración de los alcaldes como nunca non mayor que la d'un secretariu d'Estáu. Los de los pequeños, siguirán cobrando, pero muncho menos (imaxino que sigún el númberu d'habitantes). Pola parte de los conceyales, nun cobrarán.</div>
<div style="text-align: justify;">
<br /></div>
<div style="text-align: justify;">
Esto pue vese de dos maneres: cellebrándolo d'una forma populista, a lo 15 M, onde se pidía que los políticos desempeñaren la so función por amor al arte; o d'una forma reflesiva y coherente, llamentándolo. </div>
<div style="text-align: justify;">
<br /></div>
<div style="text-align: justify;">
Primero, porque los ingresos de los partíos más pequeños, que nun disponen de representación nos parllamentos autonómicos nin estatal, puesto que munchos son de calter llocal ya, incluso, plataformes vecinales, nun van poder sofitase económicamente coles aportaciones de los sos ediles, mientres que los grandes (y equí meto PP, PSOE, FAC, IU y, sobre too, UPyD, que nun tien un solu conceyal n'Asturies) van poder soportar la so estructural llocal gracies a les aportaciones institucionales y del propiu partíu (como hasta agora). Esto supondrá la creyación d'un cártel de partíos que controlarán, definitivamente, la vida consistorial.</div>
<div style="text-align: justify;">
<br /></div>
<div style="text-align: justify;">
Segundo, porque se veta la entrada d'independientes. Si bien el sistema electoral malpenes solo permite, y con munches torgues, la participación nes eleiciones de plataformes d'eleitores a parte de los partíos, estes, ensin cadarma estatutaria definitiva, nun van poder sostenese como los partíos convencionales. La pluralidá qu'ufre la xente independiente a partíos dientro de les instituciones llocales va vese esmolecía pola necesiá d'un sofitu partidariu. Como ta mal visto que nun se vote en bloque, la independencia de los conceyales desapaeció y, poro, tamién se torga la representatividá del pueblu.</div>
<div style="text-align: justify;">
<br /></div>
<div style="text-align: justify;">
Tercero, porque la xente ensin recursos nun va poder faer frente al trabayu a tiempu completu. Los conceyales van ser siempre a tiempu parcial, dexando de la mano del alcalde y del aparatu del partíu nel gobiernu'l trabayu discrecional nel conceyu. Desapaez el trabayu de los conceyales escoyíos democráticamente y apaecerá'l de los asesores escoyíos a déu polos partíos, tan habituales nos ámbitos autonómicos.</div>
<div style="text-align: justify;">
<br /></div>
<div style="text-align: justify;">
Y, por último, volverá'l caciquismu. Pesie a los preseos de tresparencia elleitoral y les buenes intenciones de los partíos (que tovía son solo buenes intenciones), dientro de los conceyos pequeños presentaránse aquelles persones que puean permitise'l cargu, non aquelles que lu merezcan. Amás, pasando a ser un cotu de partíos y non de ciudadanos, los partíos podrán asegurase cuantiosos ingresos extra si permiten qu'estes personalidaes se presenten poles sos siegles. Esto sí que ye un negociu redondu y non los sobres de Bárcenas y copañía.</div>
<div style="text-align: justify;">
<br /></div>
<div style="text-align: justify;">
Como resultáu, les decisiones sedrán espuestes dende enriba por una minoría privilexada y refrendaes cada ciertu tiempu, cuatro años, pol restu de ciudadanos nun sufraxu universal que nun permitirá fácilmente l'accesu a les instituciones. Ye lo que se denomina "llei del embudu", onde cabe tol mundiu, pero solo deciden unos pocos.</div>
<div style="text-align: justify;">
<br /></div>
<div style="text-align: justify;">
Too esto nun ye nuevo: España fue exemplu de caciquismu mientres la Restauración borbónica, cuando se daben unes condiciones institucionales mui paecíes a les actuales. La diferencia ye que nin Cánovas nin Sagasta s'atrevieron a finiquitar los conceyos abiertos del mou que sí lo ficieron Zapatero y Rajoy amguaño. </div>
<div style="text-align: justify;">
<br /></div>
<div style="text-align: justify;">
Norabona. Tenemos una democracia solo nel nome.</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-42321726141815379992013-01-21T19:52:00.000+01:002013-01-21T19:52:48.768+01:00Sobres.<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEi5iTKH2TYHFbNZRUyKnt0fAe9iU_HAbyS2H9Mh2qDarzYoPugzgrxDrWL4YCtq6xFMpUtpS9dNVtXgiCg5w5CrLdXDUvWpLF3e8jXffQWAi-BisYN7FXFaKVqYgKaaR8MbjMVaOVcpqe8/s1600/barcenas.jpg" imageanchor="1" style="margin-left: 1em; margin-right: 1em;"><img border="0" height="193" src="https://blogger.googleusercontent.com/img/b/R29vZ2xl/AVvXsEi5iTKH2TYHFbNZRUyKnt0fAe9iU_HAbyS2H9Mh2qDarzYoPugzgrxDrWL4YCtq6xFMpUtpS9dNVtXgiCg5w5CrLdXDUvWpLF3e8jXffQWAi-BisYN7FXFaKVqYgKaaR8MbjMVaOVcpqe8/s320/barcenas.jpg" width="320" /></a></div>
<br />
<div style="text-align: justify;">
<br /></div>
<br />
<br />
<div style="text-align: justify;">
La noticia la selmana (y, si m'apuren, del añu) ye la implicación del antiguu tesoreru del Partido Popular nun escándalu financieru que chisca a la plana mayor del partíu, dende antiguos ministros como Cascos, hasta los actuales líderes, como'l propiu Rajoy. Al paecer, Luis Bárcenas -nome del ex-ayalgueru- fízose con una fortuna de 22 millones d'euros que guardara, a traviés d'una empresa panameña, en Suiza y, gracies a la llexislación favorable en materia de captación de valores opacos del nuevu gobiernu popular, (vamos, l'amnistía fiscal), declaró un millonucu y sacó diez en llimpio. El casu ye que nun ta claro d'onde apaecieron tantes perres y, como ye normal, piénsase que yera al recostín de la financiación del partíu, escamada la xente con casos como la trama "Gürtel". </div>
<br />
<div style="text-align: justify;">
<br /></div>
<div style="text-align: justify;">
Yo creo que yá se tardaba en falar, n'esti estáu, de la financiación de los partíos políticos, dalgo tan visiego como les propies cuentes de los políticos na Confederación Helvética. La llei permite que se caltengan en privao los datos, lo que priva al ciudadanu de conocer la cara B. Pero non de les cuentes, que ye lo de menos; si non de los programes. Sabiendo d'u vienen les perres, conozse pa quien llexislen, a quien defienden y a quien beneficien los partíos. Tolos partíos. Y por eso dengún se quier meter a sacu n'ello: les propuestes de tramitaciones de lleis de tresparencia quédense siempre nos políticos a nivel particular, nunca nun entren a valorar los ingresos de los partíos.</div>
<div style="text-align: justify;">
<br /></div>
<div style="text-align: justify;">
Les democracies representatives tienen esos riesgos. El ciudadanu vota y piensa qu'el partíu va representalu, ensin saber (o ensin querer vreyer) que los partíos van a beneficiar intereses d'empreses farmacéutiques (calteniendo precios más elevaos que nel restu Europa, lo que fai que la Sanidá salga más caro), enerxétiques (sofitando los cárteles ya oligopolios de les mesmes) y financieres (al abrir al mercáu tou tipu de bienes, dende la factura llétrica a la deuda pública). El casu ye que les factures pagámosles ente toos y los beneficios van a los bolsiyos d'unos pocos. Dempués, sorprendíos, cayemos na cuenta de que los políticos, al finar de los sos cargos públicos, entren nuna empresa d'ún d'estos tres sectores como asesores o directivos. </div>
<div style="text-align: justify;">
<br /></div>
<div style="text-align: justify;">
A esto yo llámolo cobrar réditos. Y paezme peor, muncho peor, que pagar con sobres. Nel primer casu (igual que cuando se fai una mala xestión no público, dalgo que tampoco sal a la lluz), los políticos nunca nun van ser imputaos y solo la presión social énte ún con moral de serviciu (o blindáu por otres empreses) va conseguir la dimisión nel nuevu puestu. Nel otru casu, al menos, pue topase con un xuez y un fiscal con ganes de complicase la vida y ser imputáu, xulgáu y condergáu. (La pena ye que les polítiques d'indultos n'España ye muncho más ventayosa p'aquellos que tan averaos al poder que pal restu de ciudadanos)</div>
<div style="text-align: justify;">
<br /></div>
<div style="text-align: justify;">
Esto va quedar como un casu personal, como un pillu que se quiso enriquecer. Nun esperemos que dengún partíu, de los que xuega na tómbola democrática colos cartones pagaos por terceros, se ponga a prender el ventilador delantre'l cuchu, porque diba chisca-yos a toos y, el primeru, elli mesmu. Y güeyu col que se mueva, que va fuera. Nun sedría la primer vez. Por llástima, tampoco nun va ser la última.</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-41798700008704743082013-01-11T20:47:00.004+01:002013-01-11T20:47:59.619+01:00Asturies shore<table align="center" cellpadding="0" cellspacing="0" class="tr-caption-container" style="margin-left: auto; margin-right: auto; text-align: center;"><tbody>
<tr><td style="text-align: center;"><a href="https://blogger.googleusercontent.com/img/b/R29vZ2xl/AVvXsEjWAL2FFBwAdirxHN6qgjOFWJrCryASSXnDvF3G8ZDe5TPgg9TJn2U7eAUjodx_zbnfiEqsL5XgsoKKrlGjHdnrDEhEE_yL8L4vIxYEobFAL8ISCgswYcQoOGCPaWaYk7v0sXQthxBdnE0/s1600/mtv.jpg" imageanchor="1" style="margin-left: auto; margin-right: auto;"><img border="0" height="211" src="https://blogger.googleusercontent.com/img/b/R29vZ2xl/AVvXsEjWAL2FFBwAdirxHN6qgjOFWJrCryASSXnDvF3G8ZDe5TPgg9TJn2U7eAUjodx_zbnfiEqsL5XgsoKKrlGjHdnrDEhEE_yL8L4vIxYEobFAL8ISCgswYcQoOGCPaWaYk7v0sXQthxBdnE0/s320/mtv.jpg" width="320" /></a></td></tr>
<tr><td class="tr-caption" style="text-align: center;">D'izquierda a drecha (solo na semeya): Pilar Varela y Javier Fernández (PSOE), Moriyón (FAC) y Pardo (PP), Prendes (UPyD), Iglesias (IU), Cherines (PP) y Cascos (FAC).</td><td class="tr-caption" style="text-align: center;"><br /></td></tr>
</tbody></table>
<div style="text-align: justify;">
Esta mañana, l'ayuntamientu de Xixón aprobaba los presupuestos pal añu 2013 colos votos afirmativos del partíu gobernante, Foro, y del Partido Popular. Tovía ayer, el votu de los populares nun taba claru: la puxa pol poder dientro la organización política n'Asturies, que vien de muncho enantes de la escisión casquista, fizo que l'actual presidenta autonómica (rexonal, diría ella), Mercedes Fernández, se negara a sofitar a Pilar Fernández Pardo, presidenta xixonesa, hasta que, nel últimu momentu, camudara'l criteriu. Dalgo lóxico puesto que les diferencies ente Foro y PP son mínimes, xirando solo alrodiu la simpatía pa cola figura de Cascos. N'Uviéu, Foro abstúvose pa permitir los presupuestos del PP, pero en Xixón nun yera suficiente, porque'l partíu con más ediles ye'l PSOE. Pero de sorprendente tenia poco: los presupuestos habíen salir sí o sí. Y, claro, salieron.</div>
<div style="text-align: justify;">
<br /></div>
<div style="text-align: justify;">
L'edil socialista en Xixón, Santiago Martínez Argüelles, denunciaba que los presupuestos viníen daos dende fuera de Xixón, lo que-y restaba llexitimidá. A finales del añu pasáu, Javier Fernández, presidente del gobiernu autonómicu, llamaba a la responsabilidá de les diferentes fuercies polítiques parllamentaries pa que nun dexaren ensin presupuestos a los asturianos, anque estos presupuestos s'asentaren sobre unos fundamentos recaudatorios ilusorios (como l'impuestu a les entidaes de créditu, anguaño recurríu pol gobiernu estatal énte'l Tribunal Constitucional) y, sobre too, dempués de que'l Principáu d'Asturies s'acoyera al Fondo de Liquidez Autonómica, una suerte de rescate que l'estáu español propón a les autonomíes a cambiu de tener la última voz p'aprobar los niveles d'endeldamientu de les mesmes. Martínez Argüelles nun rechistó. Enantes yeren llexítimos y agora non, mio neñu, agora non.</div>
<div style="text-align: justify;">
<br /></div>
<div style="text-align: justify;">
La tema ye que, pal casu xixonés, Martínez Argüelles tien tola razón de mundu. Pero nun se pue tar en misa y repicando si se quier ún pensar cola llexitimidá que da la coherencia. Esti home nun ye coherente nin nes pallabres, nin nes formes. Cuando los representantes más visibles d'un partíu se mueven d'esta mena, el partíu resiéntese. Y nel PSOE asturianu nun ye l'únicu.</div>
<div style="text-align: justify;">
<br /></div>
<div style="text-align: justify;">
Son habituales los casos como'l de Santiago Argüelles, que defendiera'l so cargu nepóticu (puestu a deu nel cargu, dempués de la
privatización de Cajastur, anque nun-y correspondía siquiera optar a
elli, nin cuando la entidá pública) de vicepresidente de Liberbank como útil pa la defensa de los intereses de Xixón, dimitió del cargu a la primera que-y vinieron dures (al non conceder el so bancu un créditu a la sociedá "Gijón al Norte",
encargada de la supresión de la barrera ferroviaria xixonesa), pero
quedóse nel puestu de conseyeru de Cajastur porque, total, solo-y
quedaben unos meses pa ser destituyíu na entidá. Asina, la defensa del proyeutu arecista del Niemeyer (y nun me refiero a la Fundación Niemeyer, si non al proyeutu del presidente Areces pa faese col control de la xestión del centru desaverándola de les instituciones públiques que la sofitaben económicamente) de l'alcaldesa d'Avilés, negando cualisquier tipu d'acusación por fundada que fuera, pa dempués dicir, al rescamplar toles trampes de los xestores que defendía, qu'ella ná nun sabía y que yera inocente de tou mal porque solo miraba polos intereses de los avilesinos; o la entronación de la propia Pilar Varela, (si se la cree, la fata más grande d'Asturies dempués del petromocho) fecha por Javier Fernández, diciendo d'ella que yera'l referente del socialismu asturianu. (Díes enantes Rubalcaba dixera que Javier Fernández yera'l referente del socialismu español)</div>
<div style="text-align: justify;">
<br /></div>
<div style="text-align: justify;">
Hai que dicir, por embargu, que dengún partiu parllamentariu se salva, nin muncho menos: el Partido Popular ye una amalgama de personalidaes interesaes no propio, que rexistren nomes como Gabino de Lorenzo o Fernando Goñi; Foro Asturias de Ciudadanos nun ye otra cosa que un conxuntu de persones en torno a un gurú superprofesional de la política, que faen gala de la so falta d'esperiencia na tema (y nótase-yos a la hora de xestionar asuntos como'l conflictu Niemeyer, onde rabiaron cola verdá y perdieron el créditu social, o la tema'l FIC Xixón, onde dexaron de cobrar una sovención estatal por unviar la solicitú fuera de plazu); Izquierda Unida nun pasa de ser la tercera pata de la FSA pa caltener esta falsedá d'izquierda asturiana (sofitada nun sindicalismu mariellu y vacíu y d'idegues descomanadamente cosmopaletes no político, económico y, sobre too, cultural) pola cobardía de los sos líderes, que defrauden una y otra vuelta al so ellectoráu; y Unión Progreso y Democracia, similar a Foro en cuanto a gurú, anque esta femenina y a nivel estatal, predica la decadencia de la apariencia de la política española col exemplu de la hipocresía: criticar el gastu eleváu en cargos públicos y presentase'l diputáu Ignacio Prendes con seis asesores, manca la maera.</div>
<div style="text-align: justify;">
<br /></div>
<div style="text-align: justify;">
Asina, dempués de la desbandada d'afiliaos del PP siguiendo a Cascos, ye un regueru de xente la que marchó de FAC esti añu pasáu (y yá nel anterior), ensin que por ello'l PP recuperara'l so puxu. Asina, Izquierda Unida tien que consultar a los afiliaos si contradicen les sos promeses ellectorales de pactar col PSOE al día siguiente de les elleiciones y marcha colos banqueros socialistes peles cais de Xixón en díes de fuelga, mirando pa otru lláu cuando dalgunos "compañeros" na llucha son apresaos. Asina, UPyD vota a favor d'unos presupuestos presentaos por un partíu políticu que, sigún la propia organización, los amenorga y aislla ellectoralmente.</div>
<div style="text-align: justify;">
<br /></div>
<div style="text-align: justify;">
Pero l'exemplu más perclaru de la descomposición d'esti sistema de partíos que viven d'espaldes al ciudadanu (y más concretamente, al asturianu), xestionando intereses escuros, ye l'ayuntamientu de Cuideiru. Cinco dimisiones de conceyales socialistes, nel gobiernu, en seis meses y cola cabera candidata la llista renunciando al acta de conceyal, xunto a los tres suplentes, ficieron que la direición del PSOE en Cuideiru nomara alcalde a Ignacio Fernández, miembru de la so executiva pero que nun se presentó dientro la candidatura'l partíu. </div>
<div style="text-align: justify;">
<br /></div>
<div style="text-align: justify;">
Esto ye la democracia asturiana, onde pue mandar cualquiera ensin falta de que naide lu escueya pa que lu represente y ensin que les sos xestiones llacerioses o les sos pallabres mentiroses ya hipócrites-ys pasen factura. Y anque seya increyible, too esto ye llegal y ta asumío pola moral del sistema como perfeutamente normal. </div>
<div style="text-align: justify;">
<br /></div>
<div style="text-align: justify;">
Pero lo pior de too ye que nun se trata d'un <i>reallity show</i> de la cadena MTV. Anque nun sedría d'estrañar atopar un día a Javier Fernández diciendo que Clavelito ye'l modelu a siguir pola mocedá asturiano o a Cherines dándo-y conseyos pa caltener la compostura a Ylenia, al glayíu de: "¡Asturies shore!".</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-81799111917095673962013-01-09T13:52:00.002+01:002013-01-09T15:29:21.574+01:00La casa pol teyáu<div style="text-align: justify;">
</div>
<div style="text-align: justify;">
</div>
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEiik006igy6mxgDuVlXOt8gDBTLZQtLEgYyFaKfIoX9KJpc87AGOr1u-ribfz7492EpvSGdc8pUEtV_bBX_bgKluXdKEyiTb-hL-AgLJ2vQ6jUG6t6R87I3orCRmDMvzDWUpBLForoNB0k/s1600/cemento1.jpg" imageanchor="1" style="margin-left: 1em; margin-right: 1em;"><img border="0" height="213" src="https://blogger.googleusercontent.com/img/b/R29vZ2xl/AVvXsEiik006igy6mxgDuVlXOt8gDBTLZQtLEgYyFaKfIoX9KJpc87AGOr1u-ribfz7492EpvSGdc8pUEtV_bBX_bgKluXdKEyiTb-hL-AgLJ2vQ6jUG6t6R87I3orCRmDMvzDWUpBLForoNB0k/s320/cemento1.jpg" width="320" /></a></div>
<br />
<div style="text-align: justify;">
<br /></div>
<br />
<br />
<div style="text-align: justify;">
Llevo munchu tiempu viendo como esta "democracia" va quedando nuna cadarma
nominal que mui poco tien que ver colos valores etimolóxicos del
términu: gobiernu del pueblu. La capacidá de decisión d'un ciudadanu
nesti estáu ye mínima. Cierto que la posibilidá de presentase a unes
elecciones ye llibre a tolos que cumplan unos requisitos mínimos, pero
les estructures electorales son tan zarraes, que la voz del pueblu solo
queda espeyada fuera de los calces sistémicos.Y tovía se tan zarrando más.</div>
<br />
<div style="text-align: justify;">
<br /></div>
<div style="text-align: justify;">
Dempués de munches negociaciones, paez qu'el día 15 de xineru, PP y PSOE van llegar a roblar el primer pactu d'Estáu de la era Rajoy: la nueva Llei de Bases de Réximen Llocal. Les grandes cabeceres estatales abríen col populismu d'una midía que llimitará'l salariu de los alcaldes de les ciudaes más importantes. Embaxu esi espíritu d'austeridá, apaecía tamién la midía de la supresión de les mancomunidaes, aplaudía pola mayor parte de los mamporreros mediáticos y polos siguidores de la doctrina "menos políticos, meyor xestión". Pero naide facía la llecura de lo que braeramente supón: más centralismu, menos capacidá pa les persones pa mirar polos sos drechos.</div>
<div style="text-align: justify;">
<br /></div>
<div style="text-align: justify;">
La hipótesis onde se sofita esti movimientu ye cenciella: cuantes menos alministraciones públiques, menos políticos, asesores, cargos públicos y funcionarios hai que sustentar, menos burocracia y, sobre too, menos duplicidaes; entós, ná meyor que suprimir instituciones y emponderar a unes poques con tolos servicios.</div>
<div style="text-align: justify;">
<br /></div>
<div style="text-align: justify;">
A simple vista, paez una política efeutiva. Mirao con detenimientu, ye un discursu simplemente efeutista, que nun entra realmente a tocar los problemes de raigón (la radicalidá que ta tan mal vista nestos tiempos). En vez de reestrucutrar, búscase cortalo too ensin estudiar en profundidá lo que se trata, como si too fuera lo mesmo, faciendo repartos a lo Conferencia de Berlín que queden con precioses llinies rectes enriba'l papel, pero que ponen más torgues tovía a les persones qu'han de vivir día a día estes midíes. </div>
<div style="text-align: justify;">
<br /></div>
<div style="text-align: justify;">
Ensin embargo, España ye un país de fatos y de vagos. De fatos, porque se nos engaña a la primera. Y de vagos, porque tol mundiu aceuta ensin rechistar esi engañu, cuando estos nun tienen que ver direutamente col so bolsiellu (más tovía cuando paez que ye bueno pal bolsiellu). La idega de que "yo soi apolíticu y que me lo den fecho too, que pa eso lo cobren", triunfa. Cuando les reformes que somorguien a ún danse seliquino, bien untaes en vaselina fresquino pa que nun roce y coles pallabrines melgueres sosurraes al oyíu polos politiquinos guais, reformistes y/o modernos y guapos a lo Cantó o a lo Cayo Lara (sobre gustos...), entren ensin dificultá. Y meyor tovía cuando vienen acompañaes de reformes dures que sí nos toquen el bolsiellu direutamente. Ná meyor que la subida del IVA pa tapar que nos ficieron esclavos.</div>
<div style="text-align: justify;">
<br /></div>
<div style="text-align: justify;">
Gracies a too ello, la hipótesis de la reducción d'instituciones en favor del bien públicu ta triunfando descomanadamente y yá ta dando los sos frutos.</div>
<div style="text-align: justify;">
<br /></div>
<div style="text-align: justify;">
Fai unos años, cuando la última etapa del gobiernu de Zapatero, aprobóse una midía que condenaba la democracia abierta a la muerte: la supresión de los conceyos abiertos, onde la xente de los municipios más pequeños de 300 habitantes podíen establecer les sos normes de forma direuta, ensin intervencionismu de partíu dalu. Pasóse a una municipalidá de tres conceyales profesionales, ún de los cuales habría ser l'alcalde, entendiendo que la dedicación esclusiva yera más rentable pal grupu qu'el grupu mesmu. La midía fue recibida con entusiasmu por tolos partíos congresuales del momentu. Suponía l'adiós de cualisquier tipu de democracia direuta n'España, pero diba dar puestinos y perres d'onde antes nun se podíen sacar.</div>
<div style="text-align: justify;">
<br /></div>
<div style="text-align: justify;">
Dempués, apaeció la teoría de la unificación de municipios. Si los conceyos son pequeños, nun son quien p'afrontar los gastos que conlleven los servicios que tienen que prestar. En vez d'apostase pola formación de mancomunidaes que los xestionasen conxuntamente y compartir empleaos y empreses municipales, entendióse que menguar el númberu de conceyos yera la solución. Esti país de fatos sabe restar y sabe que si tienes dos y te quiten ún, queda ún; pero escaez que si ente dos sumen 500 y se xunten, siguen sumando 500. La xunión sistemática de municipios nun creya un municipiu grande con meyores servicios, sinon un municipiu desestructuráu, colos servicios centralizaos nuna capital (lo que provocará una emigración a la cabecera) o repartíos en delles cabeceres (lo que implicará la mobilidá forzosa de les persones qu'enantes teníen l'accesu cercanu) o, finalmente, una multiplicidá na xestión por ufiertase too en dellos centros (polo que solo s'aforrará n'identidá). La esistencia de los conceyos nun ye caprichu (al menos n'Asturies); la historia de munchos d'ellos fala de la llucha del pueblu polos sos drechos y l'esfuerzu que supuso algamalos. Pero les identidaes culturales (y más n'Asturies) tienen mala prensa y triunfen les burocracies fates. Les xuniones han dase solamente cuando seya por consensu ente municipios, non por sistema, y una vez agotaes toles fórmules posibles de xestión conxunta.<br />
<br />
(EQUO Avilés, defensora d'estes midíes, caltuvo conmigo una conversación pol twitter onde me dicía que la xunión de conceyos yera la rempuesta a una reivindicación ciudadana de 30 años -anque esto fuera dalgo infundao y discurrío por EQUO Avilés-, y que nun atentaba contra les identidaes culturales, porque estes calteníense nes parroquies rurales) El siguiente pasu fue l'afogamientu de les parroquies rurales. Como son entidaes non gubernamentales y ensin ánimu de lucru, nun son consideraes entidaes alministratives (anque la llexislación asturiana considerales instituciones de xestión). Amás, son asociatives, polo que los sos representantes son escoyíos por votación direuta y han rendir cuentes a la asamblea. Fieden a democracia direuta y, claro, molesten. Asina que les partides públiques van reducise si nun camuda'l modelu de xestión p'hacia una profesionalización de los responsables, dalgo que, como espuse más enriba, nun se pue faer pola propia cadarma estatutaria de les parroquies. Toca desapaecer, pero por asfixia. </div>
<div style="text-align: justify;">
<br /></div>
<div style="text-align: justify;">
Quitando parroquies, desapaeciendo les mancomunidaes y creyando macro-conceyos, les persones queden desaveraes de la toma de decisiones dafechu (anque yá lo taben pol sistema democráticu de representación partidista, agora l'abilsu ye físicu). La siguiente estaya ye l'autonomía. Y nel Principáu d'Asturies, esta autonomía ta mui enferma: sofitáu'l Gobiernu nun partíu como UPyD que quier la so desapaición, siendo'l partíu gobernante sumamente centraliegu y teniendo al so presidente preocupáu por "faer España dende Asturies", con una oposición de dreches españolistes, y intervenida económicamente pola alministración central dende que s'aceutara el Fondo de Liquidez Autonómica. La tema "autonomía" da pa falar muncho, pero nun ye l'alministración más afayaíza pal ciudadanu asturianu, nin de lloñe.</div>
<div style="text-align: justify;">
<br /></div>
<div style="text-align: justify;">
Ún de los refranes más escaecíos, gracies a la burbuya inmobiliaria, ye aquel que diz que "nun se
pue escomenzar la casa pol teyáu". Tampoco se pue sofitar el teyáu ensin cimientos. Y el cimientu de la democracia ye la xente. Esto tien qu'esbarrumbase, yá.</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-57010725998801179942012-12-20T19:50:00.002+01:002012-12-20T20:05:31.488+01:00Cuando s'acabó'l mundu.<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEgfSWjHyvwMZ6_vxBrqraFEUZhDjMlbwgVUtBrp7vfNf-9hlEf8j7_2Xo8M4Fny3w6D3Bp-lk3vD-xwuvh4qdzJTgVqaT8-PrAJcP_a9GU3KtHK6q3NqnzB1U8XMgPTTU4Uyu7jAFhbL8Y/s1600/calendario-maya-2012-conteo-del-calendario-y-profecias.jpg" imageanchor="1" style="margin-left: 1em; margin-right: 1em;"><img border="0" src="https://blogger.googleusercontent.com/img/b/R29vZ2xl/AVvXsEgfSWjHyvwMZ6_vxBrqraFEUZhDjMlbwgVUtBrp7vfNf-9hlEf8j7_2Xo8M4Fny3w6D3Bp-lk3vD-xwuvh4qdzJTgVqaT8-PrAJcP_a9GU3KtHK6q3NqnzB1U8XMgPTTU4Uyu7jAFhbL8Y/s1600/calendario-maya-2012-conteo-del-calendario-y-profecias.jpg" /></a></div>
<br />
<br />
<br />
<div style="text-align: justify;">
Sigún el calendariu solar de l'antigua civilización maya, mañana 22 d'avientu de 2012 finará'l mundu. Al paecer, lo que los sacerdotes d'esa civilización, que miraba más pa les estrelles que pa la redolada (la so debacle vieno pola economía de marafundiu de recursos naturales que prauticaba), queríen dicir yera qu'esti día escomenzaría un nuevu ciclu cósmicu, l'empezar d'un nuevu orden social. </div>
<br /><div style="text-align: justify;">
A nosotros, los occidentales alimentaos de la moralidá xudeocristiana, por más atéu que seya l'occidental, esos camudamientos de ciclos traemos al pairu, porque tenemos una mentalidá subordinada a un condicionamientu llinial del tiempu: les coses escomiencen y finen, pero rara vez se tresformen por sí soles. D'esta miente, lo que nos dixeron los mayas solo pue entendese como la llegada d'un cataclismu, un fin del mundu españante, colos arcánxeles del cielu lluchando poles ánimes cola infernal puta de Babilonia o con un meteoritu escomanáu franciendo la corteza terrestre hasta'l magma y solmenando tsunamis a diestru y siniestru, pa tapar el sol cola povisa resultante. (Lo que vien a ser lo mesmo) El casu ye que, si les coses tienen que ser diferentes, solo van poder selo si s'acaba con tolo anterior.</div>
<div style="text-align: justify;">
<br /></div>
<div style="text-align: justify;">
Y esto ye dogma pa too, non solo pa los fines de los tiempos. Tamién pasa en política, como se pudo ver con dellos exemplos esti añu 2012 (demasiao entreteníu na precariedá como pa enllenar estes pantalles d'entraes).</div>
<div style="text-align: justify;">
<br /></div>
<div style="text-align: justify;">
Un exemplu ye'l casu de Cataluña. D'una parte y otra, de la secesión y del xunionismu, se falaba del contrariu en términos similares a los qu'usaría l'ánxel esterminador. Pa los primeros, quedar n'España yera lo mesmo que caltener la crisis y solamente rompiendo'l vínculu col estáu actual diba sirvir pa esporpollar. Pa los segundos, que Cataluña algamara la independencia yera lo mesmo que si un terremotu franciera por completo'l territoriu, quedando destrozaos texíos industriales, financieros y hasta culturales, porque los que se consideraren "españoles" diben ser enzarraos nun campu de concentración perpetuu onde, poco más, se-yos implantansen electrodos na llingua por si se-yos ocurría falar en castellán. El términu mediu del federalismu propuestu pol PSC yera tan absurdu como improvisáu y naide nun creyó n'elli. Taba claro, el cataclismu, pa un lláu o pa otru, yera (y ye pa munchos) inevitable. [Aforro dar la mio interpretación, pa nun estendeme, pero solo pueo entender que los catalanes (como cualisquier otru pueblu) han tener la responsabilidá total pal so determín, y esto nun pue conseguise nin nuna España autonómica, nin nun sistema económicu como l'actual]</div>
<div style="text-align: justify;">
<br /></div>
<div style="text-align: justify;">
Otru exemplu, ya le problemática del sistema sanitariu. D'una parte, apuéstase pola intervención d'empreses privaes na xestión de lo que, hasta agora, yera una Sanidá Pública. D'otra, qu'esti serviciu de primera necesidá ha caltenese públicu al 100%. Los apostantes primeros entienden que los gastos son tan altos que vía impuestos nun pue asumilos l'Estáu y que la so delda incrementaríase cola baxada de recursos atopaos pola Seguridá Social, nel casu de que les empreses privaes nun se metieren nel (yá) negociu. Los que piensen que cola salú nun se pue xugar denguna apuesta, camienten que l'oxetivu principal de les empreses ye ganar perres y, polo tanto, el sistema diba perder n'humanidá pa crecer en tases, desatenciones y, por supuestu, en desiguldá. Asina que si nun se privatiza la xestión, la Sanidá desapaez; y si se privatiza, la Sanidá desapaez. Tou un cataclismu, otra vuelta. [La Sanidá, la Educación y los Servicios Sociales tienen que tar por enriba de la seguridá de bancos y caxes d'aforru, asina que los recortes n'estos tres pilares , de la sociedá, de problemes comunes compuesta d'inviduos con problemes personales (que non del estáu de drechu, que ye un inventu pa apagar conciencies), van ser siempre infundaos]</div>
<div style="text-align: justify;">
<br /></div>
<div style="text-align: justify;">
Podemos atopar munchos más exemplos de cataclismos nel discursu de la vida pública (y privada) güei, ensin falta de falar con mayas. Por embargu, sabemos, anque lo deseyemos o nun seyamos conscientes, que dengún d'estos problemes va españar del too. Somos los ánxelos que quieren lluchar contra la puta d'enfrente, pero nun tenemos meteoritos pa francela. Y dexámonos llevar, ceder drechos, perder servicios y prestaciones, emponderar les perres... en definitiva, amenorganos como persones.</div>
<div style="text-align: justify;">
<br /></div>
<div style="text-align: justify;">
Los mayas nun atendíen pa lo que-yos rodeaba, de tanto mirar pal cielu y quedaron arrequexaos en delles aldegues selváticus mesoamericanes. Nosotros, occidentalinos d'esti estáu español, mirámonos tanto al ombligu que paez que nun tengamos otres coses. Y esto, a 20 d'avientu de 2012. (La pena ye que mañana, día 21, too va siguir igual: esto nun va acabar y naide nos va dicir qu'esi ombligu que miramos, en realidá, pertenez a un bancu)</div>
elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-12486357790914012992012-05-11T03:50:00.001+02:002012-05-11T04:38:09.193+02:00La importancia de Kerenski nel sistema educativu<br />
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEiyZBsUnW80NWJsITkdZI7rNgGIpwSCXSUyHsi-o-ALVYcOsUCN8e1Koow7I4mVUr1axdjppMPlbC6G1KzDRvh3vsp9GwVTI3uUdF3KYM6qMoGNVO1ULg-6f5_xHwzZFuA-ctHD7XUPpC4/s1600/kerenski.jpg" imageanchor="1" style="margin-left: 1em; margin-right: 1em;"><img border="0" height="320" src="https://blogger.googleusercontent.com/img/b/R29vZ2xl/AVvXsEiyZBsUnW80NWJsITkdZI7rNgGIpwSCXSUyHsi-o-ALVYcOsUCN8e1Koow7I4mVUr1axdjppMPlbC6G1KzDRvh3vsp9GwVTI3uUdF3KYM6qMoGNVO1ULg-6f5_xHwzZFuA-ctHD7XUPpC4/s320/kerenski.jpg" width="248" /></a></div>
<div class="MsoNormal" style="text-align: justify;">
Nestos díes de recortes en
drechos humanos y servicios sociales disfrazaos d'esfuercios pol bien común, los
profesionales de la Educación
van convocar un paru d'un día pa protestar y demostrar el so malestar. Bien por
ellos, porque yá tardaben. Pero esti nun ye la tema (polo menos d'esta
entrada). El sistema educativu yá taba mal enantes de los recortes económicos
y, siéntolo, pero buena parte de la culpa tien que recayer nos propios
mayestros y profesores. (Pas, profesores, alumnos, alministradores y
llexisladores son toles pates del sistema y toos tienen la so parte de
responsabilidá pa llegar a esta situación... pero los profesores son los que
tienen que cuidar d'elli pa caltaner la calidá y, sobre too, la congruencia del
mesmu y, nestos últimos años, callaron muncho cuando teníen que falar nuna
mentalidá de funcionariu foína) Espero que me convenzan de que nun ye una
protesta única y esclusivamente pola pérdida de drechos llaborales (que tamién
sedría llexítima, claro tá; pero que se me diba quedar mui curtia).</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Llevo un añu dando clases
particulares a un rapaz de dieciséis años que solo tien un oxetivu pa siguir
p'alantre: acabar los estudios d'una vez. Los pas tienen la decisión de ponelu
a trabayar si nun atopa unos estudios de formación profesional pa setiembre
que-y resulten afayaízos. Nun-y callen con que ye'l momentu d'estudiar, que de
mayor va tenelo más difícil y que va arrepentise. Ye más que probatible. Pero
nun camuda d'opinión. ¿Por qué? Ye nidio que-y falten motivaciones.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Tres cursos d'Infantil, seis de
Primaria y cuatro de Secundaria terminen con un guah.e ensin motivación, que
nun-y presta denguna asignatura y, tovía pior, que nun tien más suaños na vida
qu'alcontrar un puestu de trabayu de reponedor que-y caltenga la endorga
caliente y enllena.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Esti rapaz ye tímidu, de los que
mira un escote y se pon coloráu, de los que-y presta salir los sábados colos
collacios a privar y falar de hip hop, de los que tien en tuenti la meyor forma
de comunicación col mundu, de los que, si pue, intenta engañar al mayestru
que-y vien los miércoles pa que-y faiga los deberes. Ye un rapaz normal y
corriente. Y, pesie a que nun vaya dexar l'institutu enantes de tiempu y salga
con too aprobao, ye un completu fracasu del sistema escolar.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Pero tampoco nun m'estraña.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Fai un mes díxome que teníamos que
faer sociales, que tenía un esamen. El profesor, amás de dici-yos a los sos escolinos
lo que teníen que sorrallar en llibru, marcára-yos delles preguntes del testu
pa que, respondiéndoles, tuvieren qué estudiar y nun quedaren tan perdíos. </div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Les temes yeren el Colonialismu y
la Primera Guerra
Mundial. Y, énte la bayura de fueyes sorrallaes por otru, y como bobu nun ye,
pidióme que-y dixera qué yera lo que podía cayer nel esamen. La verdá ye que me
paeció simpático, porque quinieles d'estes ficimos toos, pero claro, ficíamosles
nosotros mesmos. Asina que-y respondí, pa qu'estudiara más de lo que-y pidía'l
profesor con aquelles entrugues: "Causes y consecuencies". Quedó como taba, claro. Pero díxome qu'ónde les atopaba nel llibru, porque nun había un
títulu al respeutu. Asina qu'aproveché pa dir desplicándo-y les intenciones de
los países europeos pa espardise pol restu'l mundu, qué pasó na Conferencia de
Berlín y cómo fue'l Repartu d'África, les diferencies ente los sistemes
coloniales de les potencies y qué yera un dominiu, una colonia, un protectoráu o una factoría,
qué fueron les Guerres del Opiu y quiénes los bóxers, por qué se montó tan
gorda porque un rapaz serviu matara a un archiduque austriacu y que pasó en
Brest-Litovsk y Versalles. </div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Una hora de tocapelotismu en
altes dósis, pero que-y valió pa saber qué estudiar, qué yera lo importante y ónde
alcontralo. Munches de les coses que-y dicía, nun taben sorrallaes pol profesor
y quexábase, pero yo dicía-y que si les ponía como complementu, diba sacar
meyor nota. Y tampoco yeren coses complicaes. Por exemplu, una vez que se sabe
que Austria, Alemania y Italia yeren un bandu, nun ye difícil saber que los
llamaben la Triple Entente,
porque lo complicao ye saber los países. Y dióme la razón.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Al siguiente miércoles la má díxome
que-y sacara una foto col móvil al esamen pa enseña-yos a ella y al pa'l 9 y mediu. (Toi seguru de que más del 90% de los profesores asturianos de secundaria d'otres asignatures nun pasaría la mesma prueba)</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Esti caberu miércoles, volvió a
lo mesmo. Esamen de Sociales, períodu d'Entreguerres, Revolución rusa, Gran
Depresión estadounidense, Mussolini y Hitler. Más sorrallaos de terceres
persones y más entrugues del llibru. Poro, más causes y más consecuencies. </div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Pero, esta vez (dempués de decatame
que'l profesor dexare de desplicar/sorrallar la tema del marxismu), al falar del
Crack del 29, de la quiebra los bancos y la falta de créditos, de la subida'l paru
y les hambrunes, solte-y un "¿Suénate a dalgo?", y elli, el hiphoperu
tímidu y ensimismáu en tuenti, respondió: "Ye lo que ta pasando
agora". De la qu'apuntaba en llibru los sitios onde alcontrar estes coses, pa responder dempués les entrugues del llibru,
yo mirábalu con un prestu tremendu: había esperanza nun futuru de xente ensin
estudios pero que piensa por sí mesma.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Al desplicá-y que Mussolini y
Hitler llegaron al poder gracies a un sistema democráticu que camudaron al so albur,
sofitaos polos ricos empresarios y la
Banca y una sistema burocráticu y xudicial afín, controlando
la prensa y criminalizando a los disidentes, soltó: "Ye lo que ta pasando
agora". Mientres facía marques onde
apaecíen toes eses coses, yo quedaba encantáu cola so capacidá d'analisis. Pesie a la so desinformación, ¡hai futuru!</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Y, pa finar, cuando-y falé de que
la revolución rusa de febreru nun camudó la realidá zarista, pesie a sofitase
na confianza d'obreros y campesinos, porque a Kerenski nun lu dexaben les
clases oligárquiques, miróme y, énte les míos esperances d'una nueva y acertada
comparanza cola actualidá, constantando esi bucle de que la Historia siempre se
repite y que muncha xente niega dende la comodidá de les sos antegüeyos de pollín,
díxome: "Pero, ¿tengo qu'estudiar a Kerenski? Son munchos nomes y, como yá
saqué un 9 y mediu, nun me fai falta más nota". </div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
De secute, rinxó'l taburete onde
me siento al quedame'l culu cuadráu de desencantu. Miré la hora y llegaba tarde
al teatru (a ver un Brecht inmensu polos rapazos de 4ºA de la ESAD). Y díxe-y qu'elli
viera. Llevanteme a pola bolsa onde llevo los trastos y recordé-y, como siempre,
que si dalgo nun-y quedaba claro, que nun duldara en llamame o mandame un mail.
Despedime y elli, en vez de llevantase a zarrar rápido la puerta, hábitu normal
nun adolescente cola má por casa, díxome adios dende l'escritoriu, entreteníu n'arrodiar
con un círculu de boli una pallabra del llibru: Kerenski.</div>elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-15931994613378347672012-04-30T00:49:00.005+02:002012-04-30T01:07:05.014+02:00Una, grande y libre.<br />
<div class="MsoNormal" style="text-align: center;">
<a href="https://blogger.googleusercontent.com/img/b/R29vZ2xl/AVvXsEgibfZyJ0C-TlTlY3gjviePQKLP2XeiH7xa1A9p0k9hBnVlmq0NIdezYFXWTO82Z1eqIwkAI7CAdhgl9z65aspFFjQVYnKps0EsreyBIs0rCSluq5JjfMCIt7jUtuaYqJ7nVazYTx6DF3w/s1600/unagrandelibre.png" style="margin-left: 1em; margin-right: 1em;"><img border="0" height="320" src="https://blogger.googleusercontent.com/img/b/R29vZ2xl/AVvXsEgibfZyJ0C-TlTlY3gjviePQKLP2XeiH7xa1A9p0k9hBnVlmq0NIdezYFXWTO82Z1eqIwkAI7CAdhgl9z65aspFFjQVYnKps0EsreyBIs0rCSluq5JjfMCIt7jUtuaYqJ7nVazYTx6DF3w/s320/unagrandelibre.png" width="308" /></a> </div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Ún de los tracamundios más
habituales cola crisis ye'l de que sobren municipios, diputaciones y autonomíes
n'España. Les razones que se dan son que dupliquen, tripliquen o cuatripliquen
competencies, que se gasten perres de más n'instituciones que puen llegar a ser
caciquiles y que nun se decaten de los gastos, xenerando una deuda incontrolable
ya inadmisible, que torga'l gastu n'otres coses como la Educación, la Sanidá o los Servicios
Sociales. Vien esta entrada a desmitificar estes idegues, a apurrir reformes
consecuentes y a proponer nueves visiones que se tan escaeciendo y que ponen en
peligru fonderu los drechos y les llibertaes de les persones.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Pa escomenzar, quiero dexar claro
que lo ideal dientro d'un sistema braderamente democráticu ye averar la toma de
decisiones al ciudadanu. Dende bien antiguo les sociedaes alministráronse dende
lo cercano, dende la estaya más bultable. Cuando esa capacidá se perdía, yera
porque les persones dexaben de tener la capacidá d'organizase por si mesmes, porque s'imponía una
fuercia dende afuera: un pueblu invasor, una autoridá militar o relixosa, un
imperiu... Si tomamos Atenes como l'exemplu históricu de democracia,
alcontramos una pequeña ciudá con una serie de ciudadanos llibres (anque fueren
los menos) que se rexía a sí mesma, entre toos sorteaben los cargos públicos y
escoyíen al estratega militar, y lluchando escontra otres polis y/o imperios
que queríen faer desapaecer esa independencia, defendíen esa responsabilidá direuta nel
devenir de la coleutividá. Y esa yera la so identidá. </div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Tamién quiero dexar claro,
qu'estes propuestes apúrrense solamente dende seutores qu'entienden que la
democracia d'anguaño nun tien ná que ver col gobiernu del pueblu y que la
participación d'esti tien que quedase ná más nes votaciones cada cuatro años pa
escoyer a los sos representantes. O bien persones que nun seyan conscientes de
que tienen la posibilidá d'autogobernase, tando más cómodos siendo dirixíos y
protestando cuando aquelles persones a les qu'entregaron la so confianza, los
traicionen por defender otros intereses. Dexando pa prau, dende ún y otru
sitiu, que les torgues que se faen de toes estes alministraciones públiques,
puean dase na alministración central tamién.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Por último, falar a les clares de
que cualisquier tipu de midía centralizadora, onde les tomes de decisión
s'alloñen del pueblu, creya granibles desigualdaes xeográfiques (polítiques,
sociales y económiques), amás de poner en valía unes identidaes frente a otres
(nesti casu, la española escontra cualisquier otra de cualisquier tipu) y d'inmobilizar al pueblu na defensa de los sos drechos.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Escomienzo pola idega de multiplicación
de competencies públiques. Si esisten diecisiete alministraciones autonómiques,
ye por estes tan más averaes al ciudadanu y esti, sobre'l papel, pue acudir a
elles d'una forma más granible. Si l'Estáu ufierta la mesma competencia, ye
l'alministración central la que sobra porque, nel so momentu, apurrió ya,
incluso, obligó a aceutar el trespasu. Amás, pa poder aguantar un sistema
centralizáu habría sofitase na multiplicación d'entidaes estatales, como fai
anguaño coles competencies que gobierna al traviés de les delegaciones
provinciales de les respeutives entidaes. La diferencia ente un tipu
d'alministración y otru nun tará nel númberu d'oficines o de trabayadores públicos,
que sedrán los mesmos qu'anguaño o nun se soportará, si non nel llugar onde se
tomen les decisiones polítiques, más averaes al ciudadanu cuanto más
descentralizao tea. Nesti estáu, sobra alministración central.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Sigo pola idega del caciquismu. Ye
nidio qu'un sistema democráticu con pequeñes circunscripciones pue ser más dau
a los abusos de poder y un conceyu pequeñu pue ser un buen campu de cultivu
d'estes práutiques: dánse n'Asturies anguaño con alcaldes que se sienten y actúen
como propietarios de los bienes públicos, guardando'l coche oficial nel garaxe
de la so casa o respondiendo a les propuestes vecinales con amenaces o
marxinaciones (l'alcalde de Yernes y Tameza, ensin dir más lloñe, que nin siquier vive nel munciipiu que gobierna). Pero la
solución nun bien por xuntar un ayuntamientu pequeñu con otru mayor o dellos
pequeños (muncho menos obligao), lo que solo xeneraría discrepancies ente
vecinos y desequilibrios estructurales nos servicios municipales (cuando dos
conceyos voluntariamente quieren compartir servicios, formen mancomunidaes; ye
perverso querer formar de les mancomunidaes conceyos, porque s'escaez la
identidá de los ciudadanos de los mesmos, a parte del so nivel d'implicación). La solución atópase dándo-yos mayor
participación a los ciudadanos, onde les decisiones seyan tomaes n'asamblea. Por
embargo, l'añu pasáu apróbose una llei onde se suprimíen los conceyos abiertos
en favor de consistorios con conceyales. El sofitu argumental yera la
ineficacia y llentitú na toma de decisiones d'esti tipu d'asamblees; dexaba'l
camín llibre pa la supresión de los municipios.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Por último, falar de la deuda,
del gastu inapropiáu ya imprudente y la falta de control. Nun se pue negar la
deuda astronómica de munchos conceyos, qu'acaben dexando a los vecinos ensin
cobertories de servicios básicos. Pero tá claro que, dientro d'esa deuda, los
ayuntamientos más habitaos (Madrid, Barcelona, Valencia...) son los qu'ayuden más.
Por otru lláu, nun toles comunidaes autónomes tienen los mesmos niveles de
deuda y, estos, son incomparables coles de l'alministración central, que
controla la distribución de les ayudes europees como-y pruye. De
lo que nun cabe dubia ye qu'estes dos alministraciones tan xestionando la deuda
pública con bancos y diverses entidaes financieres, beneficiando a los
especuladores y dando la espalda a los ciudadanos, que tienen que pagales a
costa de recortes nos sos drechos. Ehí s'alcuentra el problema: non na
esistencia de más o menos división alministrativa.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Pero, centrándonos nel casu
municipal, la fusión de conceyos (eufemismu pa nomar la "supresión de
conceyos") nun ye aval de reducción del gastu. Yá falé enriba de que los
conceyos puen xunise en mancomunidaes pa compartir gastos y servicios, ensin
perder independencia. La xunión, sobre too cuando nun ye voluntaria, que ye lo
que se ta plantegando, pue causar, como tamién dixe, desigualdaes ente los territorios:
desplazamientos a sitios más alloñaos pa tramitar documentos, pérdida de
servicios inmediatos qu'enantes sí se teníen, más tardanza nes tramitaciones,
camudamientos de nomenclatures... y pérdida d'identidá. </div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Sé que nestos díes falar
d'identidá tá mui mal visto y peor sintío. Ensin embargu, cuando la xente diz
que nun ye momentu pa falar d'esti tipu de coses, ye porque ta faciendo propia
una identidá que considera única y normativa. La identidá ye indispensable pal
ciudadanu, porque nella atopa'l so significáu como persona. Y les alministraciones, sobre
too les que s'autonomen democrátiques, tienen que cuidar por eses identidaes
ciudadanes, ensin uniformales. Trabayando pola pérdida d'identidaes
diferenciaes, afeando a quienes les defienden, les fuercies polítiques algamen la
posibilidá de dir arramplando drechos ciudadanos. Y una vez perdíu ún, los demás
van de secute. </div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Tamién se trata, nesti casu, de
nacionalismu español centralista, pero nun segundu planu, al mio entender. Anque
si a dalguna d'estes mentes pensantes se-y entruga por qué, si España tien
tantes deudes y anda tan mal n'empléu, en financies y en productividá, nun se
fusiona con Francia, pasando a ser parte d'ella como un conxuntu de provincies
más y reduciendo asina gastos alministrativos... de xuru que va responder
qu'España ye un país, un estáu, que tien historia propia y común a los
españoles, etc., etc. O seya que, curiosamente, tirarán d'identidá. A veces, de
forma rancia. (Recordemos el lema: "Una, grande, libre")</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
En conclusión, la supresión de
conceyos y de competencies autonómiques y diputacionales, traerán consigo la
pérdida del averamientu de les alministraciones al ciudadanu, lo que fadrá que
la democracia se torne nun sistema indereutu, onde les decisiones nun proceden
del pueblu, amás de procura-y una peor xestión de los servicios esenciales ya
inmediatos, somorguiar la identidá propia a una impuesta dende afuera -anque
fueren compatibles en principiu-, y un emprobecimientu esponencial del
territoriu onde vive, independientemente de la riqueza qu'esti tuviere.</div>
<div class="MsoNormal" style="text-align: justify;">
<br /></div>
<div class="MsoNormal" style="text-align: justify;">
Habrá camudase'l sistema d'eleición
de los representantes, mientres que nun se puea reasumir como'l sistema más
viable l'asambleísmu ciudadanu; habrán camudase les formes de reponsabilizar a los representantes del pueblu n'eses instituciones respeuto a los sos marafundios; habrán camudase les estayes de trabayu de cada
alministración pa que nun se solapen, entendiendo que, cuanto más averao al
ciudadanu, más rentable pa la sociedá; y habrán camudase idegues qu'anguaño se
tomen por dogmes intocables de la fe democrática (como'l sistema partíos, la
financiación por sovenciones, el centralismu como solución a los problemes...).
Pero que naide piense que separtar al ciudadanu del poder ye bradera
democracia, por más que les cuentes-yos salgan.</div>elCuenteristahttp://www.blogger.com/profile/01649976022172502019noreply@blogger.com0tag:blogger.com,1999:blog-8866949584271405204.post-70169414130479859702012-04-28T03:50:00.003+02:002012-04-28T03:53:32.373+02:00D'elefantes, terroristes y Evites Perón.<br />
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEgbytRB1krS2p5wveaCRLrHX1oaIA-8PRaW80b9NCTbXXzpJY-9U8_nIJsmKDlOeD9uD9ys2SgkDy7yI8RkxEi8d0LUCDmoMLMOw5ROSk68AQVnS9qvlwDmziFbwGfap2UnnvicbmGifjY/s1600/porter%C3%ADa.jpg" imageanchor="1" style="margin-left: 1em; margin-right: 1em;"><img border="0" height="202" src="https://blogger.googleusercontent.com/img/b/R29vZ2xl/AVvXsEgbytRB1krS2p5wveaCRLrHX1oaIA-8PRaW80b9NCTbXXzpJY-9U8_nIJsmKDlOeD9uD9ys2SgkDy7yI8RkxEi8d0LUCDmoMLMOw5ROSk68AQVnS9qvlwDmziFbwGfap2UnnvicbmGifjY/s320/porter%C3%ADa.jpg" width="320" /></a></div>
<div class="MsoNormal" style="text-align: justify;">
<br />
Esti mes d'abril fue bastante
movíu y, a falta d'un par de díes pa que fine, índa promete siguir siéndolo. La
crisis del sistema captialista, tapáu polos medios de comunicación y pol
estamentu políticu como una crisis ecomómica ensin más, ta, pocoñín a poco,
camudando nuna crisis del sistema democráticu español. Si dalguien tira de la
manta pa tapar la tiesta, acaba destapando los pies: si se cuida de nun
perxudicar a les mentes pensantes financieres, acábase por dexar mal paraos los
cimientos onde se sofitaba la democracia española: rei, nexu América-Europa y
drechos sociales.<br />
<br />
</div>
<div class="MsoNormal" style="text-align: justify;">
La monarquía española ye la
institución pola cual se caltién España xunida. Estes nun son pallabres de mío,
sinón la xustificación usada mientras la Transición pa tragar col agasayu que supunxo
l'aceutación del testamentu franquista: Juan Carlos I, rei d'España. Y a la Hestoria se remitíen:
tolos intentos por caltener la paz fuera la monarquía, acabron mal. Y la xente,
que taba familiarizada con un mozu altu, rubiu, bien educáu y con talante de diálogu,
nun solo nun tragó, sinón que lo vio con buenos güeyos, hasta'l puntu de que
munchos se nomaron "juancarlistas" (pol vezu de tener un referente
personalista, dempués de cuarenta años col brazu al altu). Quienes falaben de
República (la mayor parte, ensin xacíu pola falta de propuestes concretes)
yeren vistos como fatos que nun atalantaben tolo bueno que ficiera'l monarca. Pero
ye que, hasta les mínimes protestes escontra les actiúes del titular del
palaciu La Zarzuela
(que non "Zarzuela" a seques, por favor, qu'aldeganismu llingüísticu
ye la economía de pallabres), yeren entendíes como falta gorda, de tarxeta
mariella rozando la colorada, con sentencies xudiciales de multes, secuestros
d'ediciones de revistes y arrestos. Y, en tolos casos, cola acusación de ser
unos antiespañoles de llibru, volviendo, otra vuelta, a la conexión monarquía-nación
española.<br />
<br />
</div>
<div class="MsoNormal" style="text-align: justify;">
Pero estos meses, la Casa Real perdió les
prebendes informatives llambeculeres y saltaron a la voz pública (de la mano de
los mesmos medios que callen los tracamundios del Santander, FarmaEspaña o
ENRESA) los pufos d'un xenru, les fuxides de pinza del otru col so primer nietu
y los pufos y fuxides de pinza de so. En menos de tres meses, don Juan Carlos
quedó como un auténticu gochu en cuantes a cabezaleru de familia, dándo-y la
espalda a la fía pa salvar el so culu; quedó como un auténticu gochu como güelu,
tando de cacería d'elefantes n'África cuando'l nietu se pegare un tiru nel pié;
y quedare como un gochu como maríu, por andar de safaris con una princesa
alemana de meyor ver que la muyer griega qu'escucha ópera y malpenes fala
español. Y toes eses coses, dánme lo mesmo, porque yo nun me meto en la vida de
los demás. Tampoco veo mal que cace, elefantes o lo que seya; anque nun me
paezca una afición plausible. Lo que me pruye ye qu'el rei nun taba cumpliendo
coles sos funciones reales, representando mal al Estáu que lu tien como Xefe,
ufiertando una imaxen de desorganización al restu'l mundu... y que la xente se
conforme con unes disculpes atatexaes a la puerta d'un hospital. Eso val pa un
guah.e d'ocho años que-y quita los cromos a otru y lu pillen. Pero pa un rei...
Si se llega a tirar el farol de poner el so cargu a disposición del Parlamentu,
sabiendo como se sabe que lu diben a llevar en parigüeles, hasta Anguita y fai
la ola por ser l'únicu n'España en dar la cara. Pero, claro ta, qu'el másimu
representante del sistema democráticu d'esti reinu dé la cara, ye muncho pidir.<br />
<br />
</div>
<div class="MsoNormal" style="text-align: justify;">
(Vuelvo a dicir que si llego a
espublizar esto va un añu, diba tener delles demandes por inxuries al Rei. Y
que nun s'entienda esto como un progresu nel drechu de llibre pensamientu,
porque ye solo una forma de distrayer l'atención de los braeros problemes)<br />
<br />
</div>
<div class="MsoNormal" style="text-align: justify;">
Por otru lláu, l'Arxentina, cola
so presidente Kirschner a la tiesta, cual Evita New Age, decide nacionalizar YPF, la empresa
petrolera del llugar que fuere vendía a Repsol va dellos años, cuando'l territoriu
arxentinu nun yera la potencia petrolífera y gasística que ye anguaño gracies,
tolo hai que dicir, al buen faer de Repsol. El Senáu arxentín acaba d'aprobar
la midía, con delles voces a la escontra (que dempués me prestará comentar).<br />
</div>
<div class="MsoNormal" style="text-align: justify;">
Y, enantes, Repsol tira de la
pernera'l pantalón a Rajoy pa que la defienda, como empresa española que ye. De
lo que s'olviden dende la cúpula de Repsol ye que yá nun ye una empresa
española, porque fuere privatizada a finales de los 80; tamién escaecen que'l
so crecimientu económicu nun se vio acompañáu por un repartu de beneficios ente
los españoles, nin si quiera nuna meyora de les condiciones pal consumu
carburantes, por exemplu; y tamién s'olviden de que, al internacionalizar la
producción, la mayor parte de los impuestos como empresa, taben pagándose a
otres faciendes non dependientes de la española (nel casu de los direutivos, yá
nin falo). ¿Cómo se pue dicir que Repsol ye una empresa española? Ye una
multinacional y los sos intereses, nun yeren españoles, sinón empresariales. Que
vayan a los tribunales y lo solucionen. (La carcaxada qu'echaren los lores y
los comunes británicos, si BP acudiere a ellos pa que mediaren con otru estáu polos
sos conflictor (por exemplu, nel casu la plataforma que s'hundió nel Golfu de Máxicu,
con Estaos Xuníos), diba sintise hasta nes Falkland malvinianes.<br />
<br />
</div>
<div class="MsoNormal" style="text-align: justify;">
La idega de la Kirschner ye
nacionalizar esa empresa porque Arxentina, un de los principales esportadores
de petroleu, nun ye autosuciente y tien que compralo fuera, más caro. Asina
dicho, solo un neciu pue entender que puen más les razones económiques de los
empresarios privilexiaos por gobiernos anteriores col monopoliu petrolíferu y
que yá algamaron los sos beneficios, que los drechos de los ciudadanos
arxentinos a esfrutar de les sos riqueces. El pero bien (lo que me prestaba
comentar más enriba) cuando les mídies van encaminaes a favorecer a grupos
empresariales oligárquicos del país, que sofitaron les campañes de la
presidenta (y del so maríu fallecíu), y non p'algamar una compañía petrolífera
pública que beneficie a tol pueblu.<br />
<br />
</div>
<div class="MsoNormal" style="text-align: justify;">
Seya como seya, la polémica
prendió como un conflictu entre Arxentina y España, quedando les relaiciones
ente Arxentina/Latinoamérica y España/Xunión Europea (qu'al final dexó a Rajoy
solu, quien tuvo qu'acudir a doña Hillary a la gueta de sofitu internacional)
bastante perxudicaes. Y en dengún sitiu se pretendió ver l'abusu de poder de
Repsol pa colos arxentinos, esplotando los sos recursos ensin dexar riqueza nel
país, nin pa colos españoles, a los que s'acude solo en momentos críticos (lo
que nun ye nuevo ente les grandes empreses).<br />
<br />
</div>
<div class="MsoNormal" style="text-align: justify;">
Pero, ensin dubia, lo más
preocupante d'esti mes, por enriba d'estes dos caxigalines qu'a los ciudadanos
d'infantería nun mos tienen qu'afeutar lo más mínimo, ye'l recorte de drechos
sociales que se ta faciendo n'España al amparu de los axustes económicos pa
iguar el déficit. Nun me voi detener nes midíes apurríes pa la Sanidá, nin pa la Educación, nin pa los
Servicios Sociales, nin pa les Alministraciones Públiques non centrales, que
tamién son coses mui graves relatives a los drechos humanos. Quiero falar, como
exemplu, de la revisión del Drechu de reunión.<br />
<br />
</div>
<div class="MsoNormal" style="text-align: justify;">
Como la mayor parte d'estes midíes
van a la escontra de los drechos humanos y de los recoyíos pola Constitución,
pero la Xusticia
nun les echa p'atrás, la xente garró por vezu salir a la cai a protestar. Pero va
de sieglos, nun ye d'anguaño. Organizándose en grupos, les mases populares protesten
escontra'l poder que nun surde d'elles -por más qu'el poder asina lo diga- de
les formes más diferentes. Fitos na Hestoria foron la Revolución de los
Claveles, onde los portugueses poníen estes flores nos cañones de los fusiles
del exércitu movilizáu pa llibrase d'una perfeutamente llegal dictadura o, n'otru
exemplu estudiáu nes escueles como símbolu de llibertá, la Revolución Francesa,
onde los franceses pasaron pola guillotina a los nobles y al rei, pesie a
qu'estos taben llexitimaos pal so comportamientu despóticu y autoritariu poles
lleis.<br />
<br />
</div>
<div class="MsoNormal" style="text-align: justify;">
El casu ye que l'Estáu español
quier blindase escontra esti tipu de movilizaciones, promulgando lleis que
penen a los protestantes con terroristes, si s'oponen a los dictámenes
policiales. Pero nun se queda ehí la cosa: pue ser hasta entendible que
dalguien identifique a un violentu manifestante que ruempe un cristal o quema
un contenedor, con un mozu de la kale-borroka vasca. Ye tremendo yá qu'esto
seya considerao terrorismu (y ye una de delles coses poles qu'España nun pasa
los esámenes de les organizaciones pro-drechos civilies más importantes, como
Human Rigth Watch o Amnistía Internacional). Pero ye que, poles mesmes, la
desobediencia pasiva, tamién ye terrorismu n'España.<br />
<br />
</div>
<div class="MsoNormal" style="text-align: justify;">
Tengo claro que convertir España
nun estáu policial nun va ser bueno pa esti sistema democráticu que ta
maureciendo a los güeyos de los sos ciudadanos, ca vez más cansaos de medíes de
recorte y más descontentos colos sos políticos. Pero tírome de los pelos al ver
como muncha xente tovía sal en defensa'l rei, aplaudiendo los sos tatexos
esculpatorios, o como la mesma y más, pide glayando represalies escontra
Arxentina "por quitamos coses". Tienen suerte daquellos que viven
bien col sistema equí de tener una ciudadanía tan desconocedora de los sos
drechos y, lo que ye más triste, de la so realidá, inmutable salvo cuando Messi
o Sergio Ramos fallen un penalty. Pero claro: yo soi un terrorista, que nin
caza elefantes nin gasta un duru en gasolina.</div>elCuenteristahttp://www.blogger.com/profile/01649976022172502019noreply@blogger.com0